ori homes
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆତ୍ମ ସମର୍ପଣ କଲେନି ସିଦ୍ଧୁ, ସ୍ୱାସ୍ଥ୍ୟଗତ ସମସ୍ୟା ଦର୍ଶାଇ ମାଗିଲେ ସମୟ
  • ||
  • ସନ୍ଧ୍ୟାରେ ରୟାଲ୍ସ ବନାମ କିଙ୍ଗସ, ଜିତିଲେ ପ୍ଲେ-ଅଫରେ ଏଣ୍ଟ୍ରି କରିବ ରାଜସ୍ଥାନ
  • ||
  • ଲାଲୁ ପରିବାରକୁ ଗୁଡ୍ ମର୍ଣ୍ଣିଂ କଲା ସିବିଆଇ : ସକାଳୁ ସକାଳୁ ୧୭ ଜାଗାରେ ଚଢଉ
  • ||
  • ରାଜ୍ୟରେ ଖସୁଛି କରୋନା, ୨୪ ଘଣ୍ଟାରେ ବାହାରିଲେ ୧୦ ପଜିଟିଭ୍
  • ||
  • ଶନିବାରଠୁ ବଢିବ ତାତି, ଆସନ୍ତା ସପ୍ତାହରେ ଲଘୁଚାପ
  • ||
  • ୨୭ ମାସ ପରେ ମୁକୁଳିଲେ ଆଜମ ଖାନ, ସ୍ୱାଗତ ପାଇଁ ପହଁଚିଲେ ଶିବପାଲ ଯାଦବ
  • ||
  • ରାଜଧାନୀରେ ବୋମାମାଡ, ସହିଦନଗର ଥାନା ପୋଲିସର ତଦନ୍ତ ଜାରି
  • ||
  • ମଧ୍ୟାହ୍ନରେ ଆତ୍ମସମର୍ପଣ କରିବେ ସିଦ୍ଧୁ, ବର୍ଷେ ପାଇଁ ଯିବେ ଜେଲ୍ !
  • ||
  • ଆଜି ଜେଲରୁ ମୁକୁଳି ପାରନ୍ତି ଆଜମ ଖାନ, ଜେଲରେ ପହଁଚିଲା ଜାମିନ ଆଦେଶ
  • ||

କାମ ଦେଲାନି ସୁପ୍ରିମକୋର୍ଟଙ୍କ କଡ଼ା ନିର୍ଦ୍ଦେଶ: କେରଳ ସାବରିମାଲା ମନ୍ଦିରରେ ଜଣେ ହେଲେ ମହିଳା କରିପାରିଲେନି ପ୍ରବେଶ

18/10/2018 at 8:48 PM

ଥିରୁବନନ୍ତପୁରମ୧୮|୧୦: ସୁପ୍ରିମକୋର୍ଟଙ୍କ କଡ଼ା ନିର୍ଦ୍ଦେଶ ବି କାମ ଦେଲାନି । କେରଳ ସାବରିମାଲା ମନ୍ଦିରରେ କେହି ଜଣେ ହେଲେ ବି ମହିଳା ପ୍ରବେଶ କରିପାରିଲେନି । ଏପରିକି ଆଜି ମଧ୍ୟ ମହିଳା ସାମ୍ବାଦିକା, ପୋଲିସ୍ ଏବଂ ସ୍ବାସ୍ଥ୍ୟକର୍ମୀ ଆୟାପ୍ପାଙ୍କ ଅନ୍ଧ ଭକ୍ତଙ୍କ ଆକ୍ରୋଶର ଶିକାର ହୋଇଛନ୍ତି । ସୁପ୍ରିମକୋର୍ଟଙ୍କ ନିର୍ଦ୍ଦେଶ ବିରୋଧରେ ଆଜି କେରଳରେ ବନ୍ଦ ପାଳନ ହେଉଥିବା ବେଳେ ଖୋଲି ଯାଇଛି ବିଜେପି କୁଳଗୁରୁ ରାଷ୍ଟ୍ରୀୟ ସ୍ବୟଂ ସେବକ ସଂଘର ମୁଖା ।

