Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସରିଲାନି ଆର୍ଯ୍ୟନ ଖାନ୍‌ଙ୍କ ଜାମିନ୍‌ ଆବେଦନର ଶୁଣାଣି, ଆସନ୍ତାକାଲିକୁ ସ୍ଥଗିତ ରଖିଲେ କୋର୍ଟ
  • ||
  • ଭାରତୀୟ ଶିକ୍ଷୟିତ୍ରୀଙ୍କ ପାକିସ୍ତାନ ପ୍ରେମ, ଷ୍ଟାଟସ୍ ଦେଲେ ‘ଆମେ ମ୍ୟାଚ୍ ଜିତିଗଲୁ’
  • ||
  • ରାଜ୍ୟରେ କମୁଛି କରୋନା ଗ୍ରାଫ୍ : କୋଭିଡ୍ ନେଲା ଆଉ ୪ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୪୩୩ କୋଭିଡ୍ ପଜିଟିଭ୍
  • ||
  • ନୂଆଦିଲ୍ଲୀ ସୀମାପୁରୀରେ ଅଭାବନୀୟ ଘଟଣା : ଘରେ ଲାଗିଲା ନିଆଁ, ୪ ମୃତ
  • ||
  • ଏବର୍ଷ ରାଜ୍ୟରେ ହାଡଭଙ୍ଗା ଶୀତ, ଅଧିକ ଦିନ ଥରାଇବ
  • ||
  • ସିଆରପିଏଫ କ୍ୟାମ୍ପରେ ରାତି ବିତାଇଲେ ଶାହ, ଯବାନଙ୍କ ସହ କଲେ ରାତ୍ରି ଭୋଜନ
  • ||
  • ମମିତା ମେହେର ହତ୍ୟା ମାମଲା : ବିଜେପି ପକ୍ଷରୁ ୧୨ ଘଣ୍ଟିଆ ସମ୍ବଲପୁର ବନ୍ଦ, ସେପଟେ ଡିଜିପି ଅଫିସ ଘେରାଉ କରିବ କଂଗ୍ରେସ
  • ||

ସମ୍ବଲପୁର : ହଟାଗଲା ଦଳୀୟ ପୋଷ୍ଟର ଓ ହୋର୍ଡିଂ

13/03/2019 at 3:16 PM

ସମ୍ବଲପୁର ୧୩|୩ (ନୀଳାଚଳ ମହାପାତ୍ର) : ସମ୍ବଲପୁର ଜିଲ୍ଲାର ଗୋଟିଏ ଲୋକସଭା ଓ ୪ଟି ବିଧାନସଭା ଆସନ ପାଇଁ ଏପ୍ରିଲ୍‌ ୨୩ରେ ହେବ ଭୋଟ୍‌ । ଏହାକୁ ନେଇ  ଜିଲ୍ଲା ପ୍ରଶାସନ ତରଫରୁ ବ୍ୟାପକ ପ୍ରସ୍ତୁତି କରାଯାଇଛି । ଏବେ ନିର୍ବାଚନ ଆଚରଣବିଧି ଲାଗୁ ହେବା ପରେ ପ୍ରଥମେ ବିଭିନ୍ନ ସ୍ଥାନରୁ ଦଳୀୟ ପୋଷ୍ଟର ହୋର୍ଡିଂ ହଟାଯାଇଛି। ଏହି ନିର୍ବାଚନକୁ ଅବାଧ ଓ ନିରପେକ୍ଷ କରିବାକୁ ସମସ୍ତ ପ୍ରକାର ବ୍ୟବସ୍ଥା ଗ୍ରହଣ କରିଛି ଜିଲ୍ଲା ପ୍ରଶାସନ ଓ ପୋଲିସ ।

