Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସୋର : ବାଇକ୍ ଉପରେ ମାଡିଗଲା କାର୍, ୩ ଗୁରୁତର
  • ||
  • କଣ୍ଟାବାଞ୍ଝି : ରାସ୍ତା କଡ ସିମେଣ୍ଟ ଖୁଣ୍ଟରେ ପିଟିହେଲା ବାଇକ୍ଦୁ, ଦୁଇ ମୃତ, ଜଣେ ଗୁରୁତର
  • ||
  • ଭଦ୍ରକ : ଟ୍ରକ୍‌କୁ ୮୭ ହଜାର ଟଙ୍କା ଫାଇନ୍, ପରମିଟ୍ ନଥାଇ ପରିବହନ ହେଉଥିଲା ଅଧିକ ଓଜନର ସାମଗ୍ରୀ
  • ||
  • ଆଠମଲ୍ଲିକ : ବାଇକ୍‌କୁ ଧକ୍କା ଦେଲା ପିକ୍‌ଅପ୍ ଭ୍ୟାନ୍, ଦୁଇ ବାଇକ୍ ଆରୋହୀଙ୍କ ମୃତ୍ୟୁ
  • ||
  • ସୋର : ଟ୍ରକ୍ ଚାପାରେ ମା’ ମୃତ, ବାପା-ପୁଅ ଗୁରୁତର
  • ||
  • ସାନଖେମୁଣ୍ଡି : ଦାଦା ବଟି ମାଗିବା ଅଭିଯୋଗରେ ଯୁବକ ଗିରଫ, ମାଉଜର ଓ ଅଫୁଟା ଗୁଳି ଜବତ
  • ||
  • ରାଜ୍ୟରେ ଆଉ ୫ କରୋନା ସଂକ୍ରମିତ ପ୍ରାଣ ହରାଇଲେ, ୧୭୪୪ରେ ପହଞ୍ଚିଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଚିହ୍ନଟ ହେଲେ ୩୭୮ କରୋନା ସଂକ୍ରମିତ, ୩୧୯୧୦୩ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଭୂକମ୍ପରେ ଥରିଲା ଋଷ୍ ଏବଂ ଆର୍ଜେଣ୍ଟିନାରେ, ରିକ୍ଟର ସ୍କେଲରେ ୬.୪ ଓ ୬.୩ ତୀବ୍ରତା
  • ||
  • କରୋନା କବଳରୁ ବର୍ତ୍ତିବା ପାଇଁ ଶ୍ରୀଲଙ୍କା ଜେଲ୍‌ରେ କଏଦୀଙ୍କ ଭୟଙ୍କର ଦଙ୍ଗା : ୮ମୃତ
  • ||

ଏଭଳି କାର କିଣିଛନ୍ତି ଧୋନୀ ଯାହା ଭାରତରେ କାହା ପାଖରେ ନାହିଁ, ଦାମ ଶୁଣିଲେ ଘୁରିଯିବ ମଥା

12/08/2019 at 9:43 PM

ଟିମ୍ ଇଣ୍ଡିଆର ପୂର୍ବତନ କ୍ୟାପ୍ଟେନ ମହେନ୍ଦ୍ର ସିଂ ଧୋନୀଙ୍କ କ୍ରିକେଟ ଭଳି  ଗାଡି ପ୍ରତି ରହିଛି ଖୁବ୍ ଦୁର୍ବଳତା। ଏଣୁ ତାଙ୍କ ଘରେ ନାମୀଦାମୀ ବ୍ରାଣ୍ଡର ଅନେକ ଜିପ, କାର ଓ ମୋଟର ସାଇକେଲ କିଣି ରଖିଛନ୍ତି। ହେଲେ ଏଥିରେ ବି ତାଙ୍କ ମନଭରିନି। ଏଣୁ ନିକଟରେ ପୁଣି ଏକ ନୂଆ ଗାଡି କିଣିଛନ୍ତି। ସେ କିଣିଥିବା ଗାଡିର ଭର୍ସନ ବି ଭାରତରେ ନାହିଁ। ବାହାରୁ ଇମ୍ପୋର୍ଟ କରିଥିବା ଏହି ଗାଡିର ଦାମ ଶୁଣିଲେ ପଇସାବାଲା ଲୋକଙ୍କର ବି ମଥା ଘୁରିଯିବ।

ଧାନୀଙ୍କ ନୂଆ ଗାଡି ବିଷୟରେ ତାଙ୍କ ପତ୍ନୀ ସାକ୍ଷୀଙ୍କ ସୋସାଲ ମିଡିଆରୁ ଜଣାପଡିଛି। ସେ ଏହି ଗାଡିକୁ ତାଙ୍କ ସିମଲାସ୍ଥିତ ଫାର୍ମ ହାଉସରେ ରଖିଛନ୍ତି। ଯେଉଁଥିରେ ସାକ୍ଷୀ ଘରକୁ ନୂଆ ଗାଡି ଆସିଥିବା ନେଇ ଧୋନୀଙ୍କୁ ସୂଚିତ କରିଥିବା ଦେଖାଯାଇଛି। ସେ ଉଲ୍ଲେଖ କରିଛନ୍ତି  ‘ ଲାଲ ସୈତାନ,ତୁମକୁ ଆମ ଘରେ ସ୍ୱାଗତ, ତୁମର ଖେଳଣା ଘରକୁ ଆସି ଯାଇଛି ମାହୀ,ତୁମକୁ ବହୁତ ମିସ୍ କରୁଛି ଓ ନିଜର ନାଗିରକତା ପାଇଁ ଅପେକ୍ଷା କରିଛି, କାରଣ ଦେଶରେ ତୁମର ଏହା ଏକମାତ୍ର ଗାଡି ’।   

