ବଲିଉଡ ସୁପରଷ୍ଟାର ସଲମାନ ଖାନଙ୍କୁ ୨୭ ତାରିଖ ଜିଲା ଓ ଦୌରାଜଜ୍ କୋର୍ଟ, ଯୋଧପୁରରେ ଶୁଣାଣି ପାଇଁ ହାଜର ହେବାକୁ କୁହାଯାଇଛି। ହେଲେ ଶୁଣାଣି ପୂର୍ବରୁ ସଲମାନଙ୍କୁ ସୋସିଆଲ ମିଡିଆରେ ଜଣେ ୟୁଜର ମାରିବାକୁ ଧମକ ଦେଇଛନ୍ତି।
ଗୈରୀ ଶୁଟର ନାମକ ଜଣେ ୟୁଜର ସୋସିଆଲ ମିଡିଆ ଫେସବୁକ୍ରେ ପୋଷ୍ଟ କରିଛନ୍ତି ଯେ, ଯଦି ବି ସଲମାନ ଭାରତୀୟ ଆଇନ୍ରୁ ବଞ୍ଚିଯିବେ ହେଲେ ବିଶନୋଇ ସମାଜ ଓ ସୋପୁ ପାର୍ଟିଙ୍କ ଆଇନ୍ରୁ ସେ ବଞ୍ଚିପାରିବେ ନାହିଁ। ସପୁ ପାର୍ଟି ନଜରରେ ସେ ଦୋଷୀ ଓ ଏହା ବଦଳିବ ନାହିଁ। ସଲମାନଙ୍କ ମୃତ୍ୟୁ ସୁନିଶ୍ଚିତ ବୋଲି ପୋଷ୍ଟ କରାଯାଇଛି।
ସୂଚନାଯୋଗ୍ୟ ଯେ, ସଲମାନଙ୍କୁ ଏହି ଧମକ ମିଳିଥିବାରୁ ଯୋଧପୁର ପ୍ରଶାସନର ଚିନ୍ତା ବଢାଇଛି। ଯୋଧପୁର ପୋଲିସ ଏହି ମାମଲା ନେଇ ଚୁପ ଥିଲେ ମଧ୍ୟ ସଲମାନଙ୍କ ପାଇଁ କଡା ସୁରକ୍ଷା ବ୍ୟବସ୍ଥା କରାଯାଇଛି।