Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସାଲେପୁର : ମକର ଯାତ୍ରାରୁ ନାବାଳିକାଙ୍କୁ ଟେକି ନେଇ ନଦୀପଠାରେ ଗଣଦୁଷ୍କର୍ମ, ଥାନାରେ ଏତଲା, ଭାଇରାଲ୍ ଭିଡିଓ ନେଇ ପୋଲିସର ଛାନଭିନ୍
  • ||
  • କେନ୍ଦ୍ରାପଡା : ଚିକିତ୍ସା ଅବହେଳାରୁ ରୋଗୀ ମୃତ୍ୟୁ ଅଭିଯୋଗ, ସିଡିଏମ୍‌ଓଙ୍କ କାର୍ଯ୍ୟାଳୟ ଆଗରେ ମୃତଦେହ ରଖି ପରିବାର ଲୋକଙ୍କ ଧାରଣା
  • ||
  • ବୌଦ୍ଧ : ATMରୁ ବାହାରିଲା କାଗଜ ପେଷ୍ଟ ଥିବା ୨୦ଟି ୫ଶହ ଟଙ୍କିଆ ନୋଟ୍, ଫେରସ୍ତ ନେବାକୁ ମନାକଲା ବ୍ୟାଙ୍କ୍ !
  • ||
  • ଭୁବନେଶ୍ବର : ରାଜ୍ୟରେ ବୁଧବାରଠୁ ପୁଣି ଟିକାକରଣ, ଟିକା ନେବେ ବଳକା ୧ ଲକ୍ଷ ୭୩ ହଜାର ୬୩୬ ଜଣ ସ୍ଵାସ୍ଥ୍ୟକର୍ମୀ
  • ||
  • ସମ୍ବଲପୁର : କିନ୍ନରଙ୍କଠାରୁ ୩ବର୍ଷର ଶିଶୁ କନ୍ୟାକୁ ଉଦ୍ଧାର କଲା ଚାଇଲ୍ଡ ଲାଇନ୍, ଚୋରି ସନ୍ଦେହ
  • ||
  • ଭୁବନେଶ୍ବର : STF ପଞ୍ଝାରେ ଧଳା ଜହର ବେପାରୀ, କୋଟିଏରୁ ଅଧିକ ଟଙ୍କାର ବ୍ରାଉନସୁଗାର ଜବତ
  • ||
  • ନବରଙ୍ଗପୁର : ଚଳନ୍ତା କାର୍‌ରେ ଲାଗିଲା ନିଆଁ, ଅଳ୍ପକେ ବର୍ତ୍ତିଲେ ଯାତ୍ରୀ
  • ||
  • ଢେଙ୍କାନାଳ : ହାତୀ ପୁଣି ନେଲା ଆଉ ଜଣଙ୍କ ଜୀବନ, ଶୌଚ ହେବାକୁ ଯାଇଥିବା କଚାଡି ମାରିଲା ଦନ୍ତା
  • ||
  • ବଲାଙ୍ଗୀର : ବିଚାରାଧୀନ କଏଦୀ ମୃତ, ହତ୍ୟା ମାମଲାରେ ଥିଲେ ଅଭିଯୁକ୍ତ
  • ||
  • ଶହେ ତଳକୁ ଖସିଲା ଦୈନିକ ସଂକ୍ରମିତଙ୍କ ସଂଖ୍ୟା : ରାଜ୍ୟରେ ଚିହ୍ନଟ ହେଲେ ଆଉ ୯୯ କୋଭିଡ୍ ପଜିଟିଭ୍‌, ୩୩୪୫୨୯ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||

କନଷ୍ଟ୍ରକସନ୍ କମ୍ପାନୀ କର୍ମଚାରୀଙ୍କ ଝୁଲନ୍ତା ମୃତଦେହ ଉଦ୍ଧାର : ଚୋରି ଧରା ପକାଇ ଦେଇଥିବାରୁ ମାରିଦେଇଛି ରୁମମେଟ୍!

22/02/2020 at 4:39 PM

ଭୁବନେଶ୍ବର ୨୨/୨: ଭୁବନେଶ୍ବର ପଟିଆ  ଅଂଚଳରେ ଥିବା ଏକ କଷ୍ଟ୍ରକସନ କମ୍ପାନୀରେ ଯୁବକଙ୍କୁ ହତ୍ୟା ଅଭିଯୋଗ । ନିଜ ରୁମରେ ରହୁଥିବା କିଛି ଯୁବକ ହତ୍ୟା କରିଥିବା ପରିବାର ଲୋକେ ଅଭିଯୋଗ କରିଛନ୍ତି। ମୃତକ ହେଉଛନ୍ତି କେନ୍ଦ୍ରାପଡା ଜିଲ୍ଲା ବାଲିସୁଆଁର ଗାଁର ଚିନ୍ମୟ ସ୍ବାଇଁ । ପୂର୍ବ ଶତୃତାକୁ ନେଇ ରୁମରେ ରହୁଥିବା ଅନ୍ୟ ଜଣେ ଯୁବକ ଚିନ୍ମୟଙ୍କୁ ହତ୍ୟା କରିଥିବା ପରିବାର ଲୋକେ ଅଭିଯୋଗ କରିଛନ୍ତି । ଅଭିଯୋଗକୁ ଭିତ୍ତି କରି ଇନଫୋସିଟି ଥାନା ପୋଲିସ ଏକ ମାମଲା ରୁଜୁ କରି ତଦନ୍ତ ଆରମ୍ଭ କରିଛି ।