 ଏ ଦେଶରେ ମହିଳାଙ୍କ ପ୍ରତି କେତେ ସମ୍ମାନ ରହିଛି, ତାହା ସ୍ପଷ୍ଟ ହୋଇଗଲା । ପ୍ରଥା, ପରମ୍ପରା, ଅନ୍ଧବିଶ୍ବାସ ଓ ଧର୍ମ ନାଁରେ ଏଠି ରାଜନୀତି ହିଁ ସବୁକିଛି । ଯାହାକୁ ସମ୍ପୂର୍ଣ୍ଣ ସ୍ପଷ୍ଟ କରିଦେଇଛି କେରଳ ସାବରିମାଳା ମନ୍ଦିର ପ୍ରସଙ୍ଗ । ସୁପ୍ରିମକୋର୍ଟଙ୍କ ନିର୍ଦ୍ଦେଶ ପରେ ବି ଜଣେ ହେଲେ ମହିଳା ମନ୍ଦିରରେ ପଶି ପାରିଲେନି । ଶହ ଶହ ପୋଲିସ୍ ଥାଇ ବି ସର୍ବୋଚ୍ଚ କୋର୍ଟଙ୍କ ନିର୍ଦ୍ଦେଶ ତିଳେ ମାତ୍ର କାର୍ଯ୍ୟକାରୀ ହୋଇ ପାରିଲାନି ।

 

୧୦ରୁ ୫୦ ବର୍ଷର ମହିଳାଙ୍କୁ ସାବରିମାଲା ମନ୍ଦିର ମନା । ଶହ ଶହ ବର୍ଷ ଧରି ସ୍ବାମୀ ଆୟାପ୍ପାଙ୍କ ମନ୍ଦିରରେ ଏହି ପରମ୍ପରା ଚଳି ଆସୁଛି । ତେବେ ଧର୍ମୀୟ ଭାବନା ସହ ଶାରିରୀକ ଧର୍ମର କୌଣସି ସମ୍ପର୍କ ନଥିବା ଦର୍ଶାଇ, ମହିଳାମାନଙ୍କ ପ୍ରବେଶକୁ ଅନୁମତି ଦେଇଥିଲେ ସର୍ବୋଚ୍ଚ କୋର୍ଟ । କୋର୍ଟ ନିର୍ଦ୍ଦେଶ ଦେବାର ମାସକ ପରେ ଖୋଲିଲା ମନ୍ଦିର । କିନ୍ତୁ ମନ୍ଦିର ଠାରୁ ୨୦ କିଲୋମିଟର ଦୂରରୁ ମହିଳାମାନଙ୍କୁ ଫେରାଇ ଦିଆଗଲା । ଗତକାଲି କିଛି ମହିଳା ସମ୍ବାଦିକ ଆକ୍ରୋଶର ଶିକାର ହୋଇଥିଲେ । ଆଉ ଆଜି ମଧ୍ୟ ଅନୁରୂପ ଘଟଣା ଘଟିଲା । ନ୍ୟୁୟର୍କ ଟାଇମ୍ସ ଜଣେ ମହିଳା ସମ୍ବାଦିକ ଆକ୍ରୋଶର ଶିକାର ହୋଇଛନ୍ତି । ମହିଳା ପୋଲିସ୍ ଏବଂ ସ୍ବାସ୍ଥ୍ୟକର୍ମୀ ମାନେ ମଧ୍ୟ ବାଦ୍ ପଡ଼ି ନାହାନ୍ତି ।

ସାବରିମାଳା ପ୍ରସଙ୍ଗକୁ ନେଇ କେରଳରେ ଆଜି ବନ୍ଦ ପାଳନ କରାଯାଇଥିବା ବେଳେ ଖୋଲି ଯାଇଛି ବିଜେପି କୁଳଗୁରୁ ରାଷ୍ଟ୍ରୀୟ ସ୍ବୟଂ ସେବକ ସଂଘର ମୁଖା । ଶହ ଶହ ବର୍ଷର ପରମ୍ପରା ଏବଂ ଆୟାପ୍ପା ଭକ୍ତଙ୍କ ମାନସିକତାକୁ ସୁପ୍ରିମକୋର୍ଟ ବିଚାରକୁ ନେଇ ନଥିବା କହିଛନ୍ତି ଆରଏସଏସ ମୁଖ୍ୟ ମୋହନ ଭାଗବତ । ଯାହାକୁ ଟ୍ୱିଟ୍ କରି ସମାଲୋଚନା କରିଛନ୍ତି ମୁଖ୍ୟମନ୍ତ୍ରୀ ପିନାରାଇ ବିଜୟନ୍ । ସାବରିମାଳାରେ ମହିଳାଙ୍କ ପ୍ରବେଶକୁ ନେଇ ଆରଏସଏସ ଅସହିଷ୍ଣୁ ହୋଇ ପଡ଼ିଥିବା ସେ କହିଛନ୍ତି ।

 

ଆରଏସଏସ୍ ସଦସ୍ୟମାନେ ଆୟାପ୍ପା ଭକ୍ତ ବେଶରେ ବେଶରେ ମନ୍ଦିର ପାଖାପାଖି ଅଞ୍ଚଳରେ ବୁଲୁଥିବା ବେଳେ ପୋଲିସ୍ ସେମାନଙ୍କ ଉପରେ କଡ଼ା ନଜର ରଖିଛି ।

   Related Posts