ନାଗପୁର ୨୮/୪ : କରୋନାର ୨ୟ ଲହର ସାରା ଦେଶରେ ସ୍ଥିତି ବିଗାଡିବାରେ ଲାଗିଛି । ହସ୍ପିଟାଲରେ ବେଡ ଅଭାବ ତ ଅକ୍ସିଜେନର ସଂକଟ ଦୈନିକ ସଂଖ୍ୟାକୁ ବଢାଇଦେଇଛି । ତେବେ ନାଗପୁରର ଜଣେ ୮୫ ବର୍ଷୀୟ ବ୍ୟକ୍ତି ଅନ୍ୟମାନଙ୍କ ପାଇଁ ସୃଷ୍ଟି କରିଛନ୍ତି ଉଦାହରଣ । ତାଙ୍କର ଜୀବନ ସିନା ଚାଲିଯାଇଛି ହେଲେ ଅନେକଙ୍କ ହୃଦୟରେ ଜୀବିତ ହୋଇ ରହିଯାଇଛନ୍ତି । ଆରଏସଏସ କର୍ମୀ ନାରାୟଣ ଦାଭେଡକର ଜଣେ ବ୍ୟକ୍ତିଙ୍କ ଜୀବନ ବଞ୍ଚାଇବାକୁ ନିଜ ଜୀବନକୁ ବାଜି ଲଗାଇଦେଇଥିଲେ ।
ସୂଚନା ଥାଉକି ନାରାୟଣ ରାଓ ଦାଭେଡକର କିଛିଦିନ ତଳେ କରୋନାରେ ସଂକ୍ରମିତ ହୋଇଥିଲେ । ଏମିତିକି ତାଙ୍କର ଅକ୍ସିଜେନ ଲେଭଲ କମିଯାଇଥିଲା । ଫଳରେ ତାଙ୍କ ଝିଅ ଓ ଜ୍ୱାଇଁ ତାଙ୍କୁ ଇନ୍ଦିରାଗାନ୍ଧି ହସ୍ପିଟାଲରେ ଭର୍ତ୍ତି କରିଥିଲେ । ଦୀର୍ଘ ସମୟରେ ପରେ ତାଙ୍କୁ ହସ୍ପିଟାଲରେ ବେଡ୍ ମିଳିଥିଲା । ତେବେ ଏହାରି ଭିତରେ ଜଣେ ମହିଳା ତାଙ୍କ୪୦ ବର୍ଷର ସ୍ୱାମୀଙ୍କୁ ନେଇ ହସ୍ପିଟାଲ ଆସିଥିଲେ । ମହିଳାଙ୍କ ପାଖରେ ବେଡ୍ ନଥିବାରୁ ସେ କାକୁତି ମିନତୀ ସମସ୍ତଙ୍କ ନେହୁରା ହେଉଥିଲେ। ତେବେ ଏହାକୁ ସହଜରେ ଗ୍ରହଣ କରିପାରିନଥିଲେ ନାରାୟଣ । ନିଜେ ପଡିଥିବା ବେଡରୁ ଉଠି ମହିଳାଙ୍କ ସ୍ୱାମୀଙ୍କୁ ବେଡ୍ ଦେଇଦେଇଥିଲେ । ଆଉ କହିଥିଲେ ମୁ ମୋ ଜୀବନ ବଞ୍ଚିସାରିଲିଣି । ଏବେ ଅନ୍ୟ କାହାର ଜୀବନ ବଞ୍ଚିଯାଉ । ସେ ଟିକେ ସୁସ୍ଥ ଅନୁଭବ କରିବାରୁ ଘରକୁ ପଲାଇଆସିଥିଲେ । ହେଲେ ୩ଦିନର ସଂଘର୍ଷ ପରେ ସେ ସବୁଦିନ ପାଇଁ ଆଖିବୁଜିଥିଲେ ।
wp:html/wp:html“मैं 85 वर्ष का हो चुका हूँ, जीवन देख लिया है, लेकिन अगर उस स्त्री का पति मर गया तो बच्चे अनाथ हो जायेंगे, इसलिए मेरा कर्तव्य है कि मैं उस व्यक्ति के प्राण बचाऊं।'' ऐसा कह कर कोरोना पीडित @RSSorg के स्वयंसेवक श्री नारायण जी ने अपना बेड उस मरीज़ को दे दिया। pic.twitter.com/gxmmcGtBiE
— Shivraj Singh Chouhan (@ChouhanShivraj) April 27, 2021
ଏବେ ସେ ସିନା ନାହାଁନ୍ତି କିନ୍ତୁ ତାଙ୍କର ଏହି ମହନୀୟତା ଏବେ ସମସ୍ତଙ୍କ ପାଇଁ ପ୍ରେରଣାର ଉତ୍ସ ପାଲଟିଛି । ମହାନ ବ୍ୟକ୍ତିଙ୍କ ଏହି କାର୍ଯ୍ୟରେ ପ୍ରଶଂସା କରିଛନ୍ତି ମଧ୍ୟପ୍ରଦେଶ ମୁଖ୍ୟମନ୍ତ୍ରୀ ଶିବରାଜ ସିଂ ଚୌଦ୍ୱାନ । ଟ୍ୱିଟ୍ କରି ସେ ଏକଥା ଜଣାଇଛନ୍ତି ।
