Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଯୁକ୍ତ ୨ କଲେଜ୍ ଖୋଲିବାକୁ ପ୍ରସ୍ତୁତି ! ବିଶୋଧନ ଓ ସଫା କରି କ୍ଲାସ୍ ରୁମ୍ ପ୍ରସ୍ତୁତ କରିବାକୁ ଉଚ୍ଚ ଶିକ୍ଷା ବିଭାଗର ନିର୍ଦ୍ଦେଶ
  • ||
  • କମିବାରେ ଲାଗିଛି କରୋନା ସଂକ୍ରମଣ, ଆଜି ସୁସ୍ଥ ହୋଇ ଘରକୁ ଫେରିଲେ ୬୪୨ ଆକ୍ରାନ୍ତ
  • ||
  • ଫ୍ରାନ୍ସରେ ବିଜୟ ମାଲ୍ୟାଙ୍କ ବିରୋଧରେ EDଙ୍କ ବଡ କାର୍ଯ୍ୟାନୁଷ୍ଠାନ, ଜବତ ହେଲା ୧.୬ ମିଲିୟନ ୟୁରୋ ସମ୍ପତ୍ତି
  • ||
  • ଡିସେମ୍ବର ୮ରେ ଭାରତ ବନ୍ଦ ଡାକରା ଦେଲା କୃଷକ ସଂଗଠନ
  • ||
  • ପ୍ରଥମ ଟି-୨୦ରେ କଙ୍ଗାରୁ ଚିତ୍, ଚମକିଲେ ଭାରତୀୟ ବୋଲର, ଅଷ୍ଟ୍ରେଲିଆକୁ ୧୧ ରନରେ ହରାଇଲା ବିରାଟ ବାହିନୀ
  • ||
  • ୪ କ୍ବିଣ୍ଟାଲ ୬୦ କେଜି ଚନ୍ଦନ କାଠ ଜବତ: ଆନୁମାନିକ ମୂଲ୍ୟ ୭୦ ଲକ୍ଷ ଟଙ୍କାରୁ ଅଧିକ
  • ||
  • ଜଳେଶ୍ବର: ବିଶାଖା ଏଗ୍ରୋ ସୋରୁମ୍ ଆଗରେ ଚାଷୀମାନଙ୍କ ପକ୍ଷରୁ ଆମରଣ ଅନଶନ
  • ||
  • ଅପରାହ୍ନରେ ସ୍ଥଳଭାଗ ଛୁଇଁବ ‘ବୁରେଭି’ : କେରଳ-ତାମିଲନାଡୁର କିଛି ଜିଲ୍ଲାରେ ଛୁଟି ଘୋଷଣା, ବିମାନବନ୍ଦର ବନ୍ଦ
  • ||
  • ଜଗତପୁର : ଧାନ କଟାଳୀଙ୍କୁ ଶୁଣ୍ଢରେ କଚାଡି ମାରିଲା ହାତୀ
  • ||
  • ବାଲେଶ୍ବର ଓ ମୟୁରଭଞ୍ଜରେ ମୃଦୁ ଭୂକମ୍ପ ଝଟ୍‌କା ଅନୁଭୂତ
  • ||

ଏପରି କରିବାରେ ସଚିନ, ଦ୍ରାବିଡ ଓ ପଣ୍ଟିଂଙ୍କ ଭଳି ଖେଳାଳି ହାର୍ ମାନିଛନ୍ତି, କୋହଲି ମଧ୍ୟ କରିଛନ୍ତି ଅପେକ୍ଷା

8/05/2020 at 4:53 PM

ନୂଆଦିଲ୍ଲୀ, ୦୮|୦୫ : ସଚିନ ତେନ୍ଦୁଲକର, ରାହୁଲ ଦ୍ରାବିଡ ଓ ରିକି ପଣ୍ଟିଂଙ୍କ ଭଳି ଅନେକ କ୍ରିକେଟରେ ବିଶ୍ୱ କ୍ରିକେଟରେ ନିଜର ସ୍ୱତନ୍ତ୍ର ପରିଚୟ ସୃଷ୍ଟି କରିଛନ୍ତି । କିନ୍ତୁ ଏହି ମହାନ ଖେଳାଳିମାନେ ଟେଷ୍ଟ୍ କିମ୍ବା ପ୍ରଥମ ଶ୍ରେଣୀ କ୍ରିକେଟରେ ମଧ୍ୟ ତ୍ରିଶତକ ଅର୍ଜନ କରିପାରି ନାହାଁନ୍ତି ।