ବାସ୍ତବରେ ମାହୀ କିଣିଥିବା ଗାଡିଟି ହେଉଛି ‘ଜିପ ଗ୍ରାଣ୍ଡ ଚିରୋକେ’। ଭାରତକୁ ଏପର୍ଯ୍ୟନ୍ତ ଏହି ଗାଡି ଆସି ନାହିଁ। ତେବେ ମାହିଁ ଗାଡିର ଏହି ସ୍ୱତନ୍ତ୍ର ସଂସ୍କରଣକୁ ବିଦେଶରୁ ଆମଦାନୀ କରିଛନ୍ତି। ଧୋନୀଙ୍କ ଲାଲ ରଙ୍ଗର ଏହି ଗାଡିର ମୂଲ୍ୟ ଭାରତରେ ୮୦ରୁ ୯୦ ଲକ୍ଷ ଟଙ୍କା ମଧ୍ୟରେ ହେବ। ଏହା ଏକ ଏସୟୁଭି ମଡେଲ ହୋଇଥିବା ବେଳେ ଏଥିରେ ଟ୍ରେକହକ୍ ୬.୨ ଲିଟର ସୁପରଚାର୍ଜଡ ଭି-୮ଏଚଇଏମଆଇ ଇଞ୍ଜିନ ଲାଗିଛି। ଏହି ଇଞ୍ଜିନର କ୍ଷମତା ୭୦୦ ବିଏଚପି ଓ ଟର୍କ ହେଉଛି ୮୭୫ ଏନଏମ। ଏହି କାର ମାତ୍ର ୩.୬ ସେକେଣ୍ଡରେ ୦ରୁ ୧୦୦ କିଲୋମିଟର ବେଗରେ ଗତିକରିପାରିବ। ବୋଲ୍ଡ ଲୁକର ଏହି ଏସୟୁଭି ଖୁବ୍ ଆକର୍ଷକ। ଏହାର କ୍ୟାବିନରେ ଅନ୍ତର୍ଜାତୀୟ ମାନର ହାଇକ୍ୱାଲିଟି ନାପା ଲେଦର ଲାଗିଥିବା ବେଳେ ୮.୪ଇଞ୍ଚର ଇଂଫୋଟେନମେଣ୍ଟ ସିଷ୍ଟମ ବି ରହିଛି। ଏହାର ଚକ ଗୁଡିକ ୨୦ ଇଞ୍ଚ ଆଲଏ ହ୍ୱିଲର ଲାଗିଛି।

ଆଜିକାଲି ଧୋନୀ କ୍ରିକେଟ ମୈଦାନରୁ ବ୍ରେକ ନେଇଥିବା ବେଳେ ଭାରତୀୟ ଆର୍ମିରେ ସର୍ଭିସ କରୁଛନ୍ତି। ଜମ୍ମୁ-କାଶ୍ମୀରରେ ମୁତୟନ ଥିବା ମାହୀ ସେନାର ପାରା କମାଣ୍ଡୋ ବାଟାଲିୟନରେ ନିଯୁକ୍ତ ଅଛନ୍ତି। ତେବେ କାଶ୍ମୀରରେ ଉପୁଜିଥିବା ପରିସ୍ଥିତିରେ ଗୋର୍ଖା, ଶିଖ, ରାଜପୁତ ଓ ଜାଠଙ୍କ ଭଳି ମିଳିତ ରେଜିମେଣଅଟର ୭ଶହ ସୈନିକଙ୍କ ସହ ଦିନରାତି ୨୪ ଘଣ୍ଟା ଡ୍ୟୁଟିରେ ଅଛନ୍ତି। ଏଥିରେ ସେ ପାଟ୍ରୋଲିଂ ସମେତ ଗାର୍ଡ ଓ ପୋଷ୍ଟରେ ବି ଡ୍ୟୁଟି କରୁଥିବା ଜଣାପଡିଛି। ମିଳିଥିବା ସୂଚନା ଅନୁସାରେ ଧୋନୀ ଆଗାମୀ ସ୍ୱାଧୀନତା ଦିବସରେ ଲଦ୍ଦାଖରେ ଜାତୀୟ ପତାକା ଉତ୍ତୋଳନ ପାଇଁ ଆୟୋଜିତ ହେବାକୁ ଥିବା ନୂଆ ପ୍ରଦେଶର ପ୍ରଥମ ସ୍ୱାଧୀନତା ଦିବସ ଉତ୍ସବରେ ପ୍ରଥମଥର ଉତ୍ତୋଳିତ ହେବାକୁଥିବା ଜାତୀୟ ପତାକାକୁ ସାଲ୍ୟୁଟ କରିପାରନ୍ତି।

   Related Posts