Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଘରୁ ଉଠାଇ ନେଇ ନାବାଳିକାଙ୍କୁ ଦୁଷ୍କର୍ମ, ୨ ଗିରଫ
  • ||
  • ଆଖିବୁଜିଲେ ଫ୍ଲାଇଂ ଶିଖ୍ ତଥା କିମ୍ୱଦନ୍ତୀ ଧାବକ ମିଲଖା ସିଂହ
  • ||
  • ବରିଷ୍ଠ ଆଇପିଏସ୍‌ ଅଧିକାରୀ ତଥା ରାଜ୍ୟ ଦୁର୍ନୀତି ନିବାରଣ ବିଭାଗର ନିର୍ଦ୍ଦେଶକ ଦେବାଶିଷ ପାଣିଗ୍ରାହୀଙ୍କର ପରଲୋକ
  • ||
  • ବିରୋଧ ପରେ ବାଟକୁ ଆସିଲା ହକି ଇଣ୍ଡିଆ, ଦିଲ୍ଲୀପ ତିର୍କୀ ଆଡହକ୍ କମିଟିର ଚେୟାରମାନେ ଭାବେ ନିଯୁକ୍ତ
  • ||

ସହିଦଙ୍କ ପତ୍ନୀ କହିଲେ ସ୍ୱାମୀଙ୍କ ଶବ ଦେଖିବାକୁ ଦିଅ, ଏହାପରେ ଚୁଡ଼ି ଭାଙ୍ଗିବି

17/02/2019 at 2:53 PM

ଭାଗଲପୁର ୧୭/୨ : ପୁଲୱାମା ଆଇଇଡି ବିସ୍ଫୋରଣରେ ସହିଦ ହୋଇଥିବା ରତନ ସିଂଙ୍କ ପତ୍ନୀ ରାଜନନ୍ଦିନୀ ଦେବୀ ସ୍ୱାମୀଙ୍କ ଶେଷ ଦର୍ଶନ ପାଇଁ ପରିବାର ସଦସ୍ୟଙ୍କ ସହ କହଲ ଗାଁର ସ୍ମଶାନକୁ ଯାଇଥିଲେ | ରାଜନନ୍ଦିନୀ ବାରମ୍ବାର ଅନୁରୋଧ କରୁଥିଲେ ଯେ, ସ୍ୱାମୀଙ୍କ ଶବ ଦେଖିବା ପାଇଁ କେହିଜଣେ ତାଙ୍କୁ ସହଯୋଗ କରୁ |


ନେହୁରା ହେବାରୁ ତାଙ୍କୁ ସ୍ୱାମୀଙ୍କ କଫିନ ପାଖକୁ ନିଆଯାଇଥିଲା | ଏତିକିବେଳେ ରାଜନନ୍ଦିନୀଙ୍କ ପରିବାରଲୋକେ ତାଙ୍କ ଚୁଡ଼ି ଭାଙ୍ଗିବାକୁ ଚେଷ୍ଟା କରିଥିଲେ | ସେତେବେଳେ ରାଜନନ୍ଦିନୀ ମହିଳାମାନଙ୍କୁ ବିରୋଧ କରି କହିଥିଲେ ଯେ, ଯେପର୍ଯ୍ୟନ୍ତ ସେ ସ୍ୱାମୀଙ୍କ ଶବକୁ ନ ଦେଖନ୍ତି ସେପର୍ଯ୍ୟନ୍ତ ସେ ଚୁଡ଼ି ଭାଙ୍ଗିବାକୁ ଦେବେନାହିଁ |

କିଛି ସମୟ ଯାଏଁ ସେ ସ୍ୱାମୀଙ୍କ କଫିନ ପାଖରେ ବସି ରହିଲେ | କିନ୍ତୁ ସହିଦ ସ୍ୱାମୀଙ୍କ କଫିନ ପତ୍ନୀଙ୍କ ସମ୍ମୁଖରେ ଖୋଲାଯାଇନଥିଲା | ସ୍ୱାମୀଙ୍କ କଫିନ ପାଖେ ବସି କାନ୍ଦି କାନ୍ଦି ବେହୋସ ହୋଇଗଲେ ରାଜନନ୍ଦିନୀ |


ଏତିକିବେଳେ ଜଣେ ମହିଳା ଜୋର ଜବରଦସ୍ତ ରାଜନନ୍ଦିନୀଙ୍କ ଚୁଡ଼ି ଭାଙ୍ଗି ଦେଇଥିଲେ | ରାଜନନ୍ଦିନୀ ଏହାର ଦୃଢ ବିରୋଧ କରିଥିଲେ | ସହିଦ ରତନ ସିଂଙ୍କ ଶବ ଏତେ କ୍ଷତବିକ୍ଷତ ହୋଇଯାଇଥିଲା ଯେ, ତାଙ୍କ ଶବ ପତ୍ନୀଙ୍କୁ ଦେଖାଇବା ଉଚିତ ନଥିଲା |

   Related Posts