Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ୧୦ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୪୨କୁ ବୃଦ୍ଧି
  • ||
  • ରାଜ୍ୟରେ ପୁଣି ବଢିଲା ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୭୪୨୬ କୋଭିଡ୍ ପଜିଟିଭ୍, ୧୨୨୫୨୬୮ରେ ପହଞ୍ଚିଲା ସଂଖ୍ୟା
  • ||
  • କମିବ ତାପମାତ୍ରା, ୨୮ରୁ ବଢିବ ଶୀତ
  • ||
  • ଆଜି ୭୩ ତମ ସାଧାରଣତନ୍ତ୍ର ଦିବସ, କୋଭିଡ କଟକଣାରେ ହେବ ପତାକା ଉତ୍ତୋଳନ
  • ||
  • ଦେଶ ପାଳୁଛି ୭୩ତମ ଗଣତନ୍ତ୍ର ଦିବସ, ରାଜପଥରେ ପ୍ରଦର୍ଶିତ ହେବ ୨୧ ପ୍ରଜ୍ଞାପନ ମେଢ
  • ||

ସଚ୍ଚିନ ଜିତିଲେ Laureus Sporting Moment , ମେସି ଓ ହାମିଲଟନ୍‌ଙ୍କୁ Sports man of the Year

18/02/2020 at 12:47 PM

ବର୍ଲିନ ୧୮।୦୨: ବିଶ୍ୱର ପ୍ରସିଦ୍ଧ ଲରିୟସ ୱାର୍ଲ୍ଡ ସ୍ପୋର୍ଟସ ଆୱାର୍ଡ ଘୋଷଣା ହୋଇଛି । ଏଥିରେ ମାଷ୍ଟର ବ୍ଲାଷ୍ଟର ସଚିନ ତେନ୍ଦୁଲକରଙ୍କୁ ମଧ୍ୟ ସାମିଲ କରାଯାଇଛି । ଏଫ୧ ରେସର ଲୁଇସ ହାମିଲଟନ ଏବଂ ଫୁଟବଲ ଖେଳାଳି ଲିୟୋନେଲ ମେସିଙ୍କୁ ଯୁଗ୍ମ ଭାବେ ଏଥର ୱାର୍ଲ୍ଡ ସ୍ପୋର୍ଟସମ୍ୟାନ ଅଫ ଦି ଇୟର ଘୋଷଣା କରାଯାଇଛି । ସଚିନ ତେନ୍ଦୁଲକରଙ୍କୁ ସ୍ପୋର୍ଟିଂଙ୍ଗ ମୁମେଣ୍ଟ ୨୦୦୦-୨୦୨୦ ଆୱାର୍ଡ ମିଳିଛି ।

ସେହିପରି ଭାରତର କ୍ରିକେଟ ଇତିହାସରେ ଏକ ଫଟୋ ସଦାସର୍ବଦା ସ୍ମରଣୀୟ ହୋଇ ରହିବ । ୨୦୧୧ ବିଶ୍ବକପରେ ଫାଇନାଲ ଅଧିନାୟକ ଧୋନିଙ୍କ ଛକା ପରେ ସାରା ଟିମ୍‌ ବିଜୟ ଉଲ୍ଲାସ ଆରମ୍ଭ କରିଦେଇଥିଲା । ଫାଇନାଲ ବିଜୟ ପରେ ଟିମ ଇଣ୍ଡିଆର ସଦସ୍ୟମାନେ ସଚିନ ତେନ୍ଦୁଲକରଙ୍କୁ କାନ୍ଧରେ ବୋହି ପଡିଆ ଚାରିପଟେ ବୁଲାଇଥିଲେ । କାନ୍ଧରେ ବୋହିବା ଫଟୋଟି ସେତେବେଳ ଖୁବ୍‌ ଭାଇରାଲ ହୋଇଥିଲା । ଏହି ଫଟୋକୁ ସ୍ପୋଟିଂଗ ମୁମେଣ୍ଟ ଭାବେ ଚୟନ କରାଯାଇଛି । 

ଆୱାର୍ଡ ଜିତିବା ପରେ ସଚିନଙ୍କୁ ଷ୍ଟେଜକୁ ଆମନ୍ତ୍ରଣ କରାଯାଇଥିଲା । ମାଷ୍ଟରବ୍ଲାଷ୍ଟରଙ୍କୁ ନିଜର ଖେଳ ଭାବନା ବିଷୟରେ ପଚରାଯାଇଥିଲା । ୧୯୮୩ ମସିହାରେ ଭାରତ ପ୍ରଥମ ବିଶ୍ବକପ ଜିତିଥିଲା। ସେତେବେଳେ ତାଙ୍କୁ ମାତ୍ର ୧୦ବର୍ଷ ହୋଇଥିଲା। ସେ ସେବଠାରୁ କ୍ରିକେଟ ଖେଳ ଆରମ୍ଭ କରିଛନ୍ତି ବୋଲି କହିଥିଲେ । ବିଶ୍ବକପ ବିଜୟର ଦିନ ତାଙ୍କ ଜୀବନର ସବୁଠାରୁ ଗୌରବମୟ ଦିନ ହୋଇ ରହିବ । ବିଶ୍ବକପ ବିଜୟ ପାଇଁ ମତେ ୨୨ବର୍ଷ ସମୟ ଲାଗିଯାଇଥିଲା । ଖେଳ ଅନେକଲୋକଙ୍କ ଜୀବନ ବଦଳାଇଦେଇଛି ବୋଲି କହିଥିଲେ ।  ଜୀବନରେ ଖେଳ ବହୁତ ପ୍ରଭାବଶାଳୀ ହୋଇଛି ।

ସୂଚନାନୁସାରେ ଲିୟୋନାଲ ମେସି ଓ ହାମିଲଟମ ସମାନ ସଂଖ୍ୟାରେ ଭୋଟ ପାଇଥିଲେ । ବିଗତ ୨୦ ବର୍ଷ ହେଲା ଏହି ପୁରସ୍କାର ଦିଆଯାଉଛି । ତେବେ ପ୍ରଥମ ଥର ଏହି ପୁରସ୍କାର ଯୁଗ୍ମ ଭାବେ ଦିଆଯାଇଛି । ସମାରୋହରେ ମେସୀ ଅନୁପସ୍ଥିତ ରହିଥିବାରୁ ଏକ ଭିଡିଓ ଜରିଆରେ ନିଜର ବାର୍ତ୍ତା ଜାରି କରିଥିଲେ ।

   Related Posts