Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପାଟଣା : ବଳଦ ନେଇ ଘରକୁ ଫେରୁଥିଲେ, ବଜ୍ରାଘାତରେ ଚାଲିଗଲା ରାଇଦାସଙ୍କ ଜୀବନ
  • ||
  • ମହିଳା ସାମ୍ବାଦିକ ସବନମ୍‌ ଶିରିନ୍‌ଙ୍କ ଦେହାନ୍ତ , କୋଭିଡ୍‌ରେ ଆକ୍ରାନ୍ତ ହୋଇ ଏମସ୍‌ରେ ହେଉଥିଲେ ଚିକିତ୍ସିତ
  • ||
  • ଭଦ୍ରକ : ବାପଘର ଲୋକ ଆଣିଲେ ବଧୂ ହତ୍ୟା ଅଭିଯୋଗ, ଶ୍ବଶୁରଘର କହୁଛନ୍ତି ପଡିଗଲେ ବାଥରୁମ୍‌ରେ
  • ||
  • ୧୦ ହଜାର ତଳକୁ ଖସିଲା କରୋନା ସଂକ୍ରମଣ, ରାଜ୍ୟରେ ଗତ ୨୪ଘଣ୍ଟାରେ ବାହାରିଲେ ୯୭୯୩ ପଜିଟିଭ୍
  • ||
  • ୧୦ ବର୍ଷର ଶିଶୁର ଜୀବନ ନେଲା କରୋନା…
  • ||
  • ଟ୍ରକ୍‌କୁ ଧକ୍କା ଦେଲା ବରଯାତ୍ରୀ ଗାଡି : ୫ ମୃତ, ୩ ଗୁରୁତର
  • ||
  • ଭୁବନେଶ୍ବର : ରାଜ୍ୟରେ କରୋନା ନେଲା ଆଉ ୧୮ଜଣଙ୍କ ଜୀବନ, ୨୨୧୫ରେ ପହଞ୍ଚିଲା ମୃତ୍ୟୁସଂଖ୍ୟା
  • ||

ଅଷ୍ଟ୍ରେଲିଆ ଗସ୍ତରେ ଯିବେ ରୋହିତ ଶର୍ମା, ଖେଳି ପାରନ୍ତି ଟେଷ୍ଟ ଶୃଙ୍ଖଳା

9/11/2020 at 4:08 PM

ନୂଆଦିଲ୍ଲୀ ୦୯।୧୧: ଭାରତୀୟ କ୍ରିକେଟ୍ ଦଳର ଓପନର ରୋହିତ ଶର୍ମା ଅଷ୍ଟ୍ରେଲିଆ ଗସ୍ତ କରିବେ। ହେଲେ ସେ ଦଳର ସଦସ୍ୟ ରହିବେ ନାହିଁ। କିନ୍ତୁ ସେ ଟେଷ୍ଟ ଶୃଙ୍ଖଳା ଖେଳି ପାରନ୍ତି। ନ୍ୟୁଜ୍ ଏଜେନ୍ସି ଏଏନଆଇ ଅନୁଯାୟୀ ରୋହିତ ନିଶ୍ଚିତ ଭାବେ ଅଷ୍ଟ୍ରେଲିଆ ଗସ୍ତ କରିବେ। କିନ୍ତୁ ତାଙ୍କର ଟେଷ୍ଟ ଶୃଙ୍ଖଳା ଖେଳିବାର ଅଧିକ ସମ୍ଭାବନା ରହିଛି। ଭାରତୀୟ ଦଳ ନଭେମ୍ଵର ୧୧ରେ ଅଷ୍ଟ୍ରେଲିଆ ଅଭିମୁଖେ ଯାତ୍ରା କରିବ। ରୋହିତ ଶର୍ମା ନଭେମ୍ଵର ୧୧ରେ ଦଳ ସହିତ ଅଷ୍ଟ୍ରେଲିଆ ଗସ୍ତ କରିବେ ନାହିଁ। ସେ ପରେ ଭାରତୀୟ ଦଳରେ ଯୋଗ ଦେବେ।

