ରାଉରକେଲା, ୧୦।୦୪: ସୁନ୍ଦରଗଡ଼ରେ ଲଜ୍ଜା । ନାବାଳିକାକୁ ଦୁଷ୍କର୍ମ ପରେ ହତ୍ୟା ଉଦ୍ୟମ । ସୁନ୍ଦରଗଡ଼ ବଣେଇ ଜଗନ୍ନାଥପୁର ଅଞ୍ଚଳରେ ଘଟିଛି ଏପରି ଲଜ୍ଜାଜନକ ଘଟଣା ।
ସୂଚନାନୁସାରେ, ଗତ ୮ ତାରିଖ ନାବାଳିକା ଘରେ ଏକୁଟିଆ ଥିବା ବେଳେ ତାର ସୁଯୋଗ ନେଇ ପଡ଼ୋଶୀ ଘରର ଯୁବକ ସତ୍ୟ ସ୍ଵାଇଁ ପ୍ରଥମେ ଜୋରଯବରଦସ୍ତି ନାବାଳିକାକୁ ଦୁଷ୍କର୍ମ କରିଥିଲେ । ଦୁଷ୍କର୍ମ କରିବା ପରେ ନାବାଳିକାକୁ ହତ୍ୟା କରିବାକୁ ଯାଇ ତାଙ୍କୁ ଫିନାଇଲ ମଧ୍ୟ ପିଆଇ ଦେଇଥିଲା । ଏହାପରେ ସତ୍ୟ ସେହି ସ୍ଥାନରୁ ଫେରାର ହୋଇଯାଇଥିଲା ।
ପରିବାର ଲୋକେ ଘରେ ଆସି ଦେଖିବାରୁ ନାବାଳିକା ଝିଅ ଅଚେତ ହୋଇ ପଢ଼ିଥିଲେ । ତୁରନ୍ତ ତାଙ୍କୁ ଗୁରୁତର ଅବସ୍ଥାରେ ପ୍ରଥମେ ବଣେଇ ପରେ ରାଉରକେଲା ସରକାରୀ ଡ଼ାକ୍ତରଖାନାରେ ଚିକିତ୍ସା ପାଇଁ ଭର୍ତି କରାଇଥିଲେ ।ସାମାନ୍ୟ ସୁସ୍ଥ ହେବା ପରେ ସବୁ କଥା ପରିବାର ଲୋକଙ୍କ କହିଥିଲା ନାବାଳିକା । ଏହାସହ ନିଜେ ଲିଖିତ ଅଭିଯୋଗ କରିବା ପରେ ଅଭିଯୁକ୍ତ ସତ୍ୟ ସ୍ଵାଇଁକୁ ବଣେଇ ପୋଲିସ ଅଟକ ରଖି ତଦନ୍ତ ଚଳାଇଛି । ନାବାଳିକାକୁ ରାଉରକେଲା ସରକାରୀ ଡ଼ାକ୍ତରଖାନା ପରିସରରେ ଥିବା ସଖୀ ଗୃହରେ ରଖାଯାଇଛି ।