Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପାରିବାରିକ କଳହରୁ ବିଷ ପିଇଥିଲେ, ମେଡିକାଲ ଯିବା ବାଟରେ ଦୁର୍ଘଟଣା; ଚାଲିଗଲା ଖୁଡ଼ି-ପୁତୁରାଙ୍କ ଜୀବନ

23/08/2020 at 9:17 AM

ବଣାଇ ୨୩।୦୮: ସୁନ୍ଦରଗଡ ଜିଲ୍ଲା ବଣାଇ ଲହୁଣୀପଡା ସୁଖାବନ୍ଧ ନିକଟରେ ମର୍ମନ୍ତୁଦ ଦୁର୍ଘଟଣା ଘଟିଛି ।  ଗାଡି ଧକ୍କାରେ ଖୁଡି ଓ ପୁତୁରା ମୃତ ଓ ଅନ୍ୟ ୨ ଜଣ ଗୁରୁତର ଥିବା ଜଣାପଡିଛି । ସମସ୍ତ ଗୁରୁତରଙ୍କୁ ନିକଟସ୍ଥ ମେଡିକାଲରେ ଭର୍ତ୍ତି କରାଯାଇଛି ।

ସୂଚନାଯୋଗ୍ୟ ଯେ,  ବିଲମ୍ବିତ ରାତିରେ ଲମସି ଗାଁର ନରୋତ୍ତମ ପାତ୍ର ଘରୋଇ କଳିକୁ ନେଇ ବିଷ ପିଇ ଦେଇ ଥିଲେ। ପରିବାର ପକ୍ଷରୁ ଜାଣିବା ପରେ ଖୁଡ଼ି ଓ ସାହିର ଅନ୍ୟ ଦୁଇ ଜଣଙ୍କ ସହାୟତାରେ ଏକ ମାରୁତି ଭ୍ୟାନରେ ଲହୁଣୀପଡା ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରକୁ ନିଆଯାଉଥିଲା ।

ହେଲେ ରାଜାମୁଣ୍ଡାରୁ କୋଇଡ଼ାକୁ ଯାଉଥିବା ବେଳେ ମାରୁତି ଭ୍ୟାନ ଗାଡିକୁ  ଟ୍ରକ ଧକ୍କା ଦେଇଥିଲା । ଫଳରେ ଘଟଣା ସ୍ଥଳରେ ଖୁଡି ହେମଲତା ଓ ପୁତୁରା ନରୋତ୍ତମ ପାତ୍ରଙ୍କ ମୃତ୍ୟୁ ହୋଇଥିଲା । ଲହୁଣୀପଡା ପୋଲିସ ଘଟଣାସ୍ଥଳରେ ପହଞ୍ଚି ଗୁରୁତର ଦୁଇ ଜଣଙ୍କୁ ନିକଟସ୍ଥ ମେଡିକାଲରେ ଭର୍ତ୍ତି କରିଛି । ଖୁଡି ଓ ପୁତୁରାର ଶବକୁ ପୋଷ୍ଟମର୍ଟମ ଲାଗି ଲହୁଣୀପଡା ମେଡିକାଲକୁ ପଠାଇଛି।  

   Related Posts