ନୂଆଦିଲ୍ଲୀ ୧୩/୧୧: ଟି୨୦ ବିଶ୍ୱକପ ସେମିଫାଇନାଲରେ ଅଷ୍ଟ୍ରେଲିଆଠୁ ପରାସ୍ତ ହୋଇଛି ପାକିସ୍ତାନ । ଏହାସହ ଟୁର୍ଣ୍ଣାମେଣ୍ଟରୁ ବିଦା ହୋଇଛି । ତେବେ ମୁକାବିଲାରେ ନିଜ ଭାବି ଜ୍ୱାଇଁ ସାହିନ ଆଫ୍ରିଦିଙ୍କ ପ୍ରଦର୍ଶନରେ ଖୁସି ନାହାଁନ୍ତି ପୂର୍ବତନ ଖେଳାଳି ସାହିଦ ଆଫ୍ରିଦି ।

ଦୁବାଇ ଇଣ୍ଟରନ୍ୟାଶନାଲ ଷ୍ଟାଡିୟମରେ ଖେଳାଯାଇଥିବା ହାଇ ଭୋଲଟେଜ୍ ମୁକାବିଲାରେ ପାକିସ୍ତାନଠୁ ବିଜୟ ଛଡାଇ ନେଇଥିଲା  କଙ୍ଗାରୁ ଟିମ୍ । ଅଷ୍ଟ୍ରେଲିଆ ଓ୍ୱିକେଟ୍ କିପର ବ୍ୟାଟସମ୍ୟାନ୍ ମାଥ୍ୟୁ ଓ୍ୱେଡ୍ ୧୯ ତମ ଓଭର ଶେଷ ୩ ବଲରେ ହାଟ୍ରିକ୍ ଛକା ମାରିଥିଲେ । ସେହି ସମୟରେ ବୋଲିଂ କରୁଥିଲେ ସାହିନ୍ ଆଫ୍ରିଦି । ଓ୍ୱେଡ୍ ୧୭ ବଲରୁ ଦୁଇ ଚଉକା ଓ ୪ ଛକା ସାହାଯ୍ୟରେ ୪୧ ରନ୍ କରିଥିଲେ ।

wp:html

"If Hassan Ali dropped a catch, it doesn't mean that Shaheen Afridi should have conceded 3 sixes in 3 balls..."

- Shahid Afridi pic.twitter.com/8YseLC1IjG

— Basit Subhani (@BasitSubhani) November 12, 2021

/wp:html

ସାହିନଙ୍କ ପ୍ରଦର୍ଶନଙ୍କୁ ନେଇ ଭାବି ଶ୍ୱଶୂର ସାହିଦ ଆଫ୍ରିଦି ଏକ ଟିଭି ସାକ୍ଷାତକାରରେ କହିଛନ୍ତି ଯେ, ସେ ସାହିନଙ୍କ ପ୍ରଦର୍ଶନରେ ଖୁସି ନାହାଁନ୍ତି । ହାସନ ଅଳ୍ଲୀ ଏକ କ୍ୟାଚ୍ ଛାଡିଥିଲେ  । ସେହିପରି ସାହିନ୍ ଲଗାତର ତିନୋଟି ଛକ୍କା ଖାଇଥିଲେ । ତାଙ୍କ ପାଖରେ ଗତି ଥିଲା  ।  କିନ୍ତୁ ସେ ବୁଦ୍ଧି ପ୍ରୟୋଗ କଲେ ନାହିଁ । ସେ ଅଫ୍ ଷ୍ଟମ୍ପ୍ ବାହାରେ ୟର୍କର ପକାଇବା ଆବଶ୍ୟକ ଥିଲା । କିନ୍ତୁ ସେ ଠିକ୍ ବୋଲିଂ କରିପାରିଲେ ନାହିଁ ।

ସୂଚନାଯୋଗ୍ୟ, ସାହିନ୍ ଆଫ୍ରିଦି ଅଷ୍ଟ୍ରେଲିଆ ପାଳିର ପ୍ରଥମ ଓଭର ଦ୍ୱିତୀୟ ବଲରେ ଆରୋନ ଫିଞ୍ଚଙ୍କୁ ଆଉଟ୍ କରିଥିଲେ । କିନ୍ତୁ ଶେଷ ଓଭରରେ ୨୨ ରନ୍ ଦେଇ ଦଳର ପରାଜୟରେ ଖଳନାୟକ ପାଲଟିଥିଲେ ।