Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଉରକେଲା : ନିଆଁ ପୁଇଁବା ହେଲା କାଳ, ଦଳିଦେଲା ଦନ୍ତା, ଚାଲିଗଲା ଜୀବନ
  • ||
  • ଝଲସିବ ଅର୍କ କ୍ଷେତ୍ର : ନୂଆ ରୂପ ପାଇବ କୋଣାର୍କ ସୂର୍ଯ୍ୟ ମନ୍ଦିର, ପର୍ଯ୍ୟଟକଙ୍କୁ ମିଳିବ ବିଶ୍ୱସ୍ତରୀୟ ସୁବିଧା
  • ||
  • ଆଜି ବସୁଛି କଂଗ୍ରେସର ସିଡବ୍ଲ୍ୟୁସି ବୈଠକ, ଅଧ୍ୟକ୍ଷ ନିର୍ବାଚନ ନେଇ ହେବ ଆଲୋଚନା !
  • ||
  • ଏଥର ନିଜ ସ୍କୁଲରେ ଛାତ୍ରଛାତ୍ରୀ ଦେବେ ମାଟ୍ରିକ ପରୀକ୍ଷା, ୨ ଘଣ୍ଟାରେ ଲେଖିବାକୁ ପଡିବ ଉତ୍ତର
  • ||
  • ଶୀତ ଖେଳୁଛି ଲୁଚକାଳି : ଆଜି ବଢିବ ଥଣ୍ଡା, କିନ୍ତୁ କାଲି କମିଯିବ
  • ||
  • ମହାପ୍ରଭୁ ଜଗନ୍ନାଥଙ୍କୁ ଦର୍ଶନ କଲେ ମୁଖ୍ୟ ଶାସନ ସଚିବ
  • ||
  • ଜି.ଉଦୟଗିରି: ମିନିବସରେ ଲାଗିଲା ନିଆଁ
  • ||
  • ଟାଙ୍ଗୀ: ବାଲିନାଶିରେ ୨ ଭାଇଙ୍କୁ ଗୋଡ଼େଇ ଗୋଡ଼େଇ ହାଣିଲେ ଦୁର୍ବୃତ୍ତ, ଗୁରୁତର ଅବସ୍ଥାରେ ଏମ୍ସରେ ଭର୍ତ୍ତି
  • ||
  • ବଲାଙ୍ଗୀର: ବେଆଇନ୍ ବାଲି ବୋଝେଇ ଟ୍ରାକ୍ଟର ଜବତ, ମାଲିକଙ୍କ ଉପରେ ୨୦ ହଜାର ଟଙ୍କାର ଫାଇନ୍ ଲଗାଇଲେ ତହସିଲଦାର
  • ||
  • ରାଇରଙ୍ଗପୁର: କଲୋନୀରେ ଅଗ୍ନିକାଣ୍ଡ, ଜଳି ପାଉଁଶ ହୋଇଗଲା ୨ ବଖରା ଘର
  • ||

ଡିଜିଟାଲ କାରବାର କରୁଥିବା ଗ୍ରାହକଙ୍କ ପାଇଁ ଖୁସି ଖବର, ସୋମବାର ଠାରୁ ଏହି ସୁବିଧାକୁ ୨୪ ଘଣ୍ଟିଆ ଉପଲବ୍ଧ କରିବ ଆରବିଆଇ

13/12/2020 at 3:20 PM

ନୂଆଦିଲ୍ଲୀ ୧୩/୧୨ : ଯଦି ଆପଣ ଡିଜିଟାଲ କାରବାର କରୁଛନ୍ତି ତେବେ ଆପଣଙ୍କ ପାଇଁ ଖୁସି ଖବର । ସୋମବାର ଠାରୁ ୨୪ ଘଣ୍ଟିଆ RTGS ସୁବିଧା ଉପଲବ୍ଧ ହେବା ନେଇ ଘୋଷଣା କରିଛି ରିଜର୍ଭ ବ୍ୟାଙ୍କ୍ । ଏହି ସେବା ଡିସେମ୍ବର ୧୪ ତାରିଖରୁ ରାତି ସାଢେ ୧୨ଟାରୁ ଗ୍ରାହକମାନଙ୍କ ପାଇଁ ୨୪ ଘଣ୍ଟିଆ ଉପଲବ୍ଧ ହେବ ।

