ନୂଆଦିଲ୍ଲୀ ୨୬/୦୫: ନିକଟରେ ସଲମାନ ଖାନଙ୍କ ଫିଲ୍ମ 'ରାଧେ: ୟୋର ମୋଷ୍ଟ ୱାଣ୍ଟେଡ୍ ଭାଇ' ଇଦ୍‌ରେ ରିଲିଜ୍ ହୋଇଥିଲା। ଯାହାକୁ ଦର୍ଶକ ଏବଂ ସମାଲୋଚକମାନଙ୍କ ଦ୍ୱାରା ମିଶ୍ରିତ ସମୀକ୍ଷା କରାଯାଇଥିଲା । ସଲମାନଙ୍କ ବାକି ଫିଲ୍ମ ମଧ୍ୟରୁ ଏହି ଫିଲ୍ମଟି ସବୁଠାରୁ ବଡ ଓପନିଂ ହୋଇଥିଲା । ତେବେ ଫିଲ୍ମର କିଛି ଦୃଶ୍ୟ ଯୋଗୁଁ ସଲମାନଙ୍କୁ ମଧ୍ୟ ଟ୍ରୋଲ କରାଯାଇଥିଲା। ଏଥିସହିତ କମଲ ଆର ଖାନ (କେଆରକେ) ଏହି ଫିଲ୍ମକୁ ତାଙ୍କ ଶୈଳୀରେ ସମୀକ୍ଷା କରିଥିଲେ ଯାହା ତାଙ୍କୁ ଭାରି ପଡିଗଲା।

wp:html

Dear #Salmankhan Ye defamation case Aapki Hataasha Aur Niraasha Ka Saboot Hai. I am giving review for my followers and doing my job. You should make better films instead of stopping me from reviewing your films. Main Sacchi Ke Liye Ladta Rahunga! Thank you for the case. ?? pic.twitter.com/iwYis64rLd

— KRK (@kamaalrkhan) May 25, 2021

/wp:html

କିଛି ଲୋକ ସଲମାନଙ୍କ ଫିଲ୍ମକୁ ପସନ୍ଦ କରୁନଥିଲେ। ଯେଉଁଥିରେ କେଆରକେ ମଧ୍ୟ ଅନ୍ତର୍ଭୁକ୍ତ । ସେ ଏକ ଟ୍ୱିଟ୍‌ କରି ସଲମାନଙ୍କ ଫିଲ୍ମକୁ  ବହୁତ ନିନ୍ଦା କରିଥିଲେ। ଏହା ପରେ ସଲମାନ କେଆରକେଙ୍କ ବିରୋଧରେ ମାନହାନି ମୋକଦ୍ଦମା ଦାୟର କରିଛନ୍ତି । କେଆରକେ ନିଜେ ଟ୍ୱିଟ୍ କରି ଏହି ଖବର ବିଷୟରେ ସୂଚନା ଦେଇଛନ୍ତି।

କେଆରକେ ଟ୍ୱିଟ୍ କରି ଲେଖିଛନ୍ତି, 'ସଲମାନ ଖାନ ଏହି ମାନହାନି ମାମଲା ଆପଣଙ୍କ ନିରାଶ ଏବଂ ହତାଶର ପ୍ରମାଣ। ନିଜର ଅନୁଗାମୀମାନଙ୍କ ପାଇଁ ସମୀକ୍ଷା କରେ ଏବଂ ମୁଁ ମୋର କାର୍ଯ୍ୟ କରୁଛି । ମୋତେ ଆପଣଙ୍କ ଫିଲ୍ମର ସମୀକ୍ଷା କରିବାକୁ ବନ୍ଦ କରିବା ପରିବର୍ତ୍ତେ, ଉତ୍ତମ ଫିଲ୍ମ ନିର୍ମାଣ କରିବା ଉଚିତ୍ । ମୁଁ ସତ୍ୟ ପାଇଁ ସଂଗ୍ରାମ ଜାରି ରଖିବି! ଏହି ମାମଲା ପାଇଁ ଧନ୍ୟବାଦ। '

wp:html

I said so many times that I never review film of any producer, actor if he asks me to not review. Salman khan filed defamation case on me for review of #Radhe means he is getting too much affected by my review. Hence I won’t review his films anymore. My last video releasing today

— KRK (@kamaalrkhan) May 26, 2021

/wp:html

ଅନ୍ୟ ଏକ ଟ୍ୱିଟରେ କେଆରକେ ଲେଖିଛନ୍ତି, 'ମୁଁ ଅନେକ ଥର କହିଛି ଯେ ଯଦି ଜଣେ ନିର୍ମାତା, ଅଭିନେତା ମୋତେ ତାଙ୍କ ଫିଲ୍ମର ସମୀକ୍ଷା କରିବାକୁ ମନା କରନ୍ତି, ତେବେ ମୁଁ ତାଙ୍କ ଫିଲ୍ମର ସମୀକ୍ଷା କରିବି ନାହିଁ। ରାଧେର ସମୀକ୍ଷା ପାଇଁ ସଲମାନ ଖାନ ମୋ ବିରୋଧରେ ମାନହାନି ମୋକଦ୍ଦମା ଦାୟର କରିଥିଲେ, ଅର୍ଥାତ୍ ମୋର ସମୀକ୍ଷା ଦ୍ୱାରା ସେ ବହୁତ ପ୍ରଭାବିତ ହେଉଛନ୍ତି। ତେଣୁ, ମୁଁ ତାଙ୍କ ଫିଲ୍ମକୁ ଆଉ ସମୀକ୍ଷା କରିବି ନାହିଁ । ମୋର ଶେଷ ଭିଡିଓ ଆଜି ରିଲିଜ୍ ହେଉଛି ।

କେଆରକେ ଦୁବାଇରେ ଫିଲ୍ମ 'ରାଧେ'ର ସମୀକ୍ଷା କରିଥିଲେ । ଫିଲ୍ମର ପ୍ରଥମାର୍ଦ୍ଧ ଦେଖିବା ପରେ ସେ କହିଥିଲେ, 'ମୁଁ କିଛି ବୁଝିପାରୁ ନାହିଁ। କାହାଣୀ କ’ଣ, ଚରିତ୍ର କ’ଣ ଏବଂ କ’ଣ ଘଟୁଛି । ମୋର ମୁଣ୍ଡ ସଂପୂର୍ଣ୍ଣ ଭାବରେ ଘୁରି ଯାଉଛି ।  ଗୀତ-ଆକ୍ସନ୍ ଠିକ ଅଛି, କିନ୍ତୁ ଏହା କାହିଁକି ଘଟିଲା ତାହା ଜଣା ପଡୁନାହିଁ । ଇଣ୍ଟରଭାଲ୍ ପରେ ମୋତେ ଆଉ ଥିଏଟରକୁ ଯିବାକୁ ଇଛା ହେଉନାହିଁ ।