Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ୟେମେନ ଗଣହତ୍ୟାକୁ ନିନ୍ଦା କଲା ଜାତିସଂଘ, ସାଉଦିର ବିମାନ ଆକ୍ରମଣରେ ନିହତ ହୋଇଥିଲେ ୭୦ ବିଦ୍ରୋହୀ
  • ||
  • ସୋର : ଟ୍ରକ୍ ସହ ଧକ୍କା ହୋଇ ନୟନଜୋରିକୁ ଓଲଟିଲା ବସ୍, ୫ ଜଣଙ୍କ ମୃତ୍ୟୁ, କିଛି ଲୋକ ଚାପି ହୋଇ ରହିଥିବା ସନ୍ଦେହ
  • ||
  • ଭଦ୍ରକରେ ବିଜେପିକୁ ଝଟ୍‌କା, ଦଳ ଛାଡିଲେ ଶତାଧିକ ବରିଷ୍ଠ ନେତା ଓ କର୍ମୀ
  • ||
  • ୨୦ ମହଲା କୋଠାରେ ଭୀଷଣ ଅଗ୍ନିକାଣ୍ଡ, ୧୫ ଆହତ
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୩ ଲକ୍ଷ ୩୭ ହଜାରରୁ ଅଧିକ କରୋନା ପଜିଟିଭ୍, ୪୮୮ ମୃତ
  • ||
  • ରାଜ୍ୟରେ ଆଉ ୭ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୧୪କୁ ବୃଦ୍ଧି
  • ||
  • ରାଜ୍ୟରେ ୯ ହଜାର ତଳକୁ ଖସିଲା ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୮୮୪୫ କୋଭିଡ୍ ପଜିଟିଭ୍, ୧୧୯୬୧୪୦ରେ ପହଞ୍ଚିଲା ସଂଖ୍ୟା
  • ||
  • ଭୁବନେଶ୍ବର : ଓଭରବ୍ରିଜ୍‌ରୁ ୩୦ଫୁଟ ତଳକୁ ଖସିଲା କାର୍, ଦୁର୍ଘଟଣାରେ ଗାଡି ଭାଙ୍ଗିରୁଜି ଚୁରମାର୍
  • ||
  • ଶନିବାର ଏହି ସବୁ ଜିଲ୍ଲାରେ ବର୍ଷା : ବଢିବ ତାପମାତ୍ରା, କମିବ ଶୀତ
  • ||
  • ଭୟଙ୍କର ଦୁର୍ଘଟଣା : ମହାନଦୀ ପୋଲରେ ବୋଲେରୋକୁ ପିଟିଲା ଟ୍ରକ୍, ୫ ମୃତ
  • ||

କିମ୍ ଜୋଙ୍ଗ ଉନଙ୍କ ମୃତ୍ୟୁ ଗୁଜବ : ସତ ଜାଣିବାକୁ ରେସ୍‌ରେ ଚୀନ୍ ଏବଂ ଆମେରିକା

26/04/2020 at 11:20 AM

ପ୍ୟୋଙ୍ଗୟାଙ୍ଗ ୨୬।୪: ଉତ୍ତର କୋରିଆର ଏକଛତ୍ରବାଦୀ ଶାସକ କିମ୍ ଜୋଙ୍ଗ ଉନଙ୍କ ବିଷୟରେ ସାରା ବିଶ୍ବରେ ଅନେକ କଳ୍ପନାଜଳ୍ପନା ଚାଲିଛି । ଗତ କିଛି ଦିନ ଧରି ଏକଛତ୍ରବାଦୀ ଶାସକ କିମ୍ ଜୋଙ୍ଗ ଉନଙ୍କ ସ୍ବାସ୍ଥ୍ୟ ନେଇ ରହସ୍ୟ ରହିଆସିଛି । କିନ୍ତୁ ଏହି ସମୟରେ କିଛି ଗଣମାଧ୍ୟମ ରିପୋର୍ଟରେ ତାଙ୍କର ମୃତ୍ୟୁ ହୋଇଥିବା ଦର୍ଶାଯାଇଥିବା ବେଳେ କିଛି ରିପୋର୍ଟରେ ସେ ସୁସ୍ଥ ହୋଇ ବୁଲାବୁଲି କରୁଥିବା କୁହାଯାଇଛି । ପ୍ରକୃତରେ ଗତ କିଛି ଦିନ ହେବ କିମଙ୍କ ସ୍ବାସ୍ଥ୍ୟକୁ ନେଇ କଳ୍ପନାଜଳ୍ପନା ଚାଲିଥିଲା । କିନ୍ତୁ ଏପର୍ଯ୍ୟନ୍ତ ଉତ୍ତର କୋରିଆରୁ କୌଣସି ସ୍ପଷ୍ଟ ସୂଚନା ଦେଇନାହିଁ । ସେଥିପାଇଁ ସୋସିଆଲ ମିଡିଆରେ ଏଭଳି କଳ୍ପନାଜଳ୍ପନା ବୃଦ୍ଧି ପାଉଛି ଏବଂ ଏହା ବର୍ତ୍ତମାନ ରହସ୍ୟଘେରରେ ରହିଛି ।