ଡନ୍ ବ୍ରାଡମ୍ୟାନ୍ ପ୍ରଥମ ଶ୍ରେଣୀ କ୍ରିକେଟରେ ୬ ଥର ଦ୍ୱିଶତକ ଲଗାଇଥିବା ବେଳେ ଭାରତୀୟ ଖେଳାଳି ଚେତେଶ୍ୱର ପୂଜାରା ଓ ରବିନ୍ଦ୍ର ଜାଡେଜା ୩ଥର ତ୍ରିଶତକ ଲଗାଇଛନ୍ତି । ତେବେ ବିରାଟ କୋହଲି, ଷ୍ଟିଭ୍ ସ୍ମିଥ୍, କେନ୍ ଓ୍ୱିଲିମସନ୍ ଓ ଜୋ ରୁଟ୍ ଥରଟିଏ ହେଲେ ତ୍ରିଶତକ ଲଗାଇପାରି ନାହାନ୍ତି । ସେହିପରି ତେନ୍ଦୁଲକର, ଦ୍ରାବିଡ, ସୌରଭ ଗାଙ୍ଗୁଲି ଓ ଭିଭିଏସ ଲକ୍ଷ୍ଣଣଙ୍କ ମଧ୍ୟରୁ କେବଳ ଲକ୍ଷ୍ଣଣ ହିଁ ଥରଟିଏ ତ୍ରିଶତକ ଅର୍ଜନ କରିଛନ୍ତି । ସେ ଦୁଇଥର ପାଇଁ ଏହି କାରନାମା କରି ଦେଖାଇଛନ୍ତି ।

ଓ୍ୱେଷ୍ଟଇଣ୍ଡିଜର ମହାନ ବ୍ୟାଟସମ୍ୟାନ୍ ବ୍ରାଏନ୍ ଲାରା ତିନୋଟିରୁ ଦୁଇଟି ତ୍ରିଶତକ ଟେଷ୍ଟ୍ ମ୍ୟାଚରେ ଲଗାଇଛନ୍ତି । ବିରେନ୍ଦ୍ର ସେହ୍ୱାଗ ଓ କ୍ରିସ୍ ଗେଲ୍ ଦୁଇଥର ତ୍ରିଶତକ ଅର୍ଜନ କରିଛନ୍ତି । ତେନ୍ଦୁଲକର ୨୦୦ଟି ଟେଷ୍ଟ୍ ଓ ୩୧୦ଟି ପ୍ରଥମ ଶ୍ରେଣୀ କ୍ରିକେଟ୍ ଖେଳିଛନ୍ତି । ତାଙ୍କର ସର୍ବାଧିକ ସ୍କୋର ରହିଛି ୨୪୮ । ସେହିପରି ଜ୍ରାବିଡ, ପଣ୍ଟିଂ, ଗାଙ୍ଗୁଲି, ଜ୍ୟାକ୍ କାଲିସ୍, ଆଲିଷ୍ଟର କୁକ, ଏବି ଡିବିଲର୍ସ, କୋହଲି, ଜୋ ରୁଟଙ୍କ ସର୍ବାଧିକ ସ୍କୋର ଯଥାକ୍ରମେ ୨୭୦, ୨୫୭, ୨୩୯, ୨୨୪, ୨୯୪, ୨୭୮, ୨୫୪ ଓ ୨୫୪ ରହିଛି ।

ପ୍ରଥମ ଶ୍ରେଣୀ କ୍ରିକେଟରେ ସର୍ବାଧିକ ଶତକ ଲଗାଇଥିବା ବ୍ୟାଟସମ୍ୟାନ ତାଲିକାର ଚତୁର୍ଥ ଓ ପଞ୍ଚମ ସ୍ଥାନରେ ରହିଛନ୍ତି ଫିଲ୍ ମିଡ୍ ଓ ଜୋଫ୍ରି ବୟକଟ୍ । ଫିଲ୍ ୧୫୩ଟି ଶତକ ଲଗାଇଥିବା ବେଳେ ଜୋଫ୍ରି ୧୫୧ଟି ଶତକ ଲଗାଇଛନ୍ତି । କିନ୍ତୁ ସେମାନେ ମଧ୍ୟ ତ୍ରିଶତକ ଲଗାଇ ପାରି ନାହାଁନ୍ତି ।

ପ୍ରଥମ ଶ୍ରେଣୀ କ୍ରିକେଟରେ ପ୍ରଥମ ତ୍ରିଶତକ ୧୮୭୬ରେ ଡବଲ୍ୟୁଜି ଗ୍ରେସ୍ ଲଗାଇଥିଲେ । ସେବେଠାରୁ ଏବସୁଦ୍ଧା ୨୦୦ରୁ ଅଧିକ ତ୍ରିଶତକ ଲାଗିଛି । କିନ୍ତୁ କିଛି ମହାନ ଖେଳାଳି ତ୍ରିଶତକ ଲଗାଇପାରି ନାହାଁନ୍ତି ।

   Related Posts