Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବାରିପଦା : ଦିନ ଦ୍ବିପ୍ରହରରେ ଲୁଟ୍, ମହିଳାଙ୍କ ବେକରୁ ସୁନା ଚେନ୍ ଝାମ୍ପିନେଲେ ଦୁର୍ବୃତ୍ତ
  • ||
  • ବାରିପଦା : ୪୦ ଲକ୍ଷ ଟଙ୍କାର ଧଳା ଜହର ଜବତ, ଜଣେ ଗିରଫ
  • ||
  • ଖୋର୍ଦ୍ଧା : ଅଟୋ ଓ କାର୍ ମୁହାଁମୁହିଁ ଧକ୍କା, ୮ ଆହତ
  • ||
  • ଝାରସୁଗୁଡା : ଜାଲ୍ ନୋଟ୍ କାରବାରର ପର୍ଦ୍ଦାଫାଶ, ୫୭ହଜାର ଟଙ୍କାର ନକଲି ନୋଟ୍ ଜବତ, ରେଳବାଇ କର୍ମଚାରୀ ଗିରଫ
  • ||
  • ପୁରୀ : ମହାପ୍ରଭୁଙ୍କ ଦର୍ଶନ ପାଇଁ ବ୍ୟାରିକେଡ଼ରେ କରିଥିଲେ ଅପେକ୍ଷା, ହଠାତ୍ ଅସୁସ୍ଥ ହୋଇପଡିଲେ ଭକ୍ତ
  • ||
  • ଅନୁଗୋଳ : ଅନନ୍ତ କୋଇଲା ଖଣିରେ ଅଘଟଣ, କୋଇଲା ଲୋଡିଂ ବେଳେ ପୋତିହୋଇଗଲେ ଜଣେ
  • ||
  • ବ୍ରହ୍ମପୁର : ଭିଜିଲାନ୍ସ ପଞ୍ଝାରେ ଆରଆଇ, ଜମି ନିର୍ଦ୍ଧାରଣ ପାଇଁ ୫ ହଜାର ଟଙ୍କା ନେବାବେଳେ ଧରାପଡିଲେ
  • ||
  • ଭୁବନେଶ୍ବର : ଦିନରେ ରଙ୍ଗମିସ୍ତ୍ରୀ, ରାତିରେ ଚୋରୀ, ୫ ବର୍ଷ ଧରି ଖୋଜୁଥିଲା ପୋଲିସ, ଶେଷରେ ଧରାପଡିଲା
  • ||
  • କଟକ : ରମଜାନ ପାଇଁ ସିଏମସିର ଗାଇଡ୍‌ଲାଇନ୍, ନମାଜ ପାଠ ପାଇଁ ୧୦୦ ଲୋକଙ୍କୁ ଅନୁମତି
  • ||
  • ଜଳେଶ୍ବର : ନଦୀ ପଠାରୁ ମହିଳାଙ୍କ ଅର୍ଦ୍ଧଦଗ୍ଧ ମୃତଦେହ ଠାବ, ସ୍ବାମୀ ହତ୍ୟା କରିଥିବା ଅଭିଯୋଗ ଆଣିଲେ ବାପଘର
  • ||

ବିଶ୍ବକପ୍-୨୦୧୯ : ବିଶ୍ବ କିର୍ତ୍ତିମାନଠାରୁ ଆଉ ମାତ୍ର ୨୭ ରନ୍ ଦୂରରେ ଭାରତର ରୋହିତ ଶର୍ମା

9/07/2019 at 3:30 PM

ଲଣ୍ଡନ ୯|୭: ଆଜି ଓଲ୍ଡ ଟ୍ରାଫଡଠାରେ ବିଶ୍ବକପର ପ୍ରଥମ ସେମିଫାଇନାଲ ମ୍ୟାଚ୍ ଅନୁଷ୍ଠିତ ହେଉଛି । ଟସ୍ ଜିତି ନ୍ୟୁଜିଲ୍ୟାଣ୍ଡ ପ୍ରଥମେ ବ୍ୟାଟିଂ କରୁଛି । ଆକାଶରେ ଘନ ବାଦଲ ରହିଥିବାରୁ ଯେ କୌଣସି ମୁହୂର୍ତ୍ତରେ ମ୍ୟାଚ ବନ୍ଦ ହୋଇଯିବା ଆଶଙ୍କା ରହିଛି । ତେବେ ଆଜି ଯଦି  ଭାରତୀୟ ବ୍ୟାଟ୍ସମ୍ୟାନ ରୋହିତ ଶର୍ମା ଆଉ ମାତ୍ର ୨୭ରନ ସଂଗ୍ରହ କରନ୍ତି ତାହେଲେ ସେ ଗୋଟିଏ ୱାର୍ଲଡ କପରେ ସର୍ବାଧିକ ରନ୍ କରିବା ତାଲିକାରେ ସର୍ବାଗ୍ରେ ରହିବେ । ସେହିଭଳି ଯଦି ରୋହିତ ଆଉ ଗୋଟିଏ ଶତକ କରନ୍ତି ତାହେଲେ ସେ ବିଶ୍ବକପରେ ଶତକ କ୍ଷେତ୍ରରେ ମଧ୍ୟ ସର୍ବାଗ୍ରେ ରହିବେ । ବର୍ତ୍ତମାନ ସୁଦ୍ଧା ରୋହିତ ୮ଟି ଇନିଂସରୁ ୫ଟି ଶତକ କରିଛନ୍ତି । ତେବେ ୨୦୧୫ ବିଶ୍ବକପ୍ ରେ ବାଂଲାଦେଶ ବିରୋଧରେ କରିଥିବା ଶତକକୁ ବିଚାରକୁ ନେଲେ ବିଶ୍ବକପ୍ ରେ ସେ ୬ଟି ଶତକ କରିଛନ୍ତି ବୋଲି କୁହାଯିବ । ତେଣୁ ସେ  ସଚ୍ଚିନ ତେନ୍ଦୁଲକରଙ୍କ ସମକକ୍ଷ ହୋଇଛନ୍ତି ବୋଲି କୁହାଯାଇପାରେ ।

ବିଶ୍ବ ରେକର୍ଡ ଠାରୁ ମାତ୍ର ୨୭ରନ ଦୂରରେ ରହିଛନ୍ତି ଭାରତର ଧୂଆଁଧାର ବ୍ୟାଟ୍ସମ୍ୟାନ ରୋହିତ ଶର୍ମା । ସୂଚନାଯୋଗ୍ୟ ଯେ, ବିଶ୍ବକପରେ ସର୍ବାଧିକ ରନ୍ ସଂଗ୍ରହ କରିବା ତାଲିକାରେ ରୋହିତ ଏବେ ୩ନମ୍ବର ସ୍ଥାନରେ ରହିଛନ୍ତି । ପ୍ରଥମ ସ୍ଥାନରେ ରହିଛନ୍ତି ଭାରତର ସଚ୍ଚିନ ତେନ୍ଦୁଲକର ଏବଂ ଦ୍ବିତୀୟ ସ୍ଥାନରେ ରହିଛନ୍ତି ଅଷ୍ଟ୍ରେଲିଆର ମାଥ୍ୟୁ ହେଡେନ । ସଚ୍ଚିନ ତେନ୍ଦୁଲକର ୨୦୦୩ ବିଶ୍ବକପରେ ସର୍ବାଧିକ ୬୭୩ ରନ୍ କରିଥିଲେ । ଅପରପକ୍ଷରେ ମାଥ୍ୟୁ ହେଡେନ ୨୦୦୭ ବିଶ୍ବ କପରେ ୧୦ ଇନିଂସ ଖେଳି କରିଥିଲେ ୬୫୯ ରନ୍ ।

ତେବେ ବିଶ୍ବକପ୍ ଲିଗ୍ ପର୍ଯ୍ୟାୟରେ ସର୍ବାଧିକ ରନ୍ କରିବା କ୍ଷେତ୍ରରେ ରୋହିତ ସବୁଠୁ ଆଗରେ ରହିଛନ୍ତି । ସେ ଭାରତର ସଚ୍ଚିନ ତେନ୍ଦୁଲକରଙ୍କ ରେକର୍ଡକୁ ଅତିକ୍ରମ କରିଛନ୍ତି । ସଚ୍ଚିନ ୨୦୦୩ ବିଶ୍ବକପ୍ ଲିଗ୍ ପର୍ଯ୍ୟାୟରେ ସର୍ବାଧିକ ୫୮୬ ରନ୍ କରିଥିଲେ । ତେବେ ଶତକ କ୍ଷେତ୍ରରେ ରୋହିତ ଶର୍ମା ମଧ୍ୟ ତେନ୍ଦୁଲକରଙ୍କ ସମକକ୍ଷ ହୋଇଛନ୍ତି । ବିଶ୍ବକପରେ ରୋହିତ ବର୍ତ୍ତମାନ ସୁଦ୍ଧା ୬ଟି ଶତକ କରିଛନ୍ତି ।

ଲିଗ୍ ପର୍ଯ୍ୟାୟରେ ଦକ୍ଷିଣ ଆଫ୍ରିକା ବିରୋଧରେ ପ୍ରଥମ ଶତକ କରିଥିଲେ । ଏହାପରେ ସେ ପାକିସ୍ତାନ, ବାଂଲାଦେଶ, ଇଂଲଣ୍ଡ ଓ ଶ୍ରୀଲଙ୍କା ବିରୋଧରେ ଶତକ କରି ସୌରଭ ଗାଙ୍ଗୁଲି, ଡେଭିଡ ୱାରନର, ମାର୍କ ୱୋ, ମାଥ୍ୟୁ ହେଡେନଙ୍କ ରେକର୍ଡ ଭାଙ୍ଗିଥିଲେ । ଏମାନେ ସମସ୍ତେ ବିଶ୍ବକପରେ ତିନିଟି ଲେଖାଏଁ ଶତକ କରିଥିଲେ । କେବଳ ସେତିକି ନୁହେଁ ଶ୍ରୀଲଙ୍କାର କୁମାର ସାଂଗାକାରଙ୍କ ରେକର୍ଡ ମଧ୍ୟ ଭାଙ୍ଗିଥିଲା । ସାଂଗାକାରା ବିଶ୍ବକପରେ ୪ଟି ଶତକ କରିଥିଲେ । ସେହିଭଳି ୬ଟି ଶତକ କରିଥିବା ତେନ୍ଦୁଲକରଙ୍କ ସମକକ୍ଷ ମଧ୍ୟ ହୋଇଛନ୍ତି ରୋହିତ । ଆଉ ମାତ୍ର ଗୋଟିଏ ଶତକ କଲେ ସେ ଏ କ୍ଷେତ୍ରରେ ମଧ୍ୟ ରେକର୍ଡ କରିବେ ।

   Related Posts