ମିଡିଆ ରିପୋର୍ଟରେ ଦର୍ଶାଯାଇଛି ଯେ, କିମ୍ ଜୋଙ୍ଗ ଉନଙ୍କର ହାର୍ଟ ଅସ୍ତ୍ରୋପଚାର ପରେ ମୃତ୍ୟୁ ଘଟିଛି କିମ୍ବା କୋମାରେ ପଳାଇଯାଇଛନ୍ତି । ଏକଛତ୍ରବାଦୀ ଶାସକ କିମ୍ ଜୋଙ୍ଗଙ୍କ ଚିକିତ୍ସା ପାଇଁ ଚୀନ୍‌ର ଏକ ଟିମ୍ ଉତ୍ତର କୋରିଆରେ ପହଞ୍ଚିବା ପରେ ଏକଛତ୍ରବାଦୀ ଶାସକ କିମ୍ ଗୁରୁତର ଅସୁସ୍ଥ ହେବାର କଳ୍ପନା ଆହୁରି ଦୃଢ ହୋଇଥିଲା । ଶନିବାର ରାତିରୁ ଟ୍ବିଟରରେ କିମ୍ ଜୋଙ୍ଗ ଉନଙ୍କ ମୃତ୍ୟୁକୁ ନେଇ ଚର୍ଚ୍ଚା ହେଉଛି ।

ହଂକଂ ସାଟେଲାଇଟ୍ ଟିଭି (ଏକଚେଷ୍ଟ୍) ଉପାଧ୍ୟକ୍ଷ ଶିଜିଆନ୍ ଜିଙ୍ଗଜୁ ଦାବି କରିଛନ୍ତି ଯେ କିମଙ୍କର ମୃତ୍ୟୁ ହୋଇଛି ବୋଲି ତାଙ୍କୁ ଅତି ନିକଟ ସୂତ୍ରରୁ କୁହାଯାଇଛି । ଏହାପୂର୍ବରୁ ଜାପାନର ଏକ ମାଗାଜିନ୍ ଦାବି କରିଥିଲା ​​ଯେ କିମ୍ ଜୋଙ୍ଗ କୋମାରେ ରହିଛନ୍ତି । କିନ୍ତୁ ବର୍ତ୍ତମାନ ପର୍ଯ୍ୟନ୍ତ ଉତ୍ତର କୋରିଆ କିମ୍ବା କୌଣସି ସରକାରୀ ସୂତ୍ରରୁ କିମ୍ ଙ୍କ ମୃତ୍ୟୁକୁ ନିଶ୍ଚିତ କରାଯାଇନାହିଁ ।

ତେବେ ପୁରା ମାମଲାକୁ ନେଇ ସମଗ୍ର ବିଶ୍ବରେ ନୀରବତା ରହିଛି କାରଣ କିମ୍ ଙ୍କ ଅବସ୍ଥା ଏବଂ ସେ କେଉଁଠାରେ ଅଛନ୍ତି ସେ ବିଷୟରେ ପ୍ୟୋଙ୍ଗୟାଙ୍ଗର ଗଣମାଧ୍ୟମ ସମ୍ପୂର୍ଣ୍ଣ ନୀରବ ରହିଛି । ଏହି ଗଣମାଧ୍ୟମ ଉତ୍ତର କୋରିଆରେ ସରକାରଙ୍କ ଅଧୀନରେ ରହିଛି । ଗୋଟିଏ ପରେ କିମ୍ ଙ୍କ ମୃତ୍ୟୁକୁ ନେଇ କୌଣସି ସ୍ପଷ୍ଟ ପ୍ରମାଣ ନ ଥିବା ବେଳେ ଟ୍ବିଟରରେ #KimJongUndead ଟ୍ରେଣ୍ଡ କରୁଛି ।

