ଚଳନ୍ତା ଟ୍ରକ୍ରେ ନିଆଁ : ହୁତୁ ହୁତୁ ହୋଇ ଜଳିଗଲା ଟ୍ରକ୍, ଅଳ୍ପକେ ବର୍ତ୍ତିଲେ ଡ୍ରାଇଭର ଓ ହେଲ୍ପର
19/01/2020 at 8:00 AM
କରଞ୍ଜିଆ ୧୯।୧: ହୁତୁ ହୁତୁ ହୋଇ ଜଳିଗଲା ଚଳନ୍ତା ଟ୍ରକ୍ । ୪୯ ନମ୍ବର ଜାତୀୟ ରାଜପଥ କୋଇତା ଛକ ନିକଟରେ ଟ୍ରକଟି ଜଳିଯାଇଥିବା ସୂଚନା ମିଳିଛି । ଅଳ୍ପକେ ବର୍ତ୍ତିଯାଇଛନ୍ତି ଟ୍ରକ୍ ଡ୍ରାଇଭର ଓ ହେଲପର ।
ଖବର ପାଇଁ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଛି ଅଗ୍ନିଶମ ବିଭାଗ । ନିଆଁ ଲାଗିବାର କାରଣ ଅସ୍ପଷ୍ଟ ରହିଛି ।
ସୂଚନାଯୋଗ୍ୟ ଯେ, ଗତକାଲି ରାଇରଙ୍ଗପୁର ବହଳଦା ଥାନା ଦୁନ୍ଦୁ ରୋଡରେ ଥିବା ଏକ ଗ୍ୟାରେଜରେ ହୁତୁ ହୁତୁ ହୋଇ ଜଳିଯାଇଥିଲା ଏକ ଜାଇଲୋ ଗାଡି । ଗାଡି ମାଲିକ ମରାମତି ପାଇଁ ଗାଡି ଗ୍ୟାରେଜରେ ଦେଇଥିଲେ । ତେବେ ଗାଡିରେ ଓଲଡିଂ କରିବା ସମୟରେ ଗାଡିରେ ନିଆଁ ଲାଗି ଯାଇଥିଲା । ଗାଡିଟି ଜଳୁଥିବା ଦେଖି ପାଖରେ ଥିବା ୱାସିଂ ସେଣ୍ଟରରୁ ପାଣି ଆଣି ନିଆଁକୁ ଆୟତ୍ତ କରାଯାଇଥିଲା ।
