Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଲିଫ୍ଟ ମାଗି ଯାଉଥିଲେ ଘରକୁ, ଦୁର୍ଘଟଣାରେ ମା’ପୁଅ ସମେତ ୪ ଜଣଙ୍କ ମୃତ୍ୟୁ
  • ||
  • ଦେଶରେ ତଳମୁହାଁ କରୋନା ଗ୍ରାଫ୍: ଓଡ଼ିଶାରେ ମଧ୍ୟ ହ୍ରାସ ପାଇଛି ସଂକ୍ରମଣ
  • ||
  • ସ୍କୁଲ ଫି’ ଛାଡ଼ ମାମଲା: ସପ୍ତାହେ ଭିତରେ ରିପୋର୍ଟ ଦେବାକୁ ହାଇକୋର୍ଟଙ୍କ ନିର୍ଦ୍ଦେଶ
  • ||
  • ଦୁର୍ବଳ ହେଉଛି ଭାରତୀୟ ଆଖି
  • ||
  • ପୁରୀ : ସ୍ବର୍ଗଦ୍ବାରରୁ ହଟିଲା କଟକଣା, ଏଣିକି ଅନ୍ୟ ଜିଲ୍ଲାର ଶବ ହେବ ସତ୍କାର
  • ||
  • ଲଦାଖ: ଡେମଚୋକ୍‌ରେ ଭାରତୀୟ ସେନା ହାତରେ ଧରାପଡିଲେ ଚୀନ ସୈନିକ, ମିଳିଛି ଗୁରୁତ୍ଵପୂର୍ଣ୍ଣ ଦସ୍ତାବିଜ
  • ||
  • ଘରୋଇ କର୍ମଚାରୀଙ୍କ ପାଇଁ ବଡ ଖବର : ଦୀପାବଳି ପୂର୍ବରୁ ନୂଆ ପ୍ୟାକେଜ୍ ଘୋଷଣା କରିପାରନ୍ତି ସରକାର
  • ||
  • ଲୋକ ଭବନ ସମ୍ମୁଖରେ ଦୁଇ ଶିଶୁ ସହ ପତି-ପତ୍ନୀଙ୍କ ଆତ୍ମଦାହ ଉଦ୍ୟମ, ଉଦ୍ଧାର କଲା ପୋଲିସ
  • ||
  • ପୁଅ ଆସି ପଡୋଶୀଙ୍କୁ କହିଲା-ବାପା ଉଠୁନାହାନ୍ତି, ଦେଖିଲା ବେଳକୁ ଘରେ ପଡିଥିଲା ଦୁଇଟି ମୃତଦେହ
  • ||
  • ଗେହଲଟ୍ ସରକାରଙ୍କ ନିଷ୍ପତ୍ତି: ୧୩ ଅନ୍ତରାଷ୍ଟ୍ରୀୟ ଖେଳାଳିଙ୍କୁ ୨୫-୨୫ ଏକର ଜମି ଆବଣ୍ଟନ କରିବାକୁ ଘୋଷଣା
  • ||

ରାଜନୀତି, ନିର୍ବାଚନ ଓ ନିର୍ବାଚନ ପ୍ରଚାର ସମ୍ପର୍କରେ ସଲମାନ ଖାନ ଦେଲେ ଏମିତି ମନ୍ତବ୍ୟ, କଂଗ୍ରେସର ଉଡିଲା ହୋଶ

21/03/2019 at 4:46 PM

ମୁମ୍ବାଇ ୨୧/୩ : ବଲିଉଡ ସୁପରଷ୍ଟାର ସଲମାନ ଖାନ ନିର୍ବାଚନ ଲଢ଼ିବେ ନାହିଁ ବୋଲି ସଫା ସଫା ମନା କରିଦେଇଛନ୍ତି | ସଲମାନ ଆଜି ଏକ ଟ୍ୱିଟ କରି କହିଛନ୍ତି ଯେ, ସେ ନିର୍ବାଚନ ଲଢ଼ିବେ ନାହିଁ କି କୌଣସି ଦଳ ପାଇଁ ପ୍ରଚାର ମଧ୍ୟ କରିବେ ନାହିଁ | ରାଜନୀତିକୁ ଦୂରରୁ ଜୁହାର କରିଦେଇଛନ୍ତି |


