Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଡ୍ରଗ୍ସ ଲିଙ୍କ୍ ମାମଲାରେ NCBରେ ହାଜର ହେଲେ ଅନନ୍ୟା ପାଣ୍ଡେ, ଆର୍ଯ୍ୟନ ସହ ହ୍ବାଟସଆପ୍‌ ଚାଟ୍‌କୁ ନେଇ ମାରାଥନ୍‌ ଜେରା
  • ||
  • ଭୁବନେଶ୍ୱର : STF ପଞ୍ଝାରେ ବ୍ରାଉନସୁଗାର ବେପାରୀ, ୧କୋଟିରୁ ଅଧିକ ଟଙ୍କାର ଧଳାଜହର ଜବତ
  • ||
  • କଳାହାଣ୍ଡି : ମହାଲିଙ୍ଗ୍ ସନସାଇନ୍ ପବ୍ଲିକ୍ ସ୍କୁଲରେ ପ୍ରଶାସନର ତଦନ୍ତ, କାଗଜପତ୍ର ଯାଞ୍ଚ ସହ ଆୟବ୍ୟୟ ଅଟକଳର ଚାଲିଛି ଖୋଳତାଡ
  • ||
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୨ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୫୨୪ କୋଭିଡ୍ ପଜିଟିଭ୍
  • ||
  • ଟି୨୦ ବିଶ୍ୱକପ : ସୁପର-୧୨ରେ ଶ୍ରୀଲଙ୍କା, ୭୦ରନରେ ଆୟରଲ୍ୟାଣ୍ଡକୁ ଦେଲା ମାତ୍
  • ||
  • +୩ରେ ଲକ୍ଷେ ସିଟ୍ ଖାଲି, ଗୁରୁବାର ସ୍ପଟ୍ ଆଡମିଶନ ପାଇଁ ଆବେଦନ
  • ||
  • ରାଜ୍ୟରେ ଖରାଟିଆ ପାଗ, ୨୩ ସୁଦ୍ଧା ଫେରିଯିବ ମୌସୁମୀ
  • ||
  • ରାଜଧାନୀରେ ରହିବନି ମୁକୁଳା ଡ୍ରେନ୍ : ଦୁଇ ପାର୍ଶ୍ୱରେ ଲାଗିବ ତାରଜାଲି, ସମ୍ପ୍ରସାରଣ ହେବ ସଙ୍କୁଚିତ ନାଳ
  • ||

ଋଷିଆରେ ପୁତିନଙ୍କ ବିରୋଧୀ ନେତାଙ୍କୁ ଦିଆଯାଇଛି ବିଷ !

20/08/2020 at 5:15 PM

ମସ୍କୋ ୨୦।୮: ଋଷିଆରେ ରାଷ୍ଟ୍ରପତି ଭ୍ଲାଦିମୀର ପୁତିନଙ୍କ ମୁଖ୍ୟ ବିରୋଧୀ ଏଲେକ୍ସି ନଭଲ୍ନିଙ୍କୁ ବିଷ ଦେଇ ଦିଆଯାଇଥିବାର ଅଭିଯୋଗ ହୋଇଛି। ଫଳରେ ଏଲେକ୍ସି ଏବେ କୋମାକୁ ଚାଲିଯାଇଥିବା ବେଳେ ତାଙ୍କୁ ଭେଣ୍ଟିଲେଟରରେ ରଖାଯାଇଛି। ଏଲେକ୍ସୀଙ୍କ ମୁଖପାତ୍ର କିୟାରା ୟର୍ମିଶ୍ ଗୁରୁବାର ତାଙ୍କ ଟ୍ୱିଟ୍‌ରେ ଏହା ସୂଚିତ କରିଛନ୍ତି।

