ପଲ୍ଲକଡ଼, ୧୫/୧୧: କେରଳର ପଲ୍ଲକଡ଼ରେ ଜଣେ RSS କର୍ମୀଙ୍କୁ ନିର୍ମମ ଭାବେ ହତ୍ୟା କରାଯାଇଛି । ମିଳିଥିବା ସୂଚନା ଅନୁସାରେ, କାର୍ମକର୍ତ୍ତା ଜଣକ ସୋମବାର ସକାଳୁ ପାଖାପାଖି ୯ଟା ସମୟରେ ପରିବାର ସହିତ କୌଣସି ଏକ ସ୍ଥାନକୁ ଯାଉଥିଲେ । ଏହି ସମୟରେ ତାଙ୍କ ଉପରେ ଆକ୍ରମଣ ହୋଇଥିଲା । ଫଳରେ ତାଙ୍କର ମୃତ୍ୟୁ ହୋଇଯାଇଛି । ମୃତକ ୨୭ ବର୍ଷୀୟ ସଂଜୀତ ବୋଲି ଜଣାପଡ଼ିଛି ।

ନ୍ୟୁଜ୍ ଏଜେନ୍ସି ଏଏନ୍‌ଆଇ ମୁତାବିକ, RSS କର୍ମୀ ସଂଜୀତ ପତ୍ନୀଙ୍କ ସହିତ କୌଣସି ସ୍ଥାନକୁ ଯାଉଥିଲେ । ବିଜେପି ଜିଲ୍ଲା ଅଧ୍ୟକ୍ଷ କେଏମ୍‌ ହରିଚନ୍ଦନ ଏହି ହତ୍ୟା ପାଇଁ ସୋସିଆଲ୍‌ ଡେମୋକ୍ରାଟିକ ପାର୍ଟି ଅଫ୍‌ ଇଣ୍ଡିଆକୁ ଦାୟୀ କରିଛନ୍ତି । ଯିଏକି ପପୁଲାର ଫ୍ରଣ୍ଟ୍‌ ଅଫ୍‌ ଇଣ୍ଡିଆ ଅର୍ଥାତ ପିଏଫ୍‌ଆଇ ସହିତ ଜଡ଼ିତ ।

wp:html

Kerala | An RSS worker hacked to death in Palakkad around 9 am today; attacked while traveling with his wife. Details awaited, as per Police

— ANI (@ANI) November 15, 2021

/wp:html

ପୋଲିସ୍‌ ଏନେଇ କହିଛି ଯେ, ସଂଜୀତଙ୍କ ଶରୀରକୁ ୫୦ରୁ ଅଧିକ ଥର ଧାରୁଆ ଅସ୍ତ୍ରରେ ଆକ୍ରମଣ ହୋଇଥିବା କ୍ଷତରୁ ଜଣାପଡ଼ୁଛି । ହତ୍ୟା ପରେ ସାରା ଅଞ୍ଚଳରେ ଭୟର ବାତାବରଣ ଦେଖିବାକୁ ମିଳିଛି । ସହରରେ ଯାଞ୍ଚ କଡ଼ାକଡ଼ି କରାଯାଇଥିବା ବେଳେ ପୋଲିସ୍‌ ଛାଉଣୀ କରାଯାଇଛି । ପୂର୍ବରୁ ମଧ୍ୟ RSS କର୍ମୀଙ୍କୁ ଟାର୍ଗେଟ୍‌ କରାଯାଇ ହତ୍ୟା କରାଯାଇଛି ।