Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଢେଙ୍କାନାଳ : କପିଳାଶ ଜାଗର ଯାତ୍ରା ପାଇଁ କଟକଣା, ଜିଲ୍ଲା ବାହାର ଭକ୍ତଙ୍କୁ ମନା, ଜିଲ୍ଲାବାସୀଙ୍କ କୋଭିଡ୍ ନେଗେଟିଭ୍ ରିପୋର୍ଟ ବାଧ୍ୟତାମୂଳକ
  • ||
  • କଟକ : ରାଜ୍ୟରେ ପୁଣି ବଢିଲା ବସ୍ ଭଡା, ସାଧାରଣ ଓ ଏକ୍ସପ୍ରେସ କିଲୋମିଟର ପିଛା ୫ପଇସା, ଡିଲକ୍ସ ଓ ଏସି ଡିଲକ୍ସ ୧୦ପଇସା ବୃଦ୍ଧି
  • ||
  • ଧର୍ମଗଡ : ବାଇକ୍ ଉପରେ ମାଡିଗଲା ବସ୍, ଘଟଣାସ୍ଥଳରେ ୩ ମୃତ
  • ||
  • ସାନଖେମୁଣ୍ଡି : ବାରହା ଆକ୍ରମଣରେ ୭ ଆହତ, ଗ୍ରାମବାସୀ ଭୟଭୀତ
  • ||
  • ରାଉରକେଲା : ଶିଶୁପାଳ ହୋଇ ଫେରିଲା ବର, ଅଧାରୁ ବନ୍ଦ ହେଲା ବାଲ୍ୟ ବିବାହ
  • ||
  • ଆଠଗଡ : ସରିଯାଉଛି ଟୋକନ ଅବଧି, ମଣ୍ଡିରୁ ଉଠୁନି ଧାନ, ପ୍ରତିବାଦରେ ଚାଷୀଙ୍କ ରାସ୍ତା ଅବରୋଧ
  • ||
  • ଭଦ୍ରକ : ଅଷ୍ଟପ୍ରହରୀ ଚାନ୍ଦା ପାଇଁ ଗଛରେ ବାନ୍ଧି ନିସ୍ତୁକ ମାଡ ଅଭିଯୋଗ, ଥାନାରେ ଏତଲା
  • ||
  • ନୀଳଗିରି : ନୀଳଗିରି ସହରରେ ବୁଲୁଛି ଭାଲୁ, ଲୋକେ ଭୟଭୀତ
  • ||
  • ରାଉରକେଲା : ଛାତ୍ରଙ୍କ ନାଁରେ ଜିଏସଟି ଠକେଇ ଅଭିଯୋଗ, ୩୮କୋଟି ଟଙ୍କାର ଠକେଇ ନେଇ ନୋଟିସ୍
  • ||
  • ସାନଖେମୁଣ୍ଡି : ଥାନାଠାରୁ ୧ କି.ମି. ଦୂରରେ ଚାଲିଥିଲା ବେଆଇନ ବିଦେଶୀ ମଦ ବିକ୍ରି, ଚଢାଉ କରି ନଷ୍ଟ କଲା ପୋଲିସ
  • ||

ସାହିନବାଗରୁ ଆନ୍ଦୋଳନକାରୀଙ୍କୁ ହଟାଇବାକୁ ପ୍ରକ୍ରିୟା ଆରମ୍ଭ, ଘଟଣାସ୍ଥଳରେ ପୋଲିସ ଓ ସେନା ମୁତୟନ

