Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସୁନ୍ଦରଗଡ : ଭିଜିଲାନ୍ସ ପଞ୍ଝାରେ ସହକାରୀ ଯନ୍ତ୍ରୀ, ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଚଢାଉ
  • ||
  • ପାରାଦୀପ : ପଶ୍ଚିମବଙ୍ଗରେ ମହିଳାଙ୍କୁ ଦୁଷ୍କର୍ମ ପରେ କରିଥିଲା ହତ୍ୟା, ପାରାଦୀପରୁ ହେଲା ଗିରଫ
  • ||
  • ଜାଗର ପ୍ରସ୍ତୁତି : ବାବା ଆଖଣ୍ଡଳମଣିଙ୍କ ପୀଠରେ ଲାଗିଲା କଟକଣା, ମାର୍ଚ୍ଚ ୧୦ରୁ ୨ଦିନ ଯାଏଁ ୧୪୪ ଧାରା
  • ||
  • JEE ମେନ୍ ରେଜଲ୍ଟ ପ୍ରକାଶିତ
  • ||
  • ଦେଶର ୪ଟି ସ୍ଥାନରେ ପ୍ରତିଷ୍ଠା ହେବ ଜାତୀୟ ଭୂତାଣୁ ବିଜ୍ଞାନ ସଂସ୍ଥାନ, ଭୁବନେଶ୍ଵରରେ ପ୍ରତିଷ୍ଠା କରିବାକୁ ସ୍ଵାସ୍ଥ୍ୟ ମନ୍ତ୍ରୀଙ୍କୁ ଚିଠି ଲେଖିଲେ ଧର୍ମେନ୍ଦ୍ର
  • ||
  • ବଦଳିଲେ ପୋଲିସ କମିଶନର, ସୁଧାଂଶୁଙ୍କ ଜାଗା ନେଲେ ସୌମେନ୍ଦ୍ର ପ୍ରିୟଦର୍ଶୀ
  • ||
  • ବ୍ରହ୍ମପୁର : ଜମିଜମା ବିବାଦରୁ ବିଧବା ମହିଳାଙ୍କୁ ବୀଭତ୍ସ ହତ୍ୟା
  • ||
  • କଟକ : SCBରେ ମହିଳା ରୋଗୀଙ୍କ ଉପରେ ଖସିପଡିଲା ଫ୍ୟାନ୍, ଆଇସିୟୁରେ ଭର୍ତ୍ତି
  • ||
  • ଭୁବନେଶ୍ବର : ଆନ୍ତର୍ଜାତୀୟ ମହିଳା ଦିବସରେ ବିଜେଡିର ମହିଳା ସମାବେଶ, ମୁଖ୍ୟମନ୍ତ୍ରୀ କହିଲେ ମା’ମାନେ ଆଜନ୍ମ ନେତ୍ରୀ
  • ||
  • ଭୁବନେଶ୍ବର : ଗଠନ ହେଲା ୯ଜଣିଆ ଟାସ୍କ ଫୋର୍ସ, ଆୟତ୍ତ କରିବେ ନିଆଁ
  • ||

ଥିଏଟର ମାଲିକଙ୍କ କଥା ରଖିଲେ ସଲମାନ ଖାନ, ସିନେମାଘରେ ରିଲିଜ୍ ହେବ ଫିଲ୍ମ ‘ରାଧେ’, ଘୋଷଣା ହେଲା ରିଲିଜ୍ ଡେଟ୍‌

19/01/2021 at 6:46 PM

ନୂଆଦିଲ୍ଲୀ ୧୯।୦୧: ସଲମାନ ଖାନଙ୍କ ପ୍ରଶଂସକଙ୍କ ପାଇଁ ଗୁଡ୍ ନ୍ୟୁଜ୍। ଦବଙ୍ଗ ଖାନଙ୍କ ଅଭିନୀତ ବହୁ ପ୍ରତୀକ୍ଷିତ ଫିଲ୍ମ ରାଧେର ରିଲିଜ୍‌ ତାରିଖ ଘୋଷଣା ହୋଇଛି। ଫିଲ୍ମ ୨୦୨୧ ଇଦ୍‌ରେ ରିଲିଜ୍ ହେବ। ସବୁଠୁ ବଡ କଥା ଫିଲ୍ମ ଥିଏଟରରେ ରିଲିଜ୍ ହେବ। ସଲମାନ ବୟାନ ଜାରି କରି ମଙ୍ଗଳବାର ଏହି ବିଷୟରେ ସୂଚନା ଦେଇଛନ୍ତି। ସଲମାନ କହିଛନ୍ତି ଫିଲ୍ମକୁ ଥିଏଟରରେ ରିଲିଜ୍ କରାଯିବ। ଥିଏଟର ମାଲିକଙ୍କଠୁ ସମସ୍ତ ପ୍ରକାରର ପ୍ରତିଷେଧକମୂଳକ ବ୍ୟବସ୍ଥା ଆଶା କରୁଥିବା ସଲମାନ କହିଛନ୍ତି।

