ଆନନ୍ଦପୁର ୯।୩: ଚଳନ୍ତା ବସ୍ ରେ ଲାଗିଲା ନିଆଁ । ଅଳ୍ପକେ ବର୍ତ୍ତିଲେ ୫୦ ଯାତ୍ରୀ । ଭଦ୍ରକରୁ କରଞ୍ଜିଆ ଯାଉଥିବା ଶ୍ରୀଲକ୍ଷ୍ମୀ ନାମକ ବସ୍ ରେ ନିଆଁ ଲାଗିଯାଇଥିବା ଜଣାପଡିଛି । ବସ୍ରେ ପାଖାପାଖି ୫୦ ଜଣ ଯାତ୍ରୀ ଥିଲେ ।
ବସ୍ଟି ଯାଉଥିବା ସମୟରେ ଆନନ୍ଦପୁର ଉପଖଣ୍ଡ ହାଟଡିହି ନିକଟରେ ହଠାତ୍ ବସ୍ ଇଞ୍ଜିନରେ ନିଆଁ ଲାଗିଯାଇଥିଲା । ଏହା ଦେଖି ଡ୍ରାଇଭର ତୁରନ୍ତ ଗାଡିଟିକୁ ଅଟକାଇଥିଲେ । ତେବେ ସ୍ଥାନୀୟ ଲୋକେ ବସ୍ରେ ନିଆଁ ଲାଗିଥିବା ଦେଖି ନିଆଁକୁ ଲିଭାଇବାକୁ ପ୍ରୟାସ କରିଥିଲେ । ଏହି ଘଟଣାରେ କେହି ମୃତାହତ ହୋଇନଥିବା ସୂଚନା ମିଳିନାହିଁ ।