24/03/2020 at 7:29 AM

ନୂଆଦିଲ୍ଲୀ ୨୪।୦୩: ସାରାଦେଶରେ କରୋନା ଭାଇରସ ସଂକ୍ରମଣ ସଂଖ୍ୟା ଦିନକୁ ଦିନ ବଢିବାର ଲାଗିଛି । ଏଭଳି ସ୍ଥିତିରେ କେତେକ ରାଜ୍ୟ ଲକ୍‌ଡାଉନ୍‌ ଘୋଷଣା କରିଥିବା ବେଳେ କିଛି ରାଜ୍ୟ କଫ୍ୟୁ ଜାରି କରିସାରିଲେଣି । ଏଭଳି ସ୍ଥିତିରେ ଆଇନଶୃଙ୍ଖଳା ବ୍ୟବସ୍ଥା ବଜାୟ ରଖିବାକୁ ପ୍ରଧାନମନ୍ତ୍ରୀ  ଅପିଲ କରୁଛନ୍ତି । ତେବେ ଦିଲ୍ଲୀର ସାହିନବାଗରେ ନାଗରିକତା ସଂଶୋଧନ ଆଇନ ଓ ଜାତୀୟ ନାଗରିକତା ରେଜିଷ୍ଟାର ଆଇନ ବିରେଧରେ ଆନ୍ଦୋଳନ ଜାରି ରହିଛି । ଗତ ୧୦୦ଦିନ ଧରି ସାହିନବାଗରେ ଧାରଣା ଚାଲୁ ରହିଛି । ତେବେ କିଛିଦିନ ତଳେ କରୋନାରେ ଜଣେ ସନ୍ଦିଗ୍ଧ ମେଡିକାଲରେ ଭର୍ତ୍ତି ହେବା ପରେ ଧାରଣାସ୍ଥଳରୁ କିଛି ଲୋକ ଘରକୁ ଫେରିଯାଇଥିଲେ । କିନ୍ତୁ ବର୍ତ୍ତମାନ ପର୍ଯ୍ୟନ୍ତ କିଛି ମହିଳା ଧାରଣାସ୍ଥଳରେ ବସି ଆନ୍ଦୋଳନ କରୁଥିବାର ଦେଖିବାକୁ ମିଳିଛି । ତେବେ ସୋମବାର ଦିନ ଦିଲ୍ଲୀର ଜରୁରୀ ପରିସ୍ଥିତି ଘୋଷଣା କରାଯାଇଛି । ତେବେ ଏଭଳି ସ୍ଥିତିରେ ସାହିନବାଗରେ ଆନ୍ଦୋଳନ କରୁଥିବା ମହିଳାମାନଙ୍କୁ ହଟାଇବା ପାଇଁ ଘଟଣାସ୍ଥଳରେ ଉଦ୍ୟମ ଆରମ୍ଭ ହୋଇଛି ।

ଦିଲ୍ଲୀର ସାହିନବାଗରୁ ଆନ୍ଦୋଳନ କରୁଥିବା ମହିଳାଙ୍କୁ ହଟାଇବା ପାଇଁ ଦିଲ୍ଲୀ ପୋଲିସର ଯବାନ ଓ ସେନାବାହିନୀ ଘଟଣାସ୍ଥଳରେ ପହଞ୍ଚିଛନ୍ତି । ଉଭୟ ସେନା ଓ ପୋଲିସ ଘଟଣାସ୍ଥଳରେ ପହଞ୍ଚି ଟେଣ୍ଟ ଭାଙ୍ଗିବା ପ୍ରକ୍ରିୟା ଆରମ୍ଭ କରିଛନ୍ତି । ଏବଂ ଧାରଣାସ୍ଥଳରେ ବସିଥିବା ଲୋକମାନଙ୍କୁ ଅନୁରୋଧ କରାଯାଉଛି କି, ସେମାନେ ତୁରନ୍ତ ଜାଗା ଖାଲି କରିଦିଅନ୍ତୁ , ନଚେତ୍ ଆମେ ବାଧ୍ୟ ହୋଇ ଆଇନଗତ ପଦକ୍ଷେପ ନେବାକୁ ବାଧ୍ୟ ହେବୁ ବୋଲି କୁହାଯାଉଛି । ତେବେ ଘଟଣାସ୍ଥଳରେ ଉପସ୍ଥିତ ଥିବା ଅଧିକାରୀଙ୍କ ଅନୁଯାୟୀ, ଆମକୁ ଧାରଣାସ୍ଥଳରୁ ତୁରନ୍ତ ଲୋକଙ୍କୁ ଖାଲି କରିବାକୁ ପଡିବ । ଯେମିତି ଏହି ରାସ୍ତାରେ ଜରୁରୀ ସେବା ଓ ଆମ୍ବୁଲାନ୍ସ ଯିବାଆସିବା କରିପାରିବ । ଯାହାଫଳରେ ଲୋକ ଜୀବନ ସୁରକ୍ଷିତ ହେବ । ଧାରଣସ୍ଥଳରେ ବର୍ତ୍ତମାନ ପର୍ଯ୍ୟନ୍ତ ପାଞ୍ଚଜଣ ମହିଳା ଧାରଣା ଦେଉଛନ୍ତି ।

   Related Posts