Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଜି.ଉଦୟଗିରି : ବାଇକ୍-ଅଟୋ ମୁହାଁମୁହିଁ ଧକ୍କା : ଜଣେ ମୃତ, ତିନି ଗୁରୁତର
  • ||
  • ଭୁବନେଶ୍ବର : ଭିଜିଲାନ୍ସ ଜାଲରେ ଭୁବନେଶ୍ବର ବ୍ଲକ୍ କନିଷ୍ଠ ଯନ୍ତ୍ରୀ ଶୁଭେନ୍ଦୁ କୁମାର ପ୍ରଧାନ, ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଚଢାଉ
  • ||
  • ଦିଲ୍ଲୀ ପୋଲିସର ଆକ୍ସନ : ଟ୍ରାକ୍ଟର ରାଲି ବେଳେ ହିଂସା ପରେ ୧୫ଟି ମାମଲା ରୁଜୁ
  • ||
  • ଭୁବନେଶ୍ବର : ଅଟୋକୁ ଧକ୍କା ଦେଲା କାର୍, ୪ ଗୁରୁତର
  • ||
  • ଘଟଗାଁ : ରାତିରେ ଘରକୁ ଫେରିବା ବେଳେ ଭାଲୁ ଆକ୍ରମଣ, ଜଣେ ଗୁରୁତର
  • ||
  • ଆଜିଠୁ ଶ୍ରୀମନ୍ଦିର ସେବାୟତଙ୍କ ପୁଣି କୋଭିଡ୍ ଟେଷ୍ଟ, ପ୍ରତିଦିନ ୫୦ ସେବାୟତଙ୍କ ହେବ ଆର୍‌ଟିପିସିଆର୍
  • ||
  • ଆଜିଠୁ ପୁଣି ଟିକାକରଣ, ଭାକ୍‌ସିନ୍‌ ନେବେ ବଳକା ୧ ଲକ୍ଷ ୭୩ ହଜାର ୬୩୬ ସ୍ବାସ୍ଥ୍ଯକର୍ମୀ
  • ||

ଚଳିତ ମାସରେ ଭାରତ ପହଞ୍ଚିବ ରୁଷ କରୋନା ଭ୍ୟାକସିନ, ଆରମ୍ଭ ହେବ କ୍ଲିନିକାଲ ଟ୍ରାଏଲ

7/09/2020 at 10:08 PM

ନୂଆଦିଲ୍ଲୀ ୦୭।୦୯: ରୁଷ କରୋନା ଭାଇରସ୍‌ ଭ୍ୟାକସିନ ସ୍ପୁଟୋନିକ ଭିର ଅନ୍ତିମ ପର୍ଯ୍ୟାୟ କ୍ଲିନିକାଲ ପରୀକ୍ଷଣ ଚଳିତ ମାସରେ ଭାରତରେ ଆରମ୍ଭ ହେବ। ଭ୍ୟାକସିନ ପ୍ରସ୍ତୁତ ପାଇଁ ଫଣ୍ଡ ଉପଲବ୍ଧ କରାଉଥିବା ଏଜେନ୍ସି ରୁଷିୟାନ ଡାଇରେକ୍ଟ ଇନଭେଷ୍ଟମେଣ୍ଟ ଫଣ୍ଡର ସିଇଓ କିରିଲ ଦିମିତ୍ରିଜ କହିଛନ୍ତି ଏହି ଭ୍ୟାକସିନର କ୍ଲିନିକାଲ ଟ୍ରାଏଲ ଭାରତ ସମେତ ୟୁଏଇ, ସାଉଦି ଆରବ,  ଫିଲିପାଇନ୍ସ ଓ ବ୍ରାଜିଲରେ ଚଳିତ ମାସରେ ଆରମ୍ଭ ହୋଇଯିବ। ସେ ଏହା ମଧ୍ୟ କହିଛନ୍ତି ଯେ ଭ୍ୟାକସିନର ତୃତୀୟ ପର୍ଯ୍ୟାୟର କ୍ଲିନିକାଲ ଟ୍ରାଏଲର ପ୍ରାରମ୍ଭିକ ପରିଣାମ ଅକ୍ଟୋବର-ନଭେମ୍ବରରେ ଜାରି  କରାଯିବ।

ରୁଷର ଶୀର୍ଷ ଅଧିକାରୀ କହିଛନ୍ତି ଚଳିତ ସପ୍ତାହରୁ କରୋନା ଭାଇରସ୍‌ ଭ୍ୟାକସିନ୍‌ ସ୍ପୁଟୋନିକ ଭିକୁ ସାଧାରଣ ଜନତାଙ୍କ ପାଇଁ ଜାରି କରାଯିବ। ଏହି ଭ୍ୟାକସିନକୁ ରୁଷି ରାଷ୍ଟ୍ରପତି ଭ୍ଲାଦିମିର ପୁଟିନ ଅଗଷ୍ଟ ୧୧ରେ ଲଞ୍ଚ କରିଥିଲେ। ଏହି ଭ୍ୟାକସିନକୁ ମସ୍କୋର ଗାମଲେୟା ରିସର୍ଚ୍ଚ ଇନଷ୍ଟିଚ୍ୟୁୟଟ ରୁଷ ପ୍ରତିରକ୍ଷା ମନ୍ତ୍ରଣାଳୟ ମିଳିତ ପ୍ରୟାସରେ ପ୍ରସ୍ତୁତ କରିଛନ୍ତି।

ରୁଷିୟାନ ଡାଇରେକ୍ଟ ଇନଭେଷ୍ଟମେଣ୍ଟ ଫଣ୍ଡ ନିଜର ବୟାନରେ କହିଛି ଭ୍ୟାକସିନର ଉତ୍ପାଦନ ଭାରତ, ଦକ୍ଷିଣ କୋରିଆ, ବ୍ରାଜିଲ, ସାଉଦି ଆରବ, ତୁର୍କୀ ଓ କ୍ୟୁବାରେ କରାଯିବ। ଏହା ମଧ୍ୟ କୁହାଯାଇଛି ଯେ ଭ୍ୟାକସିନର ତୃତୀୟ ପର୍ଯ୍ୟାୟ ପରୀକ୍ଷଣ ସାଉଦି ଆରବ, ୟୁଏଇ, ବ୍ରାଜିଲ, ଭାରତ ଓ ଫିଲିପାଇନ୍ସ ସହିତ ଅନେକ ଦେଶରେ କରାଯିବାର ଯୋଜନା ରହିଛି।

   Related Posts