Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଉଦଳା : ଖାକି ଉପରେ ଖାକିର ଜୁଲମ୍, ବିଚ୍ ରାସ୍ତାରେ ଏସଆଇଙ୍କୁ ଆକ୍ରମଣ କଲେ ଜେଲ୍ ଓ୍ୱାର୍ଡର
  • ||
  • ରାଜ୍ୟରେ ଗତ ୨୪ଘଣ୍ଟାରେ କରୋନା ନେଲା ୪୪ ଜଣଙ୍କ ଜୀବନ, ୩୪୩୨ରେ ପହଞ୍ଚିଲା ମୃତ୍ୟୁ ସଂଖ୍ୟା
  • ||
  • କମୁଛି ସଂକ୍ରମଣ, ରାଜ୍ୟରେ ୨୪ ଘଣ୍ଟାରେ ୩୫୩୫ କୋଭିଡ୍ ପଜିଟିଭ୍ ଚିହ୍ନଟ
  • ||
  • ଗାଜା ଉପରେ ଇସ୍ରାଏଲର ପୁଣି ରକେଟ୍ ଆକ୍ରମଣ, ଭାଙ୍ଗିଲା ଅସ୍ତ୍ରବିରତି ରାଜିନାମା
  • ||
  • ମର୍ମନ୍ତୁଦ ଦୁର୍ଘଟଣା : ଟ୍ରଲରକୁ ପଛପଟୁ ପିଟିଲା ପିକ୍‌ଅପ୍‌ ଭ୍ୟାନ୍‌, ୨ ମୃତ
  • ||

ଷ୍ଟଣ୍ଟ ଦେଖାଉଥିବାବେଳେ ଯୁବକଙ୍କ ଥୋଡିରେ ଭୁସି ହୋଇଗଲା ଗ୍ରିଲ ଗେଟର ଲୁହା କଣ୍ଟା : ୨ ଘଣ୍ଟାର ଅପରେସନ ପରେ ବାହାରିଲା କଣ୍ଟା

4/01/2019 at 3:42 PM

ଲକ୍ଷ୍ନୌ ୪/୧ : ଲକ୍ଷ୍ନୌ ଗୋମତୀ ନଗର ଅଂଚଳରେ ଗଣେଶ୍ୱର ମିଶ୍ର ପାର୍କର ୨ ନମ୍ବର ଗେଟ ପାଖରେ ବାଇକରେ ଷ୍ଟଣ୍ଟ ଦେଖିଥିବାବେଳେ ୩ଜଣ ଯୁବକ ନିୟନ୍ତ୍ରଣ ହରାଇ ଦେଇଥିଲେ | ବାଇକର ପୁରା ପଛରେ ବସିଥିବା ଯୁବକ ଛିଟିକି ପଡିଥିଲେ | ଛିଟିକି ପଡିବାରୁ ଯୁବକଙ୍କ ଥୋଡିରେ ଗେଟର ଗ୍ରିଲର କଣ୍ଟା ଭୁସି ହୋଇଯାଇଥିଲା | ବହୁତ କଷ୍ଟରେ ଯୁବକଙ୍କୁ ସେଠାରୁ ଉଦ୍ଧାର କରାଯାଇଥିଲା | ପୋଲିସ ବଡ କଷ୍ଟରେ ଘଂଟାଏ କାଳ ଧରି ଗେଟର କଣ୍ଟାକୁ କାଟି ଯୁବକଙ୍କୁ ଉଦ୍ଧାର କରି ହସ୍ପିଟାଲରେ ଭର୍ତ୍ତି କରିଥିଲା | ହସ୍ପିଟାଲରେ ଯୁବକଙ୍କ ଅପରେସନ କରି ତାଙ୍କ ଥୋଡିରୁ ଲୁହା କଣ୍ଟା ବାହାର କରିଥିଲେ ଡାକ୍ତର | ଏବେ ଯୁବକଙ୍କ ଅବସ୍ଥା ଭଲ ଥିବା ଜଣାପଡିଛି | ତେବେ ବାