ଓ୍ୱାଶିଂଟନ ୧୨/୦୯ : ୯/୧୧ ଆତଙ୍କବାଦୀ ଆକ୍ରମଣରେ ସାଉଦି ଆରବ ସରକାର ଜଡିତ ଅଛି କି । ସାଉଦି ସରକାର ଆତଙ୍କବାଦୀଙ୍କୁ ଫଣ୍ଡ ଯୋଗାଇଛି କି ? ଆଜି ଏହି ସମସ୍ତ ପ୍ରଶ୍ନଗୁଡ଼ିକରୁ ପରଦାକୁ ହଟାଇଦିଆଯାଇଛି । ଆମେରିକାର ଫେଡେରାଲ୍ ବ୍ୟୁରୋ ଅଫ୍ ଇନଭେଷ୍ଟିଗେସନ୍ (FBI) ଦୁଇ ସାଉଦିଙ୍କ ଦ୍ୱାରା ଆତଙ୍କବାଦୀ ଆକ୍ରମଣ ପାଇଁ ବିମାନ ଅପହରଣ କରିଥିବା ଲଜିଷ୍ଟିକ୍ ସହାୟତା ସମ୍ବନ୍ଧୀୟ ଏକ ୧୬ ପୃଷ୍ଠାର ଡକ୍ୟୁମେଣ୍ଟ ପ୍ରକାଶ କରିଛି ।

ଡକ୍ୟୁମେଣ୍ଟରେ ଦର୍ଶାଯାଇଛି ଯେ ଅପହରଣକାରୀମାନେ ଆମେରିକାରେ ସେମାନଙ୍କର ସାଉଦି ସହଯୋଗୀଙ୍କ ସହ ଯୋଗାଯୋଗରେ ଥିଲେ । କିନ୍ତୁ ଏହି ଷଡଯନ୍ତ୍ରରେ ସାଉଦି ଆରବ ସରକାର ସମ୍ପୃକ୍ତ ଥିବା କୌଣସି ପ୍ରମାଣ ନାହିଁ । ରାଷ୍ଟ୍ରପତି ଜୋ ବିଡେନ ଏହି ଦଲିଲଗୁଡ଼ିକୁ ସାର୍ବଜନୀନ କରିବାକୁ ନିର୍ଦ୍ଦେଶ ଦେବା ପରେ ବର୍ଷ ବର୍ଷ ଧରି ଗୁପ୍ତ ରଖାଯାଇଥିବା ଆକ୍ରମଣର ୨୦ ତମ ବାର୍ଷିକୀ ଅବସରରେ ଏହି ଡକ୍ୟୁମେଣ୍ଟଗୁଡିକ ପ୍ରକାଶ ପାଇଥିଲା ।

ନିକଟ ଅତୀତରେ, ପୀଡିତାଙ୍କ ପରିବାର ବିଡେନଙ୍କୁ ଡକ୍ୟୁମେଣ୍ଟ ମୁକ୍ତ କରିବାକୁ ଚାପ ପକାଇଛନ୍ତି । ସେମାନେ ଦୀର୍ଘ ଦିନ ଧରି ରେକର୍ଡଗୁଡିକ ପ୍ରକାଶ କରିବାକୁ ଚେଷ୍ଟା କରିଥିଲେ ଯାହା ନ୍ୟୁୟର୍କରେ ଚାଲିଥିବା ପରୀକ୍ଷଣରେ ସହାୟକ ହୋଇପାରେ । ଏହି ଆକ୍ରମଣରେ ସାଉଦି ବରିଷ୍ଠ ଅଧିକାରୀମାନେ ସମ୍ପୃକ୍ତ ଥିବା ସେମାନେ ଅଭିଯୋଗ କରିଛନ୍ତି । ତେବେ ଏଥିରେ ସମ୍ପୃକ୍ତ ଥିବା ସାଉଦି ଆରବ ସରକାର ଅସ୍ୱୀକାର କରିଛନ୍ତି ।

ୱାଶିଂଟନ୍‌ରେ ଥିବା ସାଉଦି ଦୂତାବାସ ବୁଧବାର ଦିନ କହିଛି ଯେ ଏହା ତାଙ୍କ ସରକାରଙ୍କ ବିରୋଧରେ ଭିତ୍ତିହୀନ ଅଭିଯୋଗକୁ ସବୁଦିନ ପାଇଁ ଶେଷ କରିବା ପାଇଁ ସମସ୍ତ ଦଲିଲକୁ ମୁକ୍ତ କରିବାକୁ ସମର୍ଥନ କରୁଛି । ଶନିବାର ଦିନ ପ୍ରକାଶିତ ଏକ ଡକ୍ୟୁମେଣ୍ଟରେ ଜଣେ ବ୍ୟକ୍ତିଙ୍କ ୨୦୧୫ରେ ଏକ ସାକ୍ଷାତକାରର ବିବରଣୀ ଦିଆଯାଇଛି ।

ଆମେରିକାର ନାଗରିକତ୍ୱ ପାଇଁ ଆବେଦନ କରିଥିଲେ ଏବଂ ବହୁ ବର୍ଷ ପୂର୍ବେ ସାଉଦି ଆରବର ସେହି ନାଗରିକମାନଙ୍କ ସହିତ ବାରମ୍ବାର ଯୋଗାଯୋଗ କରିଥିଲେ । ତେବେ ଅନୁସନ୍ଧାନକାରୀ କହିଛନ୍ତି ଯେ ଏହି ସମାନ ନାଗରିକମାନେ ଅପହରଣକାରୀଙ୍କୁ “ଗୁରୁତ୍ୱପୂର୍ଣ୍ଣ ଲଜିଷ୍ଟିକ୍ ସହାୟତା” ପ୍ରଦାନ କରାଯାଇଥିଲା ।