ନୂଆଦିଲ୍ଳୀ ୧୫।୧୧ : ଡ୍ରଗ୍ସ ମାମଲାକୁ ନେଇ ସାମ ଡି’ସୁଜା ଏକ ବଡ ଖୁଲାସା କରିଛନ୍ତି । ଏହାକୁ ନେଇ କହିଛନ୍ତି ଯେ କ୍ରୁ ଡ୍ରଗ୍ସ ମାମଲାରେ ଆର୍ଯ୍ୟନ ଖାନଙ୍କୁ ଏନସିବି ହେପାଜତକୁ ନିଆଯିବା ପରେ ଶାହରୁଖ ଖାନଙ୍କ ମ୍ୟାନେଜର ପୂଜା ଦଦଲାନୀଙ୍କ ଦ୍ୱାରା ନିଆଯାଇଥିବା ଟଙ୍କା ଫେରସ୍ତରେ ସେ କେପି ଗୋସାଭିଙ୍କୁ ସାହାଯ୍ୟ କରିଥିଲେ। ଏହା ସହ ସେ କହିଥିଲେ ଯେ ଯେତେବେଳେ ମୁଁ ଅନୁଭବ କଲି ଯେ ଗୋସାଭି ପ୍ରତାରଣା କରୁଛନ୍ତି, ମୁଁ ଶାହାରୁଖଙ୍କ ମ୍ୟାନେଜରଙ୍କୁ ଟଙ୍କା ଫେରସ୍ତ କରିବାରେ ସାହାଯ୍ୟ କଲି।
ବ୍ୟବସାୟ ତଥା ପରାମର୍ଶଦାତା ସାମ ଡି’ସୁଜା ବର୍ତ୍ତମାନ ଏକ ସାକ୍ଷାତକାରରେ କହିଛନ୍ତି ଯେ ପୂଜା ଦାଦଲାନୀଙ୍କଠାରୁ ପାଞ୍ଚଜଣ ସାକ୍ଷୀ କେ.ପି ଗୋସାଭି ଏବଂ ପ୍ରଭାକର ସେଲ ୫୦ ଲକ୍ଷ ଟଙ୍କା ନେଇଛନ୍ତି। ସେ ଆର୍ଯ୍ୟନ ଖାନଙ୍କୁ ସାହାଯ୍ୟ କରିବା ପାଇଁ କେ.ପି. ଗୋସାଭି ଓ ପୂଜା ଦଦଲାନୀଙ୍କୁ ସମ୍ପର୍କ କରିଥିଲେ ।ଏହା ବ୍ୟତୀତ ସାମ୍ ଡି’ସୁଜା କହିଛନ୍ତି ଯେ ଏହି ଚୋରା ଚାଲାଣରେ ପ୍ରଭାକର ସେଲ୍, କେ.ପି ଗୋସାଭି ଏବଂ ସୁନୀଲ ପାଟିଲ ମଧ୍ୟ ସମ୍ପୃକ୍ତ ଥିଲେ। ଆରମ୍ଭରୁ ପୂଜା ଦାଦଲାନୀ ଏବଂ କେ.ପି ଗୋସାଭିଙ୍କ ମଧ୍ୟରେ ଏକ ବୈଠକ ହୋଇଥିଲା, କିନ୍ତୁ ଟଙ୍କା ନିଆ ଯାଇଥିଲା ବୋଲି ସେ ଜାଣି ନଥିଲେ ।
ହେଲେ ଯେତେବେଳେ ସେ ଜାଣିବାକୁ ପାଇଲେ ଯେ ଆର୍ଯ୍ୟନଙ୍କୁ ଗିରଫ କରାଯାଇଛି, ସେତେବେଳେ ଗୋସାଭି ଏବଂ ପାଟିଲଙ୍କୁ ଟଙ୍କା ଫେରାଇବାରେ ସାହାଯ୍ୟ କରିଥିଲେ। ଏହାକୁ ନେଇ କହିଛନ୍ତି କି ମୁଁ କୌଣସି ଏନସିବି ଅଧିକାରୀଙ୍କ ଉପରେ ମନ୍ତବ୍ୟ ଦେବି ନାହିଁ। ମୁଁ ମୋର ବିବୃତ୍ତି ମୁମ୍ବାଇ ପୋଲିସକୁ ଦେବି। ଏହି ମାମଲାର ଅଭିଯୋଗରେ ରବିବାର ଦିନ ସେ କହିଛନ୍ତି ଯେ ମୋର ଏହା ସହ କୌଣସି ସମ୍ପର୍କ ନାହିଁ। ମୁଁ କେବଳ ସୁନୀଲ ପାଟିଲଙ୍କୁ ଜାଣିଥିଲି, ଯିଏ ମୋତେ ଫୋନ୍ କରି କ୍ରୁଜ୍ ପାର୍ଟି ବିଷୟରେ ସୂଚନା ଦେଇଥିଲେ । ଅନ୍ୟପଟେ ସାମ ଡି’ସୁଜାଙ୍କ ଓକିଲ ଆଡଭୋକେଟ ପଙ୍କଜ ଯାଦବ ରବିବାର କହିଛନ୍ତି ଯେ ତାଙ୍କ ଜୀବନ ପ୍ରତି ବିପଦ ଥିବାରୁ ଆମେ ଡି’ସୁଜାଙ୍କ ପାଇଁ ପୋଲିସର ସୁରକ୍ଷା ଚାହୁଁଛୁ।
ମୁମ୍ବାଇ କ୍ରୁଜ୍ ଡ୍ରଗ୍ସ ମାମଲାର ଅଭିଯୋଗରେ ସାମ୍ ଡି’ସୁଜାଙ୍କ ନାମ ସାମ୍ନାକୁ ଆସିଛି। ଅଭିଯୋଗ ହୋଇଥିଲା ଯେ ଏନସିବି ଜୋନାଲ ନିର୍ଦ୍ଦେଶକ ସମୀର ୱାଙ୍ଖଡେ ଏବଂ ଅନ୍ୟମାନେ ଆର୍ଯ୍ୟନ ଖାନଙ୍କ ମୁକ୍ତି ପାଇଁ ଟଙ୍କା ମାଗିଥିଲେ। ବର୍ତ୍ତମାନ ଏନସିବିର ଭିଜିଲାନ୍ସ ଦଳ ଏବଂ ମୁମ୍ବାଇ ପୋଲିସର ସ୍ୱତନ୍ତ୍ର ଅନୁସନ୍ଧାନକାରୀ ଦଳ (ଏସଆଇଟି) ଏହି ଘଟଣାର ଅନୁସନ୍ଧାନ କରୁଛନ୍ତି।