Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବିରାଟ କୋହଲିଙ୍କ ଘୋଷଣା, ଟି-୨୦ ୱାର୍ଲ୍ଡ କପ୍‌ ପରେ ଛାଡ଼ିବେ କ୍ୟାପ୍ଟେନ୍‌ ପଦ
  • ||
  • ସାନଖେମୁଣ୍ଡି : ଭିଜିଲାନ୍ସ ଜାଲରେ ଆସିଷ୍ଟାଣ୍ଟ ଇଂଜିନିୟର, ଠିକାଦାରଙ୍କଠୁ ନେଉଥିଲେ ୫୦ହଜାର ଟଙ୍କା ଲାଞ୍ଚ
  • ||
  • ନୂଆଦିଲ୍ଲୀ : ବଙ୍ଗୋପସାଗରରେ ଦାନା ବାନ୍ଧୁଛି ଆଉ ଏକ ଲଘୁଚାପ, ୧୯ ଓ ୨୦ରେ ପ୍ରବଳ ବର୍ଷା ସମ୍ଭାବନା : IMD ଡିଜି
  • ||
  • ମାଲକାନଗିରି : ମାଲକାନଗିରିରେ ସୁରକ୍ଷାକର୍ମୀ-ମାଓବାଦୀ ଗୁଳିବିନିମୟ, ଛତ୍ରଭଙ୍ଗ ଦେଲେ ମାଓବାଦୀ : କ୍ୟାମ୍ପ୍‌ରୁ ବିପୁଳ ପରିମାଣର ମାଓ ସାମଗ୍ରୀ ଠାବ
  • ||
  • ପୁରୀ : ଶୁକ୍ରବାର ବନ୍ଦ ରହିବ ଶ୍ରୀମନ୍ଦିର, ବିଶେଷ ନୀତି ଯୋଗୁଁ ଶ୍ରୀଜିଉଙ୍କୁ ଦର୍ଶନ କରିପାରିବେନି ଶ୍ରଦ୍ଧାଳୁ
  • ||
  • ସୋର : ଫୁଲୁଛି କାଂଶ ବାଂଶ ନଦୀ, ବଢୁଛି ଜଳସ୍ତର : ଚିନ୍ତାରେ ତଳିଆ ଅଞ୍ଚଳବାସୀ
  • ||
  • ଖଣ୍ଡପଡା : ରଥିଆ ନାଳରେ ଭାସି ବୃଦ୍ଧ ନିଖୋଜ, ମାଛ ଧରିବାକୁ ଯାଇ ନାଳରେ ଭାସିଯାଇଥିବା ସନ୍ଦେହ
  • ||
  • ଜଗତସିଂହପୁର : ମହାନଦୀ ବନ୍ୟାଜଳରେ ବୁଡି ଗାଡି ଚାଳକ ନିଖୋଜ, ଇଟାଭାଟିକୁ ଯାଉଥିବା ବେଳେ ଅଘଟଣ
  • ||
  • ଯାଜପୁର : ପାଣିରେ ଭାସି ଯାଇଥିଲେ ବାପା-ପୁଅ, ଠାବ ହେଲା ମୃତଦେହ
  • ||
  • ଉପରତଳ ହେଉଛି କରୋନା ଗ୍ରାଫ : ୨୪ ଘଣ୍ଟାରେ ବାହାରିଲେ ୫୮୦ କୋଭିଡ୍ ପଜିଟିଭ୍
  • ||

ବିଶ୍ବବିଦ୍ୟାଳୟ ଅଧ୍ୟାପକଙ୍କ ଦରମା ବୃଦ୍ଧି

4/09/2019 at 8:58 AM

ଭୁବନେଶ୍ବର ୪।୯: ବିଶ୍ବବିଦ୍ୟାଳୟ ଶିକ୍ଷକଙ୍କ ଦରମା ବୃଦ୍ଧି ପାଇଛି। ଦରମା ବୃଦ୍ଧି ନେଇ ଦୀର୍ଘଦିନରୁ ଦାବି ହୋଇଆସୁଥିଲା । ଫଳରେ ରାଜ୍ୟ ସରକାର ଶିକ୍ଷକଙ୍କ ପାଇଁ ସପ୍ତମ ବେତନ କମିସନ ସୁପାରିଶ ଲାଗୁ କରିଛନ୍ତି। ବର୍ଦ୍ଧିତ ଦରମା ୨୦୧୬ ମସିହା ଜାନୁଆରୀ ପହିଲାରୁ ପିଛିଲା ଭାବେ ଲାଗୁ କରାଯିବ। ଶିକ୍ଷକମାନଙ୍କର ସର୍ବନିମ୍ନ ୨.୫୭ ଗୁଣ ବୃଦ୍ଧି ହୋଇଛି। ଏହାଦ୍ବାରା ରାଜ୍ୟ ସରକାରଙ୍କ ଦ୍ବାରା ପରିଚାଳିତ ରାଜ୍ୟର ୧୫ଟି ବିଶ୍ବବିଦ୍ୟାଳୟର ପାଖାପାଖି ଦୁଇ ହଜାର ଶିକ୍ଷକ ଉପକୃତ ହେବେ।