ଜାପାନର ଏକ ମାଗାଜିନରେ ଦାବି କରାଯାଇଛି ଯେ କିମ୍ ଜୋଙ୍ଗ ଚଳିତ ମାସ ଆରମ୍ଭରେ ମୁଣ୍ଡ ବୁଲାଇ ତଳେ ପଡିଯାଇଥିଲେ । ମାଗାଜିନ ରିପୋର୍ଟ କରିଛି ଯେ ସମଗ୍ର ପରିସ୍ଥିତି ଉପରେ ନଜର ରଖିଥିବା ଚୀନର ମେଡିକାଲ୍ ଏକ୍ସପର୍ଟ ଟିମ୍ ସେମାନଙ୍କୁ କହିଥିଲେ ଯେ ଷ୍ଟଣ୍ଟ ଦେବାର ଆବଶ୍ୟକତା ରହିଥିଲା ଯାହା ବିଳମ୍ବରେ ଦିଆଯାଇଛି କିମ୍ବା ଭୁଲ୍ ଭାବେ ଦିଆଯାଇଛି । ଯାହା ଫଳରେ ଅଧିକ ସମସ୍ୟା ସୃଷ୍ଟି ହୋଇଛି ।

ଏହି ସପ୍ତାହ ଆରମ୍ଭରୁ ଆମେରିକାର ଗୁଇନ୍ଦା ଅଧିକାରୀ ତାଙ୍କର ସ୍ବାସ୍ଥ୍ୟ ଉପରେ ରଖିଥିଲେ । ଜଣାଯାଇଛି ଯେ ହାର୍ଟ ସର୍ଜରୀ ପରେ କିମ୍ ଜୋଙ୍ଗ ଗୁରୁତର ଭାବେ ବିପଦରେ ଅଛନ୍ତି । ଉତ୍ତର କୋରିଆର ପୂର୍ବତନ ସିଆଇଏ ଡେପୁଟି ଡିଭିଜନ୍ ମୁଖ୍ୟ ବ୍ରୁସ୍ କଲିଙ୍ଗନର୍ ସିଏନ୍ଏନ୍ କୁ କହିଛନ୍ତି ଯେ କିମ୍ ଜୋଙ୍ଗଙ୍କ ସ୍ବାସ୍ଥ୍ୟ ଅବସ୍ଥା ପଛରେ ଥିବା ସମସ୍ତ କଳ୍ପନାଜଳ୍ପନା ଭୁଲ୍ ହୋଇସାରିଛି । ତେଣୁ ସେଠାରେ ଥିବା ରହସ୍ୟ କାରଣରୁ ଜିନିଷଗୁଡିକ ପ୍ରମାଣିକ ଆଧାରରେ ପ୍ରମାଣ କରିବା ବହୁତ କଷ୍ଟକର ।

ଉତ୍ତର କୋରିଆର ଶାସକ କିମ୍ ଜୋଙ୍ଗଙ୍କୁ ନିକଟରେ ଅନେକ କାର୍ଯ୍ୟକ୍ରମରେ ଦେଖିବାକୁ ମିଳୁନାହିଁ । ଏହାକୁ ନେଇ କଳ୍ପନାଜଳ୍ପନା ବଢିବାରେ ଲାଗିଛି । ଅପ୍ରେଲ ୧୫ରେ କିମ୍ ଜୋଙ୍ଗ ଉନଙ୍କୁ ତାଙ୍କ ଜେଜେବାପା ତଥା ଦେଖର ପ୍ରତିଷ୍ଠାତା କିମ୍ ଇଲ-ସୁଙ୍ଗଙ୍କ ୧୦୮ତମ ଜନ୍ମ ବାର୍ଷିକୀ ଉତ୍ସବରେ ମଧ୍ୟ ଦେଖିବାକୁ ମିଳିନଥିଲା । କେବଳ ଏତିକି ନୁହେଁ ତାଙ୍କୁ ଗତ ଅପ୍ରେଲ ୧୧ରେ ଏକ ସଭାରେ ଦେଖିବାକୁ ମିଳିଥିଲା ​​। କୁହାଯାଉଛି ଯେ ୨୦୧୨ପରଠାରୁ ପ୍ରଥମ ଥର ପାଇଁ କିମ୍ ତାଙ୍କ ଜେଜେବାପାଙ୍କ ଜନ୍ମ ବାର୍ଷିକୀ ଉତ୍ସବରେ ଯୋଗଦେଇନାହାନ୍ତି ।

   Related Posts