Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ଆରପିଏଫ୍ ଓ ରେଲୱେ କର୍ମଚାରୀଙ୍କ ଉପସ୍ଥିତ ବୁଦ୍ଧି ଯୋଗୁଁ ବଞ୍ଚିଗଲା ଶତାଧିକ ଯାତ୍ରୀଙ୍କ ଜୀବନ

27/08/2019 at 10:51 AM

ପୁରୀ ୨୭|୮: ଆରପିଏଫ  ଓ ରେଲୱେ କର୍ମଚାରୀଙ୍କ ଉପସ୍ଥିତ ବୁଦ୍ଧି ଯୋଗୁଁ ବଞ୍ଚିଗଲା ଶତାଧିକ ଯାତ୍ରୀଙ୍କ ଜୀବନ ।  ଦୁଇ କର୍ମଚାରୀ ହେଉଛନ୍ତି ଆରପିଏଫ ହେଡ଼ କନଷ୍ଟେବଳ ଅଶୋକ କୁମାର ରାଉତରାୟ ଓ ଡ୍ୟୁଟି ଅଫିସର ପ୍ରଶାନ୍ତ କୁମାର ସେଠୀ ।

ପୁରୀ ରେଲୱେ ଷ୍ଟେସନର ଘଟଣା ଗତ ୨୫ ତାରିଖ ରାତିରେ ଯାତ୍ରା କରିବା ପାଇଁ ପ୍ରସ୍ତୁତ ହେଉଥିଲା ଜଗନ୍ନାଥ ଏକ୍ସପ୍ରେସ ।  ଏହି ସମୟରେ କର୍ମଚାରୀ ଟ୍ରେନ ଯାଞ୍ଚ କରୁଥିଲେ । ଏତିକି ବେଳେ ହଠାତ୍  ପ୍ଲାଟଫର୍ମ ନମ୍ବର ୩,୪ରେ ପଡ଼ିଥିବା ବିଦ୍ୟୁତ ତାରରୁ ନିଆଁ ବାହାରିବା ସହିତ ଧୂଆଁ ଚାରିଆଡ଼େ ବ୍ୟାପି ଯାଇଥିଲା । ଯାହାକୁ ଦେଖି ଯାତ୍ରୀମାନେ ଏଣେ ତେଣେ ଧାଇଁବାକୁ ଲାଗିଥିଲେ ।

ତେବେ ସେଠାରେ ଉପସ୍ଥିତ ଥିବା ଅଶୋକ କୁମାର ରାଉତରାୟ ନିଆଁକୁ ଅଗ୍ନିନିର୍ବାପକ ଯନ୍ତ୍ର ସାହାଯ୍ୟରେ ଆୟତ୍ତ କରିବା ସହ ଡ୍ୟୁଟିରେ ଥିବା ପ୍ରଶାନ୍ତ କୁମାର ସେଠୀଙ୍କୁ ଖବର ଦେଇଥିଲେ । ସଙ୍ଗେ ସଙ୍ଗେ ପ୍ରଶାନ୍ତ ଅନ୍ୟ ଅଧିକାରୀଙ୍କ ସହ ଘଟଣାସ୍ଥଳରେ ପହଁଞ୍ଚି ସ୍ଥିତିକୁ ଆୟତ୍ତ କରିଥିଲେ । ପରିସ୍ଥିତି ଶାନ୍ତ ପଡ଼ିବା ପରେ ଗନ୍ତବ୍ୟସ୍ଥଳ ଅଭିମୁଖେ ଯାତ୍ରା କରିଥିଲା ଜଗନ୍ନାଥ ଏକ୍ସପ୍ରେସ । ତେବେ ଦୁଇ କର୍ମଚାରୀଙ୍କ ଉପସ୍ଥିତି ବୁଦ୍ଧି ପାଇଁ ଅନେକ ଧନଜୀବନ ରକ୍ଷା ପାଇଛି ।

   Related Posts