Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପଡୋଶୀଙ୍କ ଜୀଇଁବା ମୁସ୍କିଲ କରିଦେଇଛନ୍ତି ସୈଫ ଓ କରୀନାଙ୍କ ପୁଅ ତୈମୁର, ଥାନାରେ ଦେଲେ ଏତଲା

23/07/2019 at 2:43 PM

ମୁମ୍ବାଇ ୨୩/୭: ସୈଫ ଏବଂ କରୀନାଙ୍କ ସାନପୁଅ ତୈମୁର ଅଲ୍ଲୀ ଖାନ୍ ପିଲାଦିନୁ ସବୁବେଳେ ଚର୍ଚ୍ଚାରେ ରହି ଆସିଛନ୍ତି। ତୈମୁରଙ୍କ ଲୋକପ୍ରିୟତା କାରଣରୁ ତାଙ୍କ ବାପା ସୈଫ ଅଲ୍ଲୀ ଖାନ ସବୁବେଳେ ଚିନ୍ତିତ ରହିଥାଆନ୍ତି ଏବଂ ଏହି କାରଣରୁ ସୈଫ ଏବଂ କରୀନାଙ୍କ ପଡ଼ୋଶୀଙ୍କୁ ମଧ୍ୟ ଅସୁବିଧାର ସମ୍ମୁଖୀନ ହେବାକୁ ପଡ଼ୁଛି।

ସୈଫ ଏବଂ କରୀନାଙ୍କ ପଡ଼ୋଶୀଙ୍କ ଅସୁବିଧା ଏବେ ଏତେ ବଢ଼ିଯାଇଛି ଯେ ସେମାନେ ଥାନାରେ ଅଭିଯୋଗ କରିଛନ୍ତି। ବାସ୍ତବରେ ପଡ଼ୋଶୀମାନେ ତୈମୁରଙ୍କ ବିରୁଦ୍ଧରେ ନୁହେଁ ବରଂ ତାଙ୍କ ପଛରେ ପଡ଼ିଥିବା ପାପାରାଜିଙ୍କ ବିରୋଧରେ ପୋଲିସ ଷ୍ଟେସନରେ ଅଭିଯୋଗ କରିଛନ୍ତି।

କଥା କ’ଣ କି ତୈମୁରଙ୍କ ଫଟୋ ଉଠାଇବା ପାଇଁ ସୈଫଙ୍କ ଘର ଆଗରେ ଫଟୋଗ୍ରାଫରଙ୍କ ଭିଡ଼ ଜମିଯାଇଥାଏ। ଏଥିପାଇଁ ସେଠାରେ ରହୁଥିବା ସ୍ଥାନୀୟ ଲୋକଙ୍କୁ ମଧ୍ୟ ଅସୁବିଧା ହୋଇଥାଏ।

ଏଠାକାର ସ୍ଥାନୀୟ ଲୋକମାନଙ୍କର ଯିବା ଆସିବା କରିବାରେ ସମସ୍ୟା ହୋଇଥାଏ ଏଥିପାଇଁ ପୋଲିସ ଷ୍ଟେସନରେ ଅଭିଯୋଗ କରିବା ପରେ ଏହି ଫଟୋଗ୍ରାଫରଙ୍କୁ ସେଠାରୁ ହଟାଇ ଦିଆଯାଇଛି।

   Related Posts