ନୂଆଦିଲ୍ଲୀ ୨୬/୧୧: ବଲିଉଡ ଇଣ୍ଡଷ୍ଟ୍ରିର ଦବଙ୍ଗ ଖାନଙ୍କ ଫିଲ୍ମ 'ଅନ୍ତିମ' ଆଜି ପ୍ରେକ୍ଷାଳୟରେ ରିଲିଜ୍ ହୋଇଛି। ଏହି ଫିଲ୍ମରେ ସଲମାନଙ୍କ ସହିତ ତାଙ୍କ ଭିଣୋଇ ଆୟୁଷ ଶର୍ମା ଏବଂ ମହିମା ମାକୱାନା ନଜର ଆସିଛନ୍ତି। ଫିଲ୍ମଟି ରିଲିଜ ହେବା ପୂର୍ବରୁ ସଲମାନ ତାଙ୍କ ବଡିଗାର୍ଡ ଶେରାଙ୍କ ସହ ଏକ ଭିଡିଓ ପ୍ରସ୍ତୁତ କରିଛନ୍ତି ଯାହା ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ଏହି ଭିଡିଓରେ ସଲମାନ ଶେରାଙ୍କ କଥାବାର୍ତ୍ତା ଉପରେ ରାଗିଥିବାର ନଜର ଆସିଛନ୍ତି।
wp:html/wp:html
ସଲମାନ ଖାନ ଏହି ଭିଡିଓକୁ ତାଙ୍କ ଅଫିସିଆଲ ଇନଷ୍ଟାଗ୍ରାମ ଆକାଉଣ୍ଟରେ ସେୟାର କରିଛନ୍ତି। ଭିଡିଓରେ ଏହା ଦେଖିବାକୁ ମିଳିଛି ଯେ ଶେରା ଫିଲ୍ମ 'ଅନ୍ତିମ'ର ଡାଏଲଗ୍ ନିଜକୁ ସୂଚାଇ କହିଛନ୍ତି,' ଜିସ୍ ଦିନ୍ ଇସ୍ ସର୍ଦ୍ଦାର କି ହଟେଗା ନା ସବକି ଫଟେଗା '। ଏହି ସମୟରେ ସଲମାନ ଖାନ ଶେରାଙ୍କ ସମ୍ମୁଖରେ ଠିଆ ହୋଇଛନ୍ତି। ଏହି କାରଣରୁ, ଶେରା ସମାନ ଡାଏଲଗ୍ ମଧ୍ୟ ସଲମାନ ଖାନଙ୍କ ଆଡକୁ ସୂଚାଇ କହିଛନ୍ତି। ଶେରାଙ୍କ ଏହି ଅନ୍ଦାଜ ଦେଖି ସଲମାନ ପ୍ରଥମେ ଆଶ୍ଚର୍ଯ୍ୟ ହୋଇଯାଇଛନ୍ତି କିନ୍ତୁ ପରେ ହସିଛନ୍ତି। ଏହା ପରେ ସଲମାନ କହିଛନ୍ତି, 'ଆଜ ତୋ ୟେ ଗୟା'।
ସଲମାନ ଏବଂ ଶେରା ଏହି ଭିଡିଓକୁ ମଜାଳିଆ ଢଙ୍ଗରେ ପ୍ରସ୍ତୁତ କରିଛନ୍ତି। ପ୍ରଶଂସକ ଏହି ଭିଡିଓକୁ ବହୁତ ପସନ୍ଦ କରୁଛନ୍ତି। ଭିଡିଓଟିକୁ ଏପର୍ଯ୍ୟନ୍ତ ସାଢେ ଛଅ ଲକ୍ଷରୁ ଅଧିକ ଥର ଦେଖାଯାଇଛି। କେବଳ ଏତିକି ନୁହେଁ, ପ୍ରଶଂସକ ମଧ୍ୟ ଏହି ଭିଡିଓରେ ତୀବ୍ର ପ୍ରତିକ୍ରିୟା ଦେଉଛନ୍ତି।