ଉଚ୍ଚଶିକ୍ଷା ବିଭାଗର ଚିଠି ଅନୁଯାୟୀ ଯେଉଁ ଦିନ ଶିକ୍ଷକମାନେ ବର୍ଦ୍ଧିତ ଦରମା ପାଇବେ ସଙ୍ଗେ ସ‌ଙ୍ଗେ ସେମାନଙ୍କୁ ବକେୟା ଦରମାର ୪୦ ପ୍ରତିଶତ ଅର୍ଥ ଦିଆଯିବ। ଅବଶିଷ୍ଟ ୬୦ ପ୍ରତିଶତ ପରବର୍ତୀ ସରକାରୀ ନିଷ୍ପତ୍ତି ପରେ ପ୍ରଦାନ କରାଯିବ।

ଶିକ୍ଷକଙ୍କର ଦରମା ପ୍ରଦତ୍ତ ପ୍ରଥମ ସିଡ୍ୟୁଲ ଅନୁଯାୟୀ ହେବ। ବର୍ତ୍ତମାନର ‌ପେ’ ବ୍ୟାଣ୍ଡ ଓ ଗ୍ରେଡ୍‌ ପେ’କୁ ବିଚାରକୁ ନିଆଯିବ ଓ ଦରମା ତତ୍‌ସଂଲଗ୍ନ ସେଲ୍‌ ଅନୁଯାୟୀ ନିର୍ଦ୍ଧାରିତ ହେବ। ବର୍ତ୍ତମାନ ଦରମାକୁ ବିଚାରକୁ ନେଇ ନିର୍ଦ୍ଧାରିତ ସେଲ୍‌ରେ ଉଲ୍ଲେଖିତ ଅର୍ଥକୁ ପରିବର୍ତ୍ତିତ ଦରମା ହିସାବରେ ଧରାଯିବ। ଶିକ୍ଷକମାନଙ୍କଠାରୁ ସେମାନଙ୍କ ବାର୍ଷିକ ଇନ୍‌କ୍ରିମେଣ୍ଟ ବାବଦରେ ଅଣ୍ଡରଟେକିଂ ଦେବେ। ସେହି ଅନୁଯାୟୀ ଶିକ୍ଷକଙ୍କର ଇନ୍‌କ୍ରିମେଣ୍ଟ ତାରିଖ ନିରୂପଣ କରାଯିବ।

ବ୍ୟବସ୍ଥା ଅନୁଯାୟୀ କୌଣସି କନିଷ୍ଠ ଶିକ୍ଷକ ସେହି ବର୍ଗର ବରିଷ୍ଠ ଶିକ୍ଷକଙ୍କଠାରୁ ଅଧିକ ଦରମା ପାଉଥିବା ଦେଖାଗଲେ ଷ୍ଟେପ୍‌ଅପ୍‌ ପଦ୍ଧତି ଜରିଆରେ ସମ୍ପୃକ୍ତ ବରିଷ୍ଠ ଶିକ୍ଷକଙ୍କ ଦରମା କନିଷ୍ଠ ଶିକ୍ଷକଙ୍କ ସହ ସମାନ କରାଯିବ ଏବଂ ସମ୍ପୃକ୍ତ ଶିକ୍ଷକଙ୍କର ବରିଷ୍ଠତା ବଜାୟ ରହିବ। ୨୦୧୬ ଜାନୁଆରି ପହିଲା ଓ ତା’ପରଠାରୁ କାର୍ଯ୍ୟରେ ଯୋଗଦେଇଥିବା ଶିକ୍ଷକମାନେ କୌଣସି କାରଣରୁ ନିର୍ଦ୍ଧାରିତ ଦରମାଠାରୁ ଅଧିକ ଦରମା ପାଇଥିଲେ ତାହା ସେମାନଙ୍କଠାରୁ ଫେରାଇ ଅଣାଯିବ।

ସୂଚନାଯୋଗ୍ୟ ଯେ ସପ୍ତମ ବେତନ କମିସନ ଲାଗୁ କରିବା ପାଇଁ ବିଶ୍ବବିଦ୍ୟାଳୟ ଶିକ୍ଷକ ମହାସଂଘ ରାଜ୍ୟ ସରକାରଙ୍କ ନିକଟରେ ବାରମ୍ବାର ଦାବି କରି ଆସୁଥିଲେ। 

   Related Posts