ସଲମାନ ଖାନ ଲେଖିଛନ୍ତି ଯେ ସମସ୍ତ ଥିଏଟର ମାଲିକଙ୍କ ସହ ଆଲୋଚନା କରିବାକୁ କିଛିଟା ସମୟ ଲାଗିଗଲା। ଏହାକୁ ନେଇ ଏବେ ବଡ ନିର୍ଣ୍ଣୟ ହୋଇଛି। ମୁଁ ଥିଏଟର ମାଲିକ ଏବଂ ପରିଚାଳକଙ୍କ ଆର୍ଥିକ ସମସ୍ୟାକୁ ବୁଝି ପାରୁଛି।  ତେଣୁ ରାଧେକୁ ଥିଏଟରରେ ରିଲିଜ୍ କରାଯିବ। ଥିଏଟରରେ ରିଲିଜ୍ କରାଇ ମୁଁ ସେମାନଙ୍କୁ ସାହାଯ୍ୟ କରିବାକୁ ଚାହୁଁଛି। ବଦଳରେ ସେମାନେ ଦର୍ଶକଙ୍କ ସୁରକ୍ଷା ବ୍ୟବସ୍ଥାକୁ ଦୃଷ୍ଟିରେ ରଖି ଆବଶ୍ୟକ ବ୍ୟବସ୍ଥା କରିବେ। ଇଦ୍‌ ପାଇଁ କଥା ଦେଇଥିଲି ଏବଂ ଏହା ୨୦୨୧ ଇଦ୍‌ରେ ପୂରା ହେବାକୁ ଯାଉଛି। ଚଳିତ ବର୍ଷ ଇଦ୍‌ରେ ଥିଏଟରରେ ରାଧେ ଉପଭୋଗ କରନ୍ତୁ।

ସୂଚନାଯୋଗ୍ୟ, ସଲମାନ ଖାନଙ୍କୁ ତାଙ୍କର ଆଗାମୀ ଫିଲ୍ମ ‘ରାଧେ’କୁ ଥିଏଟରରେ ରିଲିଜ୍ କରାଇବା ପାଇଁ ସମଗ୍ର ଦେଶର ଥିଏଟର ଏଗ୍‌ଜିବିଟର୍ସ ଆସୋସିଏସନ ଦ୍ଵାର ଅନୁରୋଧ କରାଯାଇଥିଲା। ଲକ୍‌ଡାଉନ୍‌ ଓ କୋଭିଡ୍-୧୯ କାରଣରୁ ସିନେମା  ହଲ୍ ମାଲିକଙ୍କୁ ବିପୁଳ କ୍ଷତି ସହିବାକୁ ପଡିଛି। ଏଥିପାଇଁ ଥିଏଟର ମାଲିକ ସଂଘ ନିଜର ଆଗାମୀ ଫିଲ୍ମ ରାଧେକୁ ସିନେମା ଘରେ ରିଲିଜ୍ କରାଇବାକୁ ସଲମାନଙ୍କୁ ଅନୁରୋଧ କରି ଚିଠି ଲେଖିଥିଲେ। କାରଣ ତାଙ୍କ ଫିଲ୍ମ କେବଳ ସିଙ୍ଗିଲ ସ୍କ୍ରିନ୍‌ ମାଲିକଙ୍କ ଭାଗ୍ୟକୁ ପୁନର୍ଜୀବିତ କରିବ ନାହିଁ ବରଂ ସିନେମାଘର ମାଲିକ ଓ କର୍ମଚାରୀଙ୍କୁ ପୁଣି ଥରେ ରୋଜଗାର ଦେଇ ପାରିବ।

ଏହି ଫିଲ୍ମରେ ସଲମାନଙ୍କ ବ୍ୟତୀତ ଦିଶା ପାଟନୀ, ରଣଦୀପ ହୁଡ୍ଡା, ଜ୍ୟାକି ସ୍ରଫ ଗୁରୁତ୍ଵପୂର୍ଣ୍ଣ ଭୂମିକାରେ ନଜର ଆସିଛନ୍ତି। ଫିଲ୍ମର ନିର୍ଦ୍ଦେଶନା ଦେଇଛନ୍ତି ପ୍ରଭୁଦେବା। ରାଧେର ପୋଷ୍ଟର ରିଲିଜ୍ ହୋଇ ସାରିଛି। ହେଲେ ଏହାର ଟିଜର ଓ ଟ୍ରେଲର ଆସିବା ବାକି ରହିଛି।

   Related Posts