ତେଣୁ ଆପଣ ଯେକୌଣସି ସମୟରେ ଏହି ସୁବିଧା ପାଇପାରିବେ । ଅନ୍ୟ ଦେଶମାନଙ୍କ ଭଳି ଭାରତରେ ମଧ୍ୟ ଏହି ସୁବିଧା ଉପଲବ୍ଧ ହେବ । ରିଜର୍ଭ ବ୍ୟାଙ୍କ ଗଭର୍ନର ଶକ୍ତିକାନ୍ତ ଦାସ କହିଛନ୍ତି ଯେ, କରୋନା ମହାମାରୀ ସମୟରେ ଅନଲାଇନ କାରବାର ବ୍ୟାପକ ମାତ୍ରାରେ ବୃଦ୍ଧି ପାଇଛି । ଯାହ ଫଳରେ ଆରବିଆଇ RTGS କାରବାରକୁ ୨୪ ଘଣ୍ଟିଆ କରାଇବାକୁ ନିଷ୍ପତ୍ତି ନେଇଛି । ଆରବିଆଇ ପୂର୍ବରୁ ଭାରତୀୟ ଅର୍ଥ ବଜାରର ଗ୍ଲୋବାଲ ଇଣ୍ଟିଗ୍ରେସନକୁ ସାହାରା ଦେବା ପାଇଁ RTGSର ଟାଇମିଂ ବଢାଇବାକୁ ନିଷ୍ପତ୍ତି ନେଇଥିଲା ।

ଡିଜିଟାଲ କାରବାର କରିବା ପାଇଁ RTGS ହେଉଛି ଏକ ପ୍ରମୁଖ ମାଧ୍ୟମ । ଏହା ସାହାଯ୍ୟରେ ବହୁତ କମ ସମୟ ମଧ୍ୟରେ ଟଙ୍କା ପଠା ଯାଇପାରିବ । ଏହାର ଉପଯୋଗ ପ୍ରାୟତଃ ଅଧିକ ଟଙ୍କା କାରବାରରେ ବ୍ୟବହାର ହୋଇଥାଏ । RTGS ମାଧ୍ୟମରେ ଅତିକମରେ ୨ ଲକ୍ଷ ଏବଂ ଅତିବେଶିରେ ୧୦ ଲକ୍ଷ ଟଙ୍କା ପଠାଇପାରିବେ ।

୨ ଲକ୍ଷରୁ ୫ ଲକ୍ଷ ପର୍ଯ୍ୟନ୍ତ ଫଣ୍ଡ୍ ଟ୍ରାନ୍ସଫର କରିବା ପାଇଁ ଶୁଳ୍କ ବାବଦକୁ ୨୪.୫ ଟଙ୍କା ରଖିଛି ଆରବିଆଇ । ସେହିପରି ୫ ଲକ୍ଷ ଟଙ୍କାରୁ ଅଧିକ କାରବାର ଉପରେ ଶୁଳ୍କ ବାବଦକୁ ୪୯.୫ ଟଙ୍କା ରଖିଛି ଆରବିଆଇ । ତେବେ ଦେଶର ସବୁଠାରୁ ବଡ ବ୍ୟାଙ୍କ୍ ଏସବିଆଇ ବିନା ଶୁଳ୍କରେ ତାର ଗ୍ରାହକମାନଙ୍କୁ RTGS କାରବାର ଯୋଗାଇଦେଉଛି । ଏହା ପୂର୍ବରୁ ଆରବିଆଇ ଡିସେମ୍ବର ୨୦୧୯ରେ NEFT ସୁବିଧାକୁ ୨୪ ଘଣ୍ଟିଆ ଉପଲବ୍ଧ କରିଥିଲା ।

   Related Posts