ବେଙ୍ଗାଲୁରୁ ୧୯।୧: ଅଷ୍ଟ୍ରେଲିଆ ବିପକ୍ଷରେ ରବିବାର ଖେଳାଯାଉଥିବା ତୃତୀୟ ତଥା ଚୂଡାନ୍ତ ଏକଦିବସୀୟ ମ୍ୟାଚ୍ରେ ନୂଆ କିର୍ତ୍ତିମାନ ସ୍ଥାପନା କରିଛନ୍ତି ଟିମ୍ ଇଣ୍ଡିଆ ଓପ୍ନର ରୋହିତ ଶର୍ମା। ଏକଦିବସୀୟ ମ୍ୟାଚ୍ରେ ଦ୍ରୁତ ସ୍କୋରର ଭାବେ ରୋହିତ ନୂଆ ରେକର୍ଡ କାୟମ କରିଛନ୍ତି।
{"id":213502,"width":576,"height":432,"sizeSlug":"large"}ଅଷ୍ଟ୍ରେଲିଆ ବିପକ୍ଷରେ ରୋହିତ ତାଙ୍କ ଏକ ଦିବସୀୟ କ୍ୟାରିୟରର ୨୧୭ ତମ ଇନିଂସ ଖେଳୁଥିବା ବେଳେ ୯୦୦୦ ରନ ପୁରଣ କରିଛନ୍ତି। ଏହି ରନ ସଂଗ୍ରହରେ ସେ ସୌରଭ ଗାଙ୍ଗୁଲି, ମାଷ୍ଟରବ୍ଲାଷ୍ଟର ସଚ୍ଚିନ ତେନ୍ଦୁଲକର ଓ ବ୍ରିଆନ ଲାରାଙ୍କୁ ବି ପଛରେ ପକାଇଦେଇଛନ୍ତି। ଲାରା ୨୩୯ଟି ଏକଦିବସୀୟ ଇନିଂସରୁ ୯୦୦୦ ରନ ସ୍କୋର କରିପାରିଥିବା ବେଳେ ସଚ୍ଚିନ ୨୩୫ ଓ ଗାଙ୍ଗୁଲି ୨୨୮ ଇନିଂସରୁ ଏହି ସ୍କୋର ସଂଗ୍ରହ କରିଥିଲେ। ତେବେ ରୋହିତ ମାତ୍ର ୨୧୭ ଇନିଂସରୁ ବିଶାଳ ସ୍କୋର ସଂଗ୍ରହ କରିବାରେ ସଫଳ ହୋଇଥିବା ବେଳେ ଲାରା, ତେନ୍ଦୁଲକର ଓ ଗଙ୍ଗୁଲିଙ୍କ କ୍ଲବରେ ନିଜକୁ ସ୍ଥାନିତ କରିଛନ୍ତି।
{"id":213503,"sizeSlug":"large"}ତେବେ ସବୁଠୁ କମ୍ ଇନିଂସରେ ଏହି ସ୍କୋର ହାସଲ କରିବାରେ ଏବେବି ବିରାଟ କୋହଲି ଟପ୍ରେ ଅଛନ୍ତି। ତାଙ୍କ ପାଖକୁ ଅଛନ୍ତି ୨୦୫ ଇନିଂସରେ ୯୦୦୦ ରନ ହାସଲ କରିଥିବା ଦକ୍ଷିଣ ଆଫ୍ରିକୀୟ ବ୍ୟାଟସ୍ମ୍ୟାନ ଏବି ଡିଭିଲିୟର୍ସ।