ଟିଟୋ ଲିଙ୍କ ପ୍ରସଙ୍ଗରେ ମୁହାଁମୁହିଁ ଦାମ ରାଉତ ଓ ବିଷ୍ଣୁ ଦାସ
Published By : Prameya-News7 Bureau | July 30, 2018 IST
ଟିଟୋ ଲିଙ୍କ ପ୍ରସଙ୍ଗରେ ମୁହାଁମୁହିଁ ଦାମ ରାଉତ ଓ ବିଷ୍ଣୁ ଦାସ । ବାପୁ ପରିଡାଙ୍କ ସହ ଦାମ ରାଉତଙ୍କ ପୁଅଙ୍କ ସଂପର୍କକୁ ନେଇ ବିଷ୍ଣୁ ଦାସ କହିଛନ୍ତି ଯଦି ଅଭିଯୋଗ ସତ ପ୍ରମାଣିତ ହୁଏ ତେବେ କାର୍ଯ୍ୟାନୁଷ୍ଠାନ ନିଆଯିବ । ସେପଟେ ଏହି ପ୍ରସଙ୍ଗରେ ପ୍ରତିକ୍ରିୟା ରଖିଛନ୍ତି ବରିଷ୍ଠ ବିଜେଡି ନେତା ଦାମୋଦର ରାଉତ । ଆଜି ଓ ଏବେ ତାଙ୍କୁ ଓ ତାଙ୍କ ପୁଅକୁ ତଦନ୍ତ ପରିସରଭୁକ୍ତ କରାଯାଉ ବୋଲି ଖୋଲା ଚ୍ୟାଲେଞ୍ଜ ଦେଇଛନ୍ତି ଦାମ ରାଉତ । ବଡ ମାଛକୁ ଖସାଇବାକୁ ବାପୁ ପରିଡାକୁ ଗିରଫ କରାଯାଇଛି । ଟିଟୋ ସହ ବାପୁ ପରିଡାର କୌଣସି ସଂପର୍କ ନାହିଁ । ତାର କ୍ରାଇମ ରେକର୍ଡ ଥାଇପାରେ ହେଲେ ଟିଟୋ ସହ ତାର ଲିଙ୍କ ନାହିଁ ବୋଲି ଗ୍ୟାରେଣ୍ଟି ଦେଇ କହିଛନ୍ତି ଦାମ ରାଉତ । ବରଂ ବାପି ସର୍ଖେଲ ଓ ସନ୍ତୋଷ ପଟ୍ଟନାୟକ ସହ ଟିଟୋର ଘନିଷ୍ଠ ସଂପର୍କ ରହିଛି । ବିଷ୍ଣୁଦାସଙ୍କୁ ଜବାବ ଦେବାକୁ ଯାଇ ଦାମ କହିଛନ୍ତି ଅସରପା ଗୋଟେ ଚଢେଇ ନା ବିଷ୍ଣୁ ଦାସ ଗୋଟେ ମଣିଷ