Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କରୋନାରେ ଆଉ ଜଣେ ଟିଏମସି ବିଧାୟକଙ୍କ ପରଲୋକ
  • ||
  • ୧୦ ଦିନର ଶିଶୁପୁତ୍ରକୁ ୧୦ ହଜାର ଟଙ୍କାରେ ବିକିଦେଲା ବାପା, ମାଳିସାହି ନିକଟରୁ ଉଦ୍ଧାର କଲା ପୋଲିସ
  • ||
  • ହତ୍ୟା କରି ଗଛରେ ଟାଙ୍ଗିଦେଲେ ! ସନ୍ଧ୍ୟାରେ ସାଙ୍ଗ ହୋଇ ମଦ ପିଇଲା ପରେ ଏମିତି ଘଟିଲା କ’ଣ ?
  • ||
  • ଯୁବକଙ୍କୁ ବୀଭତ୍ସ ହତ୍ୟା : ଖଣ୍ଡା ଓ ଫାର୍ସାରେ ବେକକୁ ହାଣିଦେଲେ ୪ ଦୁର୍ବୃତ୍ତ
  • ||
  • କମୁଛି ସଂକ୍ରମଣ, ରାଜ୍ୟରେ ୨୪ ଘଣ୍ଟାରେ ୩୫୭୭ କୋଭିଡ୍ ପଜିଟିଭ୍ ଚିହ୍ନଟ
  • ||
  • ୧୨ ଫୁଟର ଅଜଗର ଉଦ୍ଧାର, କପିଳାସ ଜଙ୍ଗଲରେ ଛାଡିଲା ବନ ବିଭାଗ
  • ||
  • ବିପୁଳ ପରିମାଣର ଗଞ୍ଜେଇ ଜବତ, ୩ ମାଫିଆ ଗିରଫ
  • ||
  • ଚର୍ଚ୍ଚିତ ଓଡ଼ିଆ କଣ୍ଠଶିଳ୍ପୀ ତପୁ ମିଶ୍ରଙ୍କ ପରଲୋକ
  • ||

କରଜ ଟଙ୍କା ଆଣିବାକୁ ଘରୁ ବାହାରିଥିବା ସମାଜବାଦୀ ପାର୍ଟି ନେତାଙ୍କ ସ୍ତ୍ରୀଙ୍କୁ ହତ୍ୟା : ବସ୍ତାରୁ ମିଳିଲା ଶବ

27/12/2018 at 3:43 PM

ମୁଜାଫରପୁର ୨୭/୧୨: ମୁଜାଫରପୁରରେ ଏକ ଅଭାବନୀୟ ଘଟଣା ଘଟିଛି। ସମାଜବାଦୀ ପାର୍ଟି ଜଣେ ନେତାଙ୍କ ସ୍ତ୍ରୀ ସୁରୈୟା ବେଗମଙ୍କୁ ଅପହରଣ ପରେ ଫାଶୀ ଲଗାଇ ହତ୍ୟା କରାଯାଇଛି। ଏହା ପରେ ତାଙ୍କ ଶବକୁ ହାତ ଗୋଡ଼ ବାନ୍ଧି ବସ୍ତାରେ ପୂରାଇ ଏକ ବୁଦା ଭିତରେ ପକାଇଦିଆଯାଇଥିଲା। ଏହି ମାମଲାରେ ଏକ ଦମ୍ପତିଙ୍କ ସମେତ ୩ଜଣ ଅଭିଯୁକ୍ତଙ୍କୁ ଗିରଫ କରିଛି ପୋଲିସ୍ ।

ଟଙ୍କା ନେବା ଦେବା ଏହି ଘଟଣାର ଅସଲି କାରଣ ବୋଲି ଜଣା ପଡ଼ିଛି। ୨୦୧୨ମସିହାରେ ଅନୁଷ୍ଠିତ ଖଟୌଲି ନଗରପାଳିକା ଚେୟାରମ୍ୟାନ ନିର୍ବାଚନରେ ସୁରୈୟା ବେଗମ ସ୍ବାଧୀନ ପ୍ରର୍ଥୀ ଭାବେ ଲଢ଼ିଥିଲେ।

୮ଦିନ ତଳେ ସେ ନିଖୋଜ ହୋଇଯାଇଥିଲେ। କିଛି ଦିନ ହେବ ମହିଳାଙ୍କୁ ଖୋଜା ଚାଲିଥିଲା। ଗିରଫ ହୋଇଥିବା ଅଭିଯୁକ୍ତଙ୍କୁ ପଚରାଉଚୁରା ଜାରି ରହିଛି। କିନ୍ତୁ ସେମାନେ ଏପର୍ଯ୍ୟନ୍ତ ମୁହଁ ଖୋଲିନାହାନ୍ତି।

ମୃତା ମହିଳା ସୁରୈୟା ବେଗମ୍ (୫୦) ଖଟୌଲିର ମୋହଲ୍ଲା ଢାକନ୍ ଛକରେ ରହୁଥିଲେ। ସେ ଡିସେମ୍ବର ୧୮ତାରିଖ ଇସଲାମନଗର ନିବାସୀ ମହିଳାଙ୍କୁ କରଜ ଦେଇଥିବା ଟଙ୍କା ଆଣିବାକୁ ଘରୁ ବାହାରି ଯାଇଥିଲେ। ଏହା ପରେ ସେ ଆଉ ଘରକୁ ଫେରିନଥିଲେ। ଏଥିପାଇଁ ତାଙ୍କ ଝିଅ ହୁମା ପୋଲିସରେ ସେ ନିଖୋଜ ବୋଲି ରିପୋର୍ଟ କରିଥିଲେ । କିନ୍ତୁ ତାଙ୍କର କୈାଣସି ପତ୍ତା ମିଳିନଥିଲା।

ଗତ ସୋମବାର ଦିନ ପରିବାର ଲୋକେ ଅଘଟଣର ଆଶଙ୍କା କରି ପୋଲିସ୍ ଅଫିସରେ ଆସି ପାଟିତୁଣ୍ଡ କରିଥିଲେ। ଏହା ପରେ ତାଙ୍କ ଶବ ମିଳିଥିଲା।      

   Related Posts