ସୂଚନାଯୋଗ୍ୟ ଯେ, କିଛି ଦିନ ପୂର୍ବରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଭୋଟରଙ୍କୁ ଭୋଟଦେବା ପାଇଁ ଅପିଲ କରିବାକୁ ଯାଇ ଅଭିନେତା, ଅଭିନେତ୍ରୀ, ଖେଳାଳୀ, ନେତା, ରାଜନେତାଙ୍କୁ ଟ୍ୱିଟରେ ଟେଗ କରିଥିଲେ | ସେ କହିଥିଲେ ଯେ, ଭୋଟ ଦେବା କେବଳ ଅଧିକାର ନୁହେଁ ବରଂ ଦେଶର ନାଗରିକଙ୍କ କର୍ତବ୍ୟ | ଭୋଟ ଦେବା ପାଇଁ ଯୁବପିଢ଼ିଙ୍କୁ ପ୍ରେରଣା ଦେବା ଉଚିତ ଏବଂ ଏହାଦ୍ୱାରା ଗଣତନ୍ତ୍ର ସୁଦୃଢ ହେବ ବୋଲି କହିଥିଲେ ମୋଦି | ମୋଦିଙ୍କ ଟ୍ୱିଟରେ ଅନେକ ଅଭିନେତା ଜବାବ ମଧ୍ୟ କରିଥିଲେ | ସଲମାନ ଖାନ ନିଜ ଜବାବରେ କହିଥିଲେ ଯେ, ‘ଆମେ ଗଣତାନ୍ତ୍ରିକ ଦେଶରେ ଅଛୁ, ଭୋଟ ଦେବା ସବୁ ଭାରତୀୟଙ୍କ କର୍ତବ୍ୟ | ନିଜ ଅଧିକାର ଏବଂ କର୍ତବ୍ୟର ସଠିକ ବ୍ୟବହାର କରିବା ପାଇଁ ମୁଁ ସବୁ ଭୋଟରଙ୍କୁ କହିବି’ | କିନ୍ତୁ ଆଜି ଏକ ଟ୍ୱିଟ କରି ସଲମାନ ଖାନ ସଫା ସଫା ମନା କରିଦେଇଥିଲେ ଯେ, ସେ କୌଣସି ଦଳ ପାଇଁ ନିର୍ବାଚନ ପ୍ରଚାର କରିବେ ନାହିଁ |


ସୂଚନାଯୋଗ୍ୟ ଯେ, ମଧ୍ୟ ପ୍ରଦେଶର ଇନ୍ଦୋର ଆସନରୁ କଂଗ୍ରେସ ସଲମାନ ଖାନଙ୍କୁ ପ୍ରାର୍ଥୀ କରିବାକୁ ଉଦ୍ୟମ କରୁଥିଲା । ଯାହାଫଳରେ ବିଜେପିର ଗଡ ଭାବେ ପରିଗଣିତ ଇନ୍ଦୋରରେ ୩୦ ବର୍ଷ ପରେ କଂଗ୍ରେସ ବିଜୟୀ ହେବ ବୋଲି ଆକଳନ କରାଯାଉଥିଲା ।


ସଲମାନ ଖାନଙ୍କ ଜନ୍ମ ଇନ୍ଦୋର ପଲସିଆ ଅଂଚଳରେ ହୋଇଥିଲା | ମଧ୍ୟ ପ୍ରଦେଶ କଂଗ୍ରେସ ପ୍ରବକ୍ତା ପଙ୍କଜ ଚତୁର୍ବେଦୀ କହିଥିଲେ ଯେ, ସଲମାନ ଖାନ କଂଗ୍ରେସ ନେତାଙ୍କ ପ୍ରଚାର କରିବା ନେଇ ଆଲୋଚନା ହୋଇଛି | କିନ୍ତୁ ସଲମାନ ରାଜନୀତିରେ ପଦାର୍ପଣ କରିବେ ନାହିଁ ବୋଲି କହିଛନ୍ତି |

   Related Posts