Tuesday, October 15, 2019

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ରିକାର୍ପେଟିଙ୍ଗ ପାଇଁ ଭୁବନେଶ୍ୱର ଅନ୍ତର୍ଜାତୀୟ ବିମାନ ବନ୍ଦର ରନଓ୍ୱେ ଜୁନ ମାସ ପର୍ଯ୍ୟନ୍ତ ସ୍ୱଳ୍ପ ସମୟ ହେବ ବନ୍ଦ

ଭୁବନେଶ୍ୱର ୧୭।୦୯- ଭୁବନେଶ୍ୱର ବିଜୁପଟ୍ଟନାୟକ ଅନ୍ତର୍ଜାତୀୟ ବିମାନ ବନ୍ଦରର ରନଓ୍ୱେକୁ ଆସନ୍ତା ବର୍ଷ ଜୁନ୍‌ ମାସ ପର୍ଯ୍ୟନ୍ତ ସ୍ୱଳ୍ପ ସମୟ ପାଇଁ ବନ୍ଦ କରାଯିବ । ରନ୍‌ଓ୍ୱେ ରିକାର୍ପେଟିଙ୍ଗ ପାଇଁ ପ୍ରତ୍ୟେକ ଦିନ ନିର୍ଦ୍ଧାରିତ ସମୟରେ ରନ୍‌ଓ୍ୱେକୁ ବନ୍ଦ କରାଯିବ ବୋଲି ବିମାନବନ୍ଦର ନିର୍ଦ୍ଦେଶକ ସୁରେଶ ଚନ୍ଦ୍ର ହୋତା ସୂଚନା ଦେଇଛନ୍ତି ।
୧୨ବର୍ଷ ତଳେ ବିମାନ ବନ୍ଦରର ରନଓ୍ବେକୁ ରିକାର୍ପେଟିଙ୍ଗ କରାଯାଇଥିଲା । ୨୦୦୭ ମସିହାରେ ଏହାର ରି କୋର୍ପେଟିଙ୍ଗ ହୋଇଥିଲା । ରନଓ୍ୱେର ସୁରକ୍ଷା ପାଇଁ ଏହାର ରି କାର୍ପେଟିଙ୍ଗ କରାଯାଇଥାଏ ।ଏ ବିଷୟରେ ବିମାନ ଚଳାଚଳ କର୍ପୋରେଟ୍‌ ହେଡକ୍ୱାଟରସ୍‌କୁ ସୂଚନା ଦିଆଯାଇଥିଲା । ସେ ଏହାକୁ ଗ୍ରହଣ କରିଥିବା ବିମାନବନ୍ଦର ନିର୍ଦ୍ଦେଶକ ସୂଚନା ଦେଇଛନ୍ତି । ଏହାକୁ ଦୁଇଟି ପର୍ଯ୍ୟାୟରେ ରି କାର୍ପେଟିଙ୍ଗ କରାଯିବ ।

ପ୍ରଥମ ପର୍ଯ୍ୟାୟରେ ରାତିରେ ଏହାକ ରି କାର୍ପେଟିଙ୍ଗ କରାଯିବ । ୨୦୧୯ ନଭେମ୍ବର ୧ ତାରିଖରୁ ୨୦୨୦ ମସିହା ମାର୍ଚ୍ଚ ମାସ ଏକ ତାରିଖ ପର୍ଯ୍ୟନ୍ତ ରାତିରେ ଏହାର ରିକାର୍ପେଟିଙ୍ଗ କାମ କରାଯିବ । ରାତି ୧୦ଟାରୁ ସକାଳ ୫ଟା ୩୦ ମଧ୍ୟରେ ଏହାର ରିକାର୍ପେଟିଙ୍ଗ କାମ କରାଯିବ । ମାତ୍ର ଅନ୍ୟ ସମୟରେ ସାଧାରଣ ଭାବେ ବିମାନ ଚଳାଚଳ କରିବ । ବିମାନ ଚଳାଚଳ କମ୍ପାନୀମାନଙ୍କୁ ସମୟ ଆଗରୁ ସୂଚନା ଦିଆଯିବା ସହ ବିମାନ ସମୟକୁ ପରିବର୍ତ୍ତନ କରିବା ପାଇଁ ପରାମର୍ଶ ଦିଆଯାଇଛି । ଶୀତ ସମୟ ସାରଣୀ ଆରମ୍ଭ ପୂର୍ବରୁ ଏ ବିଷୟରେ ସୂଚନା ଦିଆଯାଇଥିବା ବିମାନ ବନ୍ଦର ନିର୍ଦ୍ଦେଶକ ସୂଚନା ଦେଇଛନ୍ତି ।
ସମସ୍ତ କାମ ରାତିରେ କରିବା ସମ୍ଭବ ହେଉ ନଥିବାରୁ ଏପ୍ରିଲ ୧ ତାରିଖରୁ ଜୁନ୍‌ ୩୦ ତାରିଖ ୨୦୨୦ ମସିହାରେ ଦିନ ବେଳେ ଅବଶିଷ୍ଟ କାମ କରାଯିବ ବୋଲି ନିଷ୍ପତ୍ତି ନିଆଯାଇଛି । ଏହା ସହ ୩ଟି ଟ୍କେସଟ୍ରାକର କାମ ବି କରାଯିବ । ଦିନ ୧୦ରୁ ସନ୍ଧ୍ୟା ୬ଟା ପର୍ଯ୍ୟନ୍ତ ଏହି କାମ କରାଯିବ । ଏହି ସମୟରେ କମ୍‌ ପରିମାଣରେ ବିମାନ ଚଳାଚଳ କରୁଥିବାରୁ ବିମାନ ଚଳାଚଳ ସମୟ ପରିବର୍ତ୍ତନ କରାଯାଇ ରି କାର୍ପେଟିଙ୍ଗର କାମ କରାଯିବ ବୋଲି ବିମାନ ବନ୍ଦର ନିର୍ଦ୍ଦେଶକ ସୂଚନା ଦେଇଛନ୍ତି ।
ଏଥିପାଇ ଡିଜିସିଏଙ୍କର ଅନୁମତି ପାଇଁ ଆବେଦନ କରାଯାଇଥିବା ବିଜୁପଟ୍ଟନାୟକ ଅନ୍ତର୍ଜାତୀୟ ବିମାନ ବନ୍ଦର ନିର୍ଦ୍ଦେଶକ ସୁରେଶ ଚନ୍ଦ୍ର ହୋତା ସୂଚନା ଦେଇଛନ୍ତି ।

251 Views

   ସମ୍ବନ୍ଧିତ ଖବର