ସେ କୌଣସି କାମରେ ସାଇବେରିଆ ଯାଇଥିଲେ, ତେବେ ରାଜଧାନୀ ମସ୍କୋ ଫେରୁଥିବା ରାସ୍ତାରେ ଅଚାନକ ତାଙ୍କ ସ୍ୱାସ୍ଥ୍ୟ ଗୁରୁତର ହୋଇପଡିଥିଲା। ଏଣୁ ବିମାନକୁ ଜରୁରି ଅବତରଣ କରାଯାଇ ତାଙ୍କୁ ହସ୍ପିଟାଲରେ ଭର୍ତ୍ତି କରାଯାଇଥିଲେ ହେଁ ତାଙ୍କ ସ୍ୱାସ୍ଥ୍ୟାବସ୍ଥା ଗୁରୁତର ରହିଛି। ଡାକ୍ତରଙ୍କ ତଥ୍ୟକୁ ଆଧାରକରି ମୁଖପାତ୍ର ତାଙ୍କୁ ଚାରେ ବିଷ ଦିଆଯାଇଥିବା କହିଛନ୍ତି। ସେ ସକାଳେ ଚା ବ୍ୟତୀତ ଅନ୍ୟ କୌଣସି ଖାଦ୍ୟ ଖାଆନ୍ତି ନାହିଁ।  ଏଣୁ ତାଙ୍କୁ ଗରମ ପାନୀୟରେ ଘାତକ ବିଷ ଦେଇ ଦିଆଯାଇଛି ବୋଲି କିଆରା ଅଭିଯୋଗ କରିଛନ୍ତି।

ଟ୍ୱିଟରେ ବିରୋଧୀ ଦଳ ନେତାଙ୍କ ମୁଖପାତ୍ର  କରିଥିବା ଅଭିଯୋଗ ଆଧାରରେ ପୋଲିସ ହସ୍ପିଟାଲରେ ପହଞ୍ଚି ତଦନ୍ତ ଆରମ୍ଭ କରିଛି। ସେପଟେ ଋଷିଆ ନ୍ୟୁଜ୍ ଏଜେନ୍ସୀ ‘ତାସ୍‌’ ହସ୍ପିଟାଲ ସୂତ୍ରରୁ ସଂଗୃହୀତ ସୂଚନା ଆଧାରରେ ବିରୋଧୀ ଦଳ ନେତାଙ୍କ ସ୍ୱାସ୍ଥ୍ୟାବସ୍ଥା ଜଟିଳ ଥିବା ସୂଚିତ କରିଛନ୍ତି।

ପେଷାରେ ଜଣେ ଓକିଲ ଏଲେକ୍ସି ପୁତିନଙ୍କ ବିରୋଧରେ ଅଧିକାଂଶ ସମୟ ରାଜଧାନୀରେ ରାଲି ଆୟୋଜନ କରନ୍ତି। ଏଥିଲାଗି ଅତୀତରେ ଅନେକବାର ଗିରଫ ହୋଇଥିବା ବେଳେ ସେ ଅନେକ ସମୟ ଜେଲରେ ମଧ୍ୟ ରହିଛନ୍ତି। ଗତବର୍ଷ ସେ ଜେଲରେ ବନ୍ଦୀ ଥିବା ବେଳେ ତାଙ୍କୁ ଅଚାନକ ହସ୍ପିଟାଲରେ ଭର୍ତି କରାଯାଇଥିଲା। ସେତେବେଳେ ମଧ୍ୟ ତାଙ୍କ ସମର୍ଥକମାନେ ତାଙ୍କୁ ବିଷ ଦେଇ ଦିଆଯାଇଥିବାର ଅଭିଯୋଗ କରିଥିଲେ। ତେବେ ସେତେବେଳେ ସେ ଏଲାର୍ଜୀ ଯୋଗୁ ଅସୁସ୍ଥଥିବାର ଡାକ୍ତର କହିଥିଲେ।

ହେଲେ ଏଥର ପୁଣି ଥରେ ତାଙ୍କୁ ବିଷୟ ଦିଆଯାଇଥିବା ନେଇ ପାର୍ଟି ଅଭିଯୋଗ କରିଥିବା ବେଳେ ତାହା ବାସ୍ତବ ପ୍ରମାଣିତ ହୋଇଛି।  ଘଟଣା  ପ୍ରଘଟ ହେବା ପରେ ଦେଶରେ ରାଜନୈତିକ ଉଷ୍ମତା ବଢୁବାରେ ଲାଗିଛି। ଯାହା ଏବେ ରାଷ୍ଟ୍ରପତି ପୁତିନଙ୍କ ଲାଗି ନୂଆ ସମସ୍ୟା ଛିଡା କରିପାରେ ବୋଲି ଆଶଙ୍କା କରାଯାଉଛି।

   Related Posts