ନୂଆଦିଲ୍ଲୀ ୨୬।୦୧ - ଦିଲ୍ଲୀ ରାଜପଥରେ ସାଧାରଣ ତନ୍ତ୍ର ଦିବସ ପରେଡ ଅବସରରେ ଗଡିଛି ଏକାମ୍ର କ୍ଷେତ୍ର ଭୁବନେଶ୍ୱରର ମହାପ୍ରଭୁ ଲିଙ୍ଗରାଜଙ୍କ ପ୍ରସିଦ୍ଧ ରୁକୁଣା ରଥର ପ୍ରଜ୍ଞାପନ ମେଢ । ଏହି ପ୍ରଜ୍ଞାପନ ମେଢରେ ଲିଙ୍ଗରାଜ ମନ୍ଦିର ସହ ରୁକୁଣା ରଥ ଓ ଓଡ଼ିଶାର କଳା ସଂସ୍କୃତିକୁ ପ୍ରପଦର୍ଶନ କରାଯାଇଛି । ପ୍ରଜ୍ଞାପନ ମେଢ ଦିଲ୍ଲୀର ରାଜପଥରେ ଗଡିବା ସମୟରେ ଓଡ଼ିଶୀ ନୃତ୍ୟ ଶିଳ୍ପୀମାନେ ଓଡ଼ିଶୀ ନୃତ୍ୟ ପ୍ରଦର୍ଶନ କରିଥିଲେ । ୩୦ ଜଣ ନୃତ୍ୟ ଶିଳ୍ପୀ ଏହି ଅବସରରେ ନୃତ୍ୟ ପରିବେଷଣ କରିଥିଲେ ।
{"id":216184,"sizeSlug":"large"}
ଚଳିତ ବର୍ଷ ସାଧାରଣ ତନ୍ତ୍ର ପରେଡ୍ରେ ବ୍ରାଜିଲ୍ର ରାଷ୍ଟ୍ରପତି ଜୟିର ବୋଲସୋନାରେ ମୁଖ୍ୟ ଅତିଥି ଭାବେ ଯୋଗ ଦେଇଛନ୍ତି । ପରେଡ୍ରେ ଦେଶ ୨୨ଟି ପ୍ରଜ୍ଞାପନ ମେଢକୁ ପ୍ରଦର୍ଶନ କରାଯାଇଛି ।
{"id":216183,"sizeSlug":"large"}
ପୂର୍ବରୁ ୨୦୧୭ ମସିହାରେ ଓଡ଼ିଶାର ଦୋଳଯାତ୍ରା ପ୍ରଜ୍ଞାପନ ମେଢ ଦିଲ୍ଲୀ ପରେଡ୍ରେ ସ୍ଥାନ ପାଇଥିଲା ।