ସମ୍ବଲପୁର ଜିଲ୍ଲାରେ ରହିଛି ଗୋଟିଏ ଲୋକସଭା ଓ ୪ଟି ବିଧାନସଭା ନିର୍ବାଚନ ମଣ୍ଡଳୀ ।  ସମ୍ବଲପୁର, ରେଙ୍ଗାଲି, ରେଢାଖୋଲ ଓ କୁଚିଣ୍ଡା ବିଧାନସଭା ସହ ସମ୍ବଲପୁର ଲୋକସଭା ଆସନ ପାଇଁ ଆସନ୍ତା ଏପ୍ରିଲ୍‌ ୨୩ରେ ଭୋଟ୍ ହେବ ।  ଜିଲ୍ଲାର ମୋଟ ୮ଲକ୍ଷ ୧୬ହଜାର ଭୋଟର ସେମାନଙ୍କ ମତଦାନ ଅଧିକାର ସାବ୍ୟସ୍ତ କରିବେ । ମୋଟ ୪୪୭ଟି ଭୋଟ ଗ୍ରହଣ କେନ୍ଦ୍ରରେ, ୯୩୫ଟି ବୁଥ୍‌ ରହିବ । ସଂପୂର୍ଣ୍ଣ ଜିଲ୍ଲାକୁ ୧୦୩ଟି ସେକ୍ଟରରେ ବିଭକ୍ତ କରାଯାଇଛି।  ୩୪୬ଟି ଅତି ସମ୍ବେଦନଶୀଳ ବୁଥଗୁଡ଼ିକରେ ମୁତୟନ ହେବେ ରାଜ୍ୟ ପୋଲିସ ସହ କେନ୍ଦ୍ରୀୟ ସୁରକ୍ଷାବଳ ।  

ମାର୍ଚ୍ଚ ୨୮ରେ ନିର୍ବାଚନ ବିଜ୍ଞପ୍ତି ପ୍ରକାଶ ପାଇବା ପରେ ନାମାଙ୍କନ ପତ୍ର ଦାଖଲ ଆରମ୍ଭ ହେବ ।ଏପ୍ରିଲ୍‌ ୪ ଅପରାହ୍ନ ୫ଟା ପର୍ଯ୍ୟନ୍ତ ଚାଲିବ ନୋମିନେସନ । ଏପ୍ରିଲ୍‌ ୫ରେ ନାମାଙ୍କନ ପତ୍ର ଯାଞ୍ଚ ଏବଂ ଏପ୍ରିଲ୍‌ ୮ରେ ନାମାଙ୍କନ ପତ୍ର ପ୍ରତ୍ୟାହାରର ଶେଷ ତାରିଖ ରହିଛି । ଏପ୍ରିଲ୍‌ ୨୩ରେ ଭୋଟଗ୍ରହଣ ଥିବାରୁ, ୨୧ ସଂନ୍ଧ୍ୟା ୫ଟା ସୁଦ୍ଧା ପ୍ରଚାର ଶେଷ ହେବ ।  ନିର୍ବାଚନରେ ଟଙ୍କା ବଣ୍ଟା, ଗଣ୍ଡଗୋଳ ଉପରେ ନଜର ରଖିବାକୁ ବ୍ୟାପକ ପୋଲିସ୍ ମୁତୟନ, ପାଟ୍ରୋଲିଂ ଓ ଆଇନ ଶୃଙ୍ଖଳା ବ୍ୟବସ୍ଥାକୁ କଡା କଡି କରାଯିବ ।

ଏଥର ନିର୍ବାଚନରେ ସମ୍ବଲପୁର ଜିଲ୍ଲାରେ ସମସ୍ତ ୪ଟି ବିଧାନସଭା ଓ ଲୋକସଭା ଆସନରେ ମୁଖ୍ୟତଃ ବିଜେଡି-ବିଜେପି ଭିତରେ ଫାଇଟ୍‌ ହେବା ଏକ ପ୍ରକାର ନିଶ୍ଚିତ । ସେଥିପାଇଁ ନିର୍ବାଚନ ତାରିଖ ଘୋଷଣା ଦିନରୁ ହିଁ ଜିଲ୍ଲାରେ ରାଜନୈତିକ ଉଷ୍ମତା ଦେଖିବାକୁ ମିଳୁଛି । ଆଗକୁ ପ୍ରଚାର ଜମିବ ।

   Related Posts