ସମ୍ବଲପୁର ୧୩ । ୫: ପ୍ରସିଦ୍ଧ ଶୀତଳଷଷ୍ଠୀ ଯାତ୍ରା ପାଇଁ ଅକ୍ଷୟ ତୃତୀୟାରେ ଥାଳ ଉଠା କାର୍ଯ୍ୟ ସମ୍ପର୍ଣ୍ଣ ହୋଇଥିଲା , ଆସନ୍ତା ୭ ତାରିଖରେ ଅନୁଷ୍ଠିତ ହେବ ଦେବ ବିବାହ । ସମ୍ପୂର୍ଣ୍ଣ ଲୋକାଚାର ରିତିନୀତିରେ ଦେବୀ ପାର୍ବତୀ ଏବଂ ଦେବ ଦେବ ମହାଦେବ ବାନ୍ଧିହେବେ ବିବାହ ବନ୍ଧନରେ ।ଏଥି ପାଇଁ ଏବେ ଫୁଲ ଦମ୍ରେ ଚାଲିଛି ପ୍ରସ୍ତୁତି ।
{"id":111530}
ନନ୍ଦପଡାର ବମ୍ବରାଡ ବାଲୁଙ୍କେଶ୍ବର ବାବା,ଝାଡୁଆପଡାର ଲୋକନାଥ ବାବା ଓ ମୋଦିପଡାର ଜାଗେଶ୍ବର ବାବାଙ୍କ ମନ୍ଦିରରେ ଧୂମ୍ଧାମରେ ଅନୁଷ୍ଠିତ ହୋଇଥିଲା ଥାଳ ଉଠା କାର୍ଯ୍ୟ । ମହାଦେବଙ୍କ ମନ୍ଦିରରେ ଜଳାଭିଷେକ କରାଯିବା ପରେ, ମାତା ପାର୍ବତୀଙ୍କ ମାତା,ପିତା ଚୟନ ଶେଷ ହୋଇଛି। ଶୀତଳଷଷ୍ଠୀ ଯାତ୍ରା ପାଇଁ ଚାନ୍ଦା ବା ସହାୟତା ଖାତା ଅନୁକୂଳ ମଧ୍ୟ ହୋଇଗଲାଣି।
{"id":111531}
ଥାଳଉଠା ପରେ ମହାଦେବଙ୍କ ପାଇଁ ଗୁଆଗୁଣ୍ଡା କାର୍ଯ୍ୟକ୍ରମ କରାଯିବ। ଏହାପରେ ଦେବ ନିମନ୍ତ୍ରଣ,ନୃସିଂହ ନିଉତା ଓ ହନୁମାନ ନିମନ୍ତ୍ରଣ ଆଦି ହେବ। ଆସନ୍ତା ମାସ ୭ତାରିଖ ଶୀତଳଷଷ୍ଠୀ ଦିନ ଦେବଦେବ ମହାଦେବ ଓ ମାତା ପାର୍ବତୀଙ୍କ ମଧ୍ୟରେ ସଂପୂର୍ଣ୍ଣ ଲୋକାଚାର ନୀତିରେ ବାହାଘର କରାଯିବ। ବାହାଘରର ଗୋଟିଏ ଦିନପରେ, ଦେବ ଦମ୍ପତି ସୁସଜ୍ଜିତ ମେଢରେ ସହର ପରିକ୍ରମା କରିବେ । ଯେତିକି ପାଖଉଛି ଶୀତଳଷଷ୍ଠୀ ଶ୍ରଦ୍ଧାଳୁଙ୍କ ମଧ୍ୟରେ ସେତିକି ଉତ୍କଣ୍ଠା ବଢ଼ୁଛି । ଏବେ ଠାରୁ ବିଭିନ୍ନ ସ୍ଥାନରୁ କିନ୍ନରମାନେ ସମ୍ବଲପୁର ସହରକୁ ଆସିବାରେ ଲାଗିଲେଣି।