ଚୋରି କରୁଥିବା ବେଳେ ଧରା ପକାଇ ଦେଇଥିବାରୁ ହତ୍ୟା ।ପଟିଆସ୍ଥିତ ଏକ କନଷ୍ଟ୍ରକସନ କମ୍ପାନୀରେ କାମ କରୁଥିବା ଚିନ୍ମୟଙ୍କୁ ତାଙ୍କ ରୁମମେଟ୍ ହତ୍ୟା କରିଥିବା ନେଇ ଇନଫୋସିଟି ଥାନାରେ ଅଭିଯୋଗ କରିଛନ୍ତି ପରିବାର ଲୋକେ । ଶୁକ୍ରବାର ଅପରାହ୍ନରେ ଚିନ୍ମୟ ଘର ଭିତରେ ଆତ୍ମହତ୍ୟା ଉଦ୍ୟମ କରିଥିବା ନେଇ କମ୍ପାନୀ କର୍ମଚାରୀ ଖବର ଦେବା ସହ ଚିନ୍ମୟଙ୍କୁ କ୍ୟାପିଟାଲ ହସ୍ପିଟାଲ ନେଇଥିଲେ ।ହେଲେ ସେଠାରେ ପହଂଚିବା ବେଳେ ଚିନ୍ମୟଙ୍କ ମୃତ୍ୟୁ ଘଟିଥିବା ଡାକ୍ତର କହିଥିଲେ । ଚିନ୍ମୟଙ୍କ ସେଭଳି କୌଣସି ଅସୁବିଧା ନ ଥିବା ବେଳେ ସେ କାହିଁକି ଆତ୍ମହତ୍ୟା କରିବେ ବୋଲି ପରିବାର ଲୋକେ ସନ୍ଦେହ ପ୍ରକାଶ କରିଛନ୍ତି । ଏଭଳି କି ଚିନ୍ମୟଙ୍କ ମୁହଁ ଓ ପେଟରେ ଲାଗିଥିବା କ୍ଷତ ଚିହ୍ନ ଦେଖିବା ପରେ ତାଙ୍କୁ ସୁଚିନ୍ତିତ ହତ୍ୟା କରାଯାଇଥିବା ପରିବାରେ ଲୋକେ ଅଭିଯୋଗ କରିଛନ୍ତି ।

କିଛି ଦିନ ତଳେ କମ୍ପାନୀର କିଛି ସାମଗ୍ରୀ ଚୋରି ହେଉଥିବା ବେଳେ କମ୍ପାନୀର କିଛି କର୍ମଚାରୀଙ୍କୁ ଧରିଥିଲେ ଚିନ୍ମୟ । ସେମାନଙ୍କ ମଧ୍ୟରେ ଚିନ୍ମୟଙ୍କ ଜଣେ ରୁମମେଟ୍ ମଧ୍ୟ ରହିଥିଲେ । ଏହାକୁ ନେଇ ଚିନ୍ମୟଙ୍କ ରୁମମେଟ୍ ଚିନ୍ମୟଙ୍କୁ ପାନେ ଦେବା ପାଇଁ ଯୋଜନାରେ ରହିଥିଲା । ଚିନ୍ମୟଙ୍କ ରୁମମେଟ୍ ହିଁ ତାଙ୍କୁ ହତ୍ୟା କରିବା ପରେ ଏହାକୁ ଆତ୍ମହତ୍ୟା ରୂପ ଦେବାକୁ ଚେଷ୍ଟା କରୁଥିବା ଚିନ୍ମୟଙ୍କ ପରିବାର ଲୋକେ ଅଭିଯୋଗ କରିଛନ୍ତି ।

ଇନଫୋସିଟି ଥାନା ପୋଲିସ ଘଟଣା ସମ୍ପର୍କରେ ଏକ ମାମଲା ରୁଜୁ କରି  ତଦନ୍ତ ଆରମ୍ଭ କରିଛନ୍ତି । ଫରେନସିକ ଅଧିକାରୀ ଘଟଣାସ୍ଥଳକୁ ଯାଇ ଅଧିକ ତଦନ୍ତ ଆରମ୍ଭ କରିଛନ୍ତି । ଯଥାଶୀଘ୍ର ଘଟଣା ପଛର ରହସ୍ୟ ଉନ୍ମୋଚନ ହେବ ବୋଲି ପୋଲିସ ଆଶା ରଖିଛି ।

   Related Posts