Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ବର : ଚଉଷଠୀ ଯୋଗିନୀ ମା’ ନାରାୟଣୀଙ୍କ ମନ୍ଦିରରୁ ଚୋରି, ମା’ଙ୍କ ମୂର୍ତ୍ତିରୁ ସୁନା ଅଳଙ୍କାର ତାଡି ନେଲେ ଦୁର୍ବୃତ୍ତ
  • ||
  • ଭୁବନେଶ୍ବର : ରାଜ୍ୟରେ ଚିହ୍ନଟ ହୋଇଛନ୍ତି ୬୯୭୦ଜଣ ଭିକାରୀ, ୪୧୨୮ ପୁରୁଷ ଓ ୨୮୪୨ ମହିଳା
  • ||
  • ଭୁବନେଶ୍ବର : ବର୍ତ୍ତମାନ ସୁଦ୍ଧା ରାଜ୍ୟରେ ଓମିକ୍ରନ୍ ଚିହ୍ନଟ ହୋଇନାହିଁ : DMET
  • ||
  • ଭୁବନେଶ୍ବର : ଗୃହରେ ବିରୋଧୀଙ୍କ ପ୍ରତିବାଦ ପ୍ରସଙ୍ଗ, ବିଧାୟିକା ସ୍ନେହାଙ୍ଗୀନି ଛୁରିଆ କହିଲେ- ‘ଏହା ଗଣତନ୍ତ୍ର ପ୍ରତି ସୁସ୍ଥ ବାତାବରଣ ନୁହଁ’
  • ||
  • ଭୁବନେଶ୍ବର : ଦୁର୍ବଳ ହେବାରେ ଲାଗିଛି ବାତ୍ୟା : ରାଜସ୍ବ ମନ୍ତ୍ରୀ
  • ||
  • ଭୁବନେଶ୍ବର : ମମିତା ଝଡ ଧୀରେ ଧୀରେ ମହାବାତ୍ୟା ଆଡକୁ ମୁହାଁଇବ : ବିଷ୍ଣୁ ସେଠୀ
  • ||
  • ପୁରୀ : ପୁରୀ ବେଳାଭୂମିରେ ଲାଗିଲା ରେଡ୍ ଫ୍ଲାଗ୍, ଜନସାଧାରଣଙ୍କୁ ଯିବା ଲାଗି ବାରଣ
  • ||
  • ପଦାର୍ଥ ବିଜ୍ଞାନୀ ପଦ୍ମଭୂଷଣ ତ୍ରିଲୋଚନ ପ୍ରଧାନଙ୍କ ପରଲୋକ
  • ||
  • କୋରାପୁଟ : ମାଲବାହୀ ଟ୍ରେନ୍‌ ଇଞ୍ଜିନ୍ ଲାଇନ୍‌ଚ୍ୟୁତ, ନୂଆ ଟ୍ରାକ୍‌ରୁ ପୁରୁଣା ଟ୍ରାକ୍‌କୁ ପାସ୍ ବେଳେ ଦୁର୍ଘଟଣା
  • ||
  • ଖଲ୍ଲିକୋଟ : ପାଖେଇ ଆସୁଛି ‘ଜଓ୍ବାଦ’, ଡଙ୍ଗା ଓ ଜାଲ ନଷ୍ଟ ହେବା ଆଶଙ୍କାରେ ମତ୍ସ୍ୟଜୀବୀ
  • ||

ସଞ୍ଜୁ ସାମସନଙ୍କ କ୍ୟାଚ୍ ସଚିନଙ୍କୁ ୧୯୯୨ ଓ୍ୱାର୍ଲ୍ଡକପ୍ ମନେ ପକାଇଲା… ଏମିତି ଏକ ଦମଦାର୍ ଫିଲ୍ଡିଂ କରିଥିଲେ ମାଷ୍ଟର ବ୍ଲାଷ୍ଟର

1/10/2020 at 4:05 PM

ଦୁବାଇ, ୦୧ ।୧୦: ଆଇପିଏଲ-୨୦୨୦ରେ ବୁଧବାର ଖେଳାଯାଇଥିବା ମୁକାବିଲାରେ ରାଜସ୍ଥାନ ରୟାଲ୍ସ କୋଲକାତା ନାଇଟ ରାଇଡର୍ସଠାରୁ ପରାସ୍ତ ହୋଇଛି । ଚଳିତ ସିଜିନରେ ବିସ୍ଫୋରକ ବ୍ୟାଟିଂ କରୁଥିବା ସଞ୍ଜୁ ସାମସନଙ୍କ ବ୍ୟାଟ୍ ଗତ ମ୍ୟାଚରେ ଚାଲିନଥିଲା । ତେଣୁ ରାଜସ୍ଥାନକୁ ୩୭ ରନରେ ପରାଜୟର ସାମ୍ନା କରିବାକୁ ପଡିଛି । ସାମସନ୍ ଏହା ପୂର୍ବରୁ ଚେନ୍ନାଇ ଓ ପଞ୍ଜାବ ବିପକ୍ଷରେ ଜୋରଦାର୍ ବ୍ୟାଟିଂ କରି ଦଳକୁ ବିଜୟ ଉପହାର ଦେଇଥିଲେ ।

କେକେଆର ବିପକ୍ଷରେ ସାମସନଙ୍କ ବ୍ୟାଟ୍ ଶାନ୍ତ ରହିଥିଲେ ମଧ୍ୟ ତାଙ୍କ ଫିଲ୍ଡିଂକୁ ପ୍ରଶଂସା କରାଯାଉଛି । ସେ ମ୍ୟାଚରେ ଏପରି ଏକ କ୍ୟାଚ୍ ନେଇଥିଲେ ଯାହାକୁ ମାଷ୍ଟର ବ୍ଲାଷ୍ଟର ସଚିନ ତେନ୍ଦୁଲକର ମଧ୍ୟ ପ୍ରଶଂସା କରିଛନ୍ତି ।

ଏହି ମ୍ୟାଚରେ ସାମସନ ଟିମ୍ କରନଙ୍କ ଏକ ବଲରେ ପେଟ୍ କମିନ୍ସଙ୍କ କ୍ୟାଚ୍ ଧରିଥିଲେ । କମିନ୍ସ ସର୍ଟ ପିଚ୍ ବଲରେ ମିଡ୍ ଅନ୍ ଦିଗରେ ଏକ ସଟ୍ ଖେଳିଥିଲେ । ତେବେ ସାମସନ୍ ଏହି କ୍ୟାଚ୍ ଧରିନେଇଥିଲେ । ଏହି କ୍ୟାଚ୍ ସଚିନଙ୍କୁ ୧୯୯୨ ବିଶ୍ୱକପ୍ ମନେ ପକାଇଦେଇଛି । ଓ୍ୱେଷ୍ଟ ଇଣ୍ଡିଜ ବିପକ୍ଷରେ ସଚିନ୍ ଏଭଳି ଏକ କ୍ୟାଚ୍ ନେଇଥିଲେ ବୋଲି କହିଛନ୍ତି ।

ସଚିନ ସାମସନଙ୍କୁ ପ୍ରଶଂସା କରି ଲେଖିଛନ୍ତି ଯେ, ସେ ଜାଣନ୍ତି ଯଦି ମୁଣ୍ଡ ପଡିଆରେ ଲାଗିଯାଏ କେତେ ପୀଡି ଅନୁଭବ ହୁଏ । ୧୯୯୨ରେ ଇଣ୍ଡିଜ ବିପକ୍ଷରେ ସେ ମଧ୍ୟ ଏପରି ଏକ କ୍ୟାଚ୍ ନେଇଥିଲେ ।

ସୂଚନାଯୋଗ୍ୟ, ବୁଧବାର ଖେଳାଯାଇଥିବା କେକେଆର ଓ ରାଜସ୍ଥାନ ମୁକାବିଲାରେ ରାଜସ୍ଥାନ ବିଜୟୀ ହୋଇଛି । ପ୍ରଥମେ ବ୍ୟାଟିଂ କରି କେକେଆର ୧୭୪ ରନ୍ କରିଥିଲା । ଜବାବରେ ରାଜସ୍ଥାନ ମାତ୍ର ୧୩୭ ରନ୍‌ରେ ଅଟକି ଯାଇଥିଲା ।

   Related Posts