Friday, May 24, 2019

News7

Prameya News7, News7 Odia, Odisha Latest News, Odisha Current Headlines, Odisha News Online

ଏହି ହ୍ରଦରେ ମାଛ ବଦଳରେ ପହଁରିଥାଆନ୍ତି ମୁଣ୍ଡ ନଥିବା ମଣିଷ : ଜାଣନ୍ତୁ କେଉଁଠି?

ଲୋକଙ୍କୁ ବୁଲିବାକୁ ଯେତେ ଭଲ ଲାଗିଥାଏ ତା’ଠରୁ ବେଶୀ ସେହି ସ୍ଥାନର ରୋମାଞ୍ଚକ କାହାଣୀ ଲୋକଙ୍କୁ ଆକୃଷ୍ଟ କରିଥାଏ। ସବୁସ୍ଥାନର କିଛି ନା କିଛି ମହତ୍ତ୍ବ ରହିଥାଏ। ଏପରି ଏକ ସ୍ଥାନ ଉତ୍ତରାଞ୍ଚଳ ରାଜ୍ୟରେ ରହିଛି ଯାହା କଙ୍କାଳ ହ୍ରଦ ନାମରେ ପ୍ରସିଦ୍ଧ। ଏହାକୁ ରୂପକୁଣ୍ଡ ହ୍ରଦ କହନ୍ତି। ଏହା ଏକ ବରଫପୂର୍ଣ୍ଣ ହ୍ରଦ ଅଟେ। ପ୍ରତି ବର୍ଷ ଯେତେବେଳେ ଏହି କଙ୍କାଳ ହ୍ରଦ ନିକଟରେ ବରଫ ତରଳିଥାଏ ସେତେବେଳେ ସେଠାରେ ଶହ ଶହ ଖପୁରୀ ଦେଖାଯାଇଥାଏ। ହିମାଳୟରେ ପାଖାପାଖି ୫୦୨୯ମିଟର ଉଚ୍ଚତାରେ ଥିବା ଏହି କଙ୍କାଳ ହ୍ରଦର କୂଳରେ ପାଞ୍ଚଶହରୁ ବି ଅଧିକ ଖପୁରୀ ଦେଖିବାକୁ ମିଳେ।

ରୂପକୁଣ୍ଡକୁ ରହସ୍ୟମୟ ହ୍ରଦ ଭାବେ ଜଣାଯାଏ। ହ୍ରଦ ଚାରିପାଖରେ ଗ୍ଲାସିୟର ଏବଂ ବରଫାବୃତ ପାହାଡ଼ ରହିଛି। ପ୍ରତି ବର୍ଷ ଅନେକ ଶ୍ରଦ୍ଧାଳୁ ଏଠାକୁ ଆସିଥାଆନ୍ତି। ରୂପକୁଣ୍ଡରେ ପ୍ରତି ୧୨ବର୍ଷରେ ଥରେ ହେଉଥିବା ନନ୍ଦା ଦେବୀ ରାଜ ଯାତ ଯାତ୍ରାରେ ଭାଗ ନେବା ପାଇଁ ଦୂର ଦୂରାନ୍ତରୁ ଶ୍ରଦ୍ଧାଳୁମାନେ ଏଠାକୁ ଆସିଥାଆନ୍ତି। ଏହି ସମୟରେ ନନ୍ଦାଦେବୀଙ୍କୁ ପୂଜା କରାଯାଇଥାଏ।

ଏହି ହ୍ରଦରେ ଏତେ କଙ୍କାଳ କେଉଁଠି ଆସିଲା? ଏହି କଥା ଲୋକଙ୍କ ମନରେ କୈାତୁହଳ ସୃଷ୍ଟି କରେ। ଏହି ବିଷୟରେ ଅନେକ କାହାଣୀ ଶୁଣିବାକୁ ମିଳେ।

ବୈଜ୍ଞାନିକଙ୍କ କହିବାନୁସାରେ ହ୍ରଦ ପାଖରେ ମିଳିଥିବା ପାଖାପାଖି ୨୦୦ଟି କଙ୍କାଳ ନଅ ଦଶକର ଭାରତୀୟ ଆଦିବାସୀଙ୍କର,ଯେଉଁମାନେ ବରଫ ଝଡ଼ରେ ମୃତ୍ୟୁବରଣ କରିଥିଲେ। ଏହି କଙ୍କାଳଗୁଡ଼ିକୁ ସର୍ବ ପ୍ରଥମେ ୧୯୪୨ମସିହାରେ ଜଣେ ବ୍ରିଟିଶ ଫରେଷ୍ଟ ଗାର୍ଡ଼ ଦେଖିଥିଲେ।

ପ୍ରଥମେ କୁହାଯାଉଥିଲା ଏହି ନର କଙ୍କାଳ ସେହି ଜାପାନୀ ସୈନିକଙ୍କ ଯେଉଁମାନେ ଦ୍ବିତୀୟ ବିଶ୍ବଯୁଦ୍ଧ ସମୟରେ ଏହି ରାସ୍ତା ଦେଇ ଅତିକ୍ରମ କରିଥିଲେ। କିନ୍ତୁ ଏବେ ବୈଜ୍ଞାନିକମାନେ କହୁଛନ୍ତି ଯେ ଏହି କଙ୍କାଳ ୮୫୦ଖ୍ରୀଷ୍ଟାବ୍ଦରେ ଆସିଥିବା ଶ୍ରଦ୍ଧାଳୁ ଏବଂ ସ୍ଥାନୀୟ ଲୋକଙ୍କର।   

     

265 Views

   ସମ୍ବନ୍ଧିତ ଖବର