Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଚୀନରେ ଦ୍ରୁତ ବେଗରେ ବ୍ୟାପିଲା କରୋନାର ଡେଲ୍‌ଟା ଭାରିଏଣ୍ଟ, ବେଜିଂ ସହ ୧୫ ସହରରେ ଆତଙ୍କ, ଉଡାଣ ବାତିଲ୍
  • ||
  • ରାଜ୍ୟରେ ସୁସ୍ଥ ହେଲେ ଆଉ ୧୮୪୧ କରୋନା ଆକ୍ରାନ୍ତ, ଖୋର୍ଦ୍ଧାରୁ ସର୍ବାଧିକ ୪୭୬ ଡିସଚାର୍ଜ
  • ||
  • ଲଦାଖରେ ଭାରତ-ଚୀନ ମଧ୍ୟରେ ଉତ୍ତେଜନା କେବେ ସମାପ୍ତ ହେବ ? ଡ୍ରାଗନ ସହ ୧୨ତମ ବୈଠକ ଆସନ୍ତାକାଲି
  • ||
  • ବାଂଶପାଳ : ଗାଁରେ ପଶି ଘର ଭାଙ୍ଗିଲା ଦନ୍ତା, କାନ୍ଥ ପଡି ସ୍ବାମୀ-ସ୍ତ୍ରୀ ଗୁରୁତର
  • ||
  • ରାଉରକେଲା : ଅଲୋଡା ହେଲା ନବଜାତ ଶିଶୁପୁତ୍ର, ଡଷ୍ଟବିନ୍‌ରୁ ଉଦ୍ଧାର
  • ||
  • ରାଇରଙ୍ଗପୁର : ଦୁଇ ବାଇକ୍ ମୁହାଁମୁହିଁ ଧକ୍କା, ରାସ୍ତା କଡକୁ ଛିଟିକି ପଡିଲେ ୨ ଚାଳକ : ମେଡିକାଲରେ ହେଲା ମୃତ୍ୟୁ
  • ||
  • କଟକ : ଦୁଷ୍କର୍ମକାରୀଙ୍କୁ ୧୦ବର୍ଷ ଜେଲ୍‌ ସହ ୧୦ହଜାର ଜରିମନା : ପୀଡିତାଙ୍କୁ ଦେବେ ୨ଲକ୍ଷ ଟଙ୍କାର କ୍ଷତିପୂରଣ
  • ||
  • ଭୁବନେଶ୍ବର : ଭିଜିଲାନ୍ସ ଜାଲରେ OSSC ସଦସ୍ୟଙ୍କ ପିଏସ୍ : ଜବତ ହେଲାଣି ନଗଦ ଲକ୍ଷାଧିକ ଟଙ୍କା ସହ ଫ୍ଲାଟ୍ ଆଉ ପ୍ଲଟ୍
  • ||
  • ରାୟଗଡା : ଆନ୍ଧ୍ରପ୍ରଦେଶ ଚିଙ୍ଗୁଡି ବନ୍ଧରେ ଅଘଟଣ : ବିଦ୍ୟୁତ ଆଘାତରେ ୬ ଓଡିଆ ଶ୍ରମିକଙ୍କ ମୃତ୍ୟୁ
  • ||
  • ଭୁବନେଶ୍ବର : ବଦଳିଲା ନିୟମ : ୬୩,୩୦୩ ପ୍ରାଥମିକ ଶିକ୍ଷକ ପାଇବେ ପଦୋନ୍ନତି, ରେସିଡେନ୍ସି ପିରିୟଡ୍ କମାଇଲେ ରାଜ୍ୟ ସରକାର
  • ||

ସଚିନଙ୍କ ମାନ ଭାଙ୍ଗିବ: ରାହୁଲ ଓ ପ୍ରିୟଙ୍କାଙ୍କ ସହ ସାକ୍ଷାତ ଆଲୋଚନା ସକରାତ୍ମକ, ପାଇଲଟ୍‌ଙ୍କ ହେବ ଘର ବାହୁଡା !

10/08/2020 at 3:07 PM

ନୂଆଦିଲ୍ଲୀ ୧୦।୦୮: ରାଜସ୍ଥାନରେ ବିଧାନସଭା ଅଧିବେଶନ ଆରମ୍ଭ ହେବା ପୂର୍ବରୁ ରାଜନୈତିକ ହଲଚଲ ଦେଖିବାକୁ ମିଳିଛି। ରାଜସ୍ଥାନ କଂଗ୍ରେସରେ ଉପୁଜିଥିବା ରାଜନୈତିକ ସଙ୍କଟର ଠିକ୍ ମାସ ପରେ ପୂର୍ବତନ ଉପ ମୁଖ୍ୟମନ୍ତ୍ରୀ ସଚିନ ପାଇଲଟ ପାର୍ଟିର ଶୀର୍ଷ ନେତୃତ୍ଵଙ୍କ ସହ ଯୋଗାଯୋଗ କରିଛନ୍ତି। ପାର୍ଟି ବିରୋଧରେ ବିଦ୍ରୋହ କରିଥିବା ସଚିନ ପାଇଲଟ୍ ସୋମବାର ରାହୁଲ ଗାନ୍ଧୀ ଓ ପ୍ରିୟଙ୍କା ଗାନ୍ଧୀ ଭଦ୍ରାଙ୍କୁ ଭେଟିଛନ୍ତି। ତିନି ନେତାଙ୍କ ମଧ୍ୟରେ ହୋଇଥିବା ସାକ୍ଷାତ ସକରାତ୍ମକ ରହିଥିବା କୁହାଯାଉଛି। ସଚିନ ପାଇଲଟଙ୍କୁ କଂଗ୍ରେସ ମନାଇବାରେ ସଫଳ ହୋଇଥିବା କୁହାଯାଉଛି।