ମିଳିଥିବା ସୂଚନା ଅନୁଯାୟୀ, ଅଷ୍ଟ୍ରେଲିଆରେ କ୍ଵାରେଣ୍ଟାଇନରେ ରହିବା ବାଧ୍ୟତାମୂଳକ। ଏଥିପାଇଁ ରୋହିତ ଶର୍ମା ସୀମିତ କ୍ରିକେଟ୍‌ରେ ଦଳରେ ଯୋଗ ଦେଇ ପାରିବେ ନାହିଁ। ଏହା ପୂର୍ବରୁ ଅଷ୍ଟ୍ରେଲିଆ ଗସ୍ତ ପାଇଁ ଦଳ ଚୟନ ସମୟରେ ରୋହିତଙ୍କୁ କୌଣସି ଫର୍ମାଟ୍‌ରେ ସ୍ଥାନ ଦିଆଯାଇନଥିଲା। ଏହାକୁ ନେଇ ବିସିସିଆଇକୁ ଅନେକ ସମାଲୋଚନାର ଶିକାର ହେବାକୁ ପଡିଥିଲା।

ଗତ ଅଷ୍ଟ୍ରେଲିଆ ଗସ୍ତରେ ଭାରତୀୟ ଦଳ ଘରୋଇ ଟିମ୍‌ ବିପକ୍ଷରେ ଟେଷ୍ଟ ଶୃଙ୍ଖଳାକୁ ୨-୧ରେ ଜିତି ଇତିହାସ ରଚିଥିଲା। ଏଥର ବିରାଟ କୋହଲିଙ୍କ ନେତୃତ୍ଵାଧୀନ ଭାରତୀୟ ଦଳ ବିଜୟଧାରାକୁ ବଜାୟ ରଖିବାକୁ ଚେଷ୍ଟା କରିବେ। ଗତ ଗସ୍ତରେ ଭାରତ ଆଡିଲେଡ୍ ଟେଷ୍ଟରେ ଅଷ୍ଟ୍ରେଲିଆକୁ ମାତ୍‌ ଦେଇ ଶୃଙ୍ଖଳାରେ ଅଗ୍ରଣୀ  ହାସଲ କରିଥିଲା। ଦ୍ଵିତୀୟ ଟେଷ୍ଟରେ ଭାରତୀୟ ଦଳକୁ ପରାଜୟର ସମ୍ମୁଖୀନ ହେବାକୁ ପଡିଥିଲା। ଏହା ପରେ ଭାରତୀୟ ଦଳ ଦମଦାର ପ୍ରତ୍ୟାବର୍ତ୍ତନ କରି ମେଲବର୍ଣ୍ଣ ଟେଷ୍ଟ ଜିତି ଶୃଙ୍ଖଳା ନିଜ ନାମରେ କରିଥିଲା।

ଭାରତର ଅଷ୍ଟ୍ରେଲିଆ ଗସ୍ତ ନଭେମ୍ଵର ୨୭ରୁ ଆରମ୍ଭ ହେଉଛି। ଏହି ଗସ୍ତରେ ଭାରତୀୟ ଦଳ ଘରୋଇ ଦଳ ବିପକ୍ଷରେ ୩ ଟି-୨୦, ୩ ଦିନିକିଆ ଏବଂ ୪ ଟେଷ୍ଟ ମ୍ୟାଚ୍ ଖେଳିବ। ଭାରତର ଅଷ୍ଟ୍ରେଲିଆ ଗସ୍ତ ତିନିକିଆ ଶୃଙ୍ଖଳା ସହିତ ଆରମ୍ଭ ହେବ। ଏହା ପରେ ଟି-୨୦ ଏବଂ ପରେ ଟେଷ୍ଟ ଶୃଙ୍ଖଳା ଖେଳାଯିବ।

   Related Posts