ଉଲ୍ଲେଖନୀୟ ଅଗଷ୍ଟ ୧୪ରୁ ରାଜସ୍ଥାନରେ ବିଧାନସଭା ଅଧିବେଶନ ଆରମ୍ଭ ହେବାକୁ ଯାଉଛି।  ବର୍ତ୍ତମାନ ପ୍ରିୟଙ୍କା ଓ ରାହୁଲ ଗାନ୍ଧୀଙ୍କ ସହ ସାକ୍ଷାତ ପରେ ଆଶା କରାଯାଉଛି ସଚିନ ପାଇଲଟ ନିଜର ଅସନ୍ତୋଷ ଭୁଲି ପାର୍ଟିକୁ ପୁନର୍ବାର ଫେରି ପାରନ୍ତି। ଏହା ପୂର୍ବରୁ ମଧ୍ୟ ଯେବେ ସଚିନ ପାଇଲଟ୍ ବିଦ୍ରୋହ କରିଥିଲେ, ସେହି ସମୟରେ ପ୍ରିୟଙ୍କା ଗାନ୍ଧୀ ଭଦ୍ରାଙ୍କ ସହ ତାଙ୍କର ଅନେକ ଥର ଆଲୋଚନା ହୋଇଥିଲା।

ଅପରପକ୍ଷେ ପାଇଲଟ କ୍ରମାଗତ ପାର୍ଟିର ବରିଷ୍ଠ ନେତା ଅହମ୍ମଦ ପଟେଲ ଓ କେସି ବେଣୁଗୋପାଳଙ୍କ ସହ ଆଲୋଚନା କରୁଛନ୍ତି। ସଂପ୍ରତି ପାଇଲଟଙ୍କ ଆଭିମୁଖ୍ୟ ପୂର୍ବାପେକ୍ଷା ନରମ ପଡିଛି। କଂଗ୍ରେସ ନେତାଙ୍କ କହିବା କଥା ରାହୁଲ ଓ ପାଇଲଟ ଦୁଇ ନେତାଙ୍କ ମଧ୍ୟରେ ଯେଉଁଭଳି ସଂପର୍କ ରହିଛି, ଶୀଘ୍ର ସବୁ କିଛି ସ୍ଵାଭାବିକ ହୋଇପାରେ।

ପାଇଲଟଙ୍କ ଜଣେ ସହଯୋଗୀ ବିଧାୟକ କହିଛନ୍ତି ରବିବାର ଅନୁଷ୍ଠିତ କଂଗ୍ରେସ ବିଧାୟକ ଦଳ ବୈଠକରେ ବିଦ୍ରୋହୀଙ୍କୁ ଦଳକୁ ଫେରାଇ ଆଣିବା ନେଇ ମନା କରାଯାଇଛି। ଗେହଲଟଙ୍କ କାର୍ଯ୍ୟ କରିବାର ଶୈଳୀ  ହିଁ ପାଇଲଟଙ୍କୁ ବିଦ୍ରୋହ କରିବାକୁ ସୁଯୋଗ ଦେଇଛି।

କଂଗ୍ରେସର ନେତାଙ୍କ ଅନୁଯାୟୀ ରାଜସ୍ଥାନରେ ସରକାର ସଂପୂର୍ଣ୍ଣ ସୁରକ୍ଷିତ। କିଛି ବିଧାୟକ ଯେଉଁମାନେ ପାଇଲଟଙ୍କ ସମର୍ଥନରେ ଅଛନ୍ତି ସେମାନେ ମଧ୍ୟ ଚାହୁଁଛନ୍ତି ଯେ, ପାର୍ଟି ହାଇକମାଣ୍ଡଙ୍କ ସହ ଆଲୋଚନା ହେଉ। ଏହା ପୂର୍ବରୁ ରବିବାର କଂଗ୍ରେସର ବିଧାୟକ ଦଳ ବୈଠକ ହୋଇଥିଲା। ଏଥିରେ ଗେହଲଟ ଗୋଷ୍ଠୀର ବିଧାୟକମାନେ ସଚିନ ପାଇଲଟ୍‌ ଓ ବିଦ୍ରୋହୀ ବିଧାୟକଙ୍କ ବିରୋଧରେ କାର୍ଯ୍ୟାନୁଷ୍ଠାନ ନେବାକୁ ଦାବି କରିଥିଲେ। ଏହି ସମୟରେ ପାର୍ଟି ପକ୍ଷରୁ ରାଜସ୍ଥାନର ପ୍ରଭାରୀ ଅବିନାଶ ପାଣ୍ଡେ ମଧ୍ୟ ଉପସ୍ଥିତ ଥିଲେ।

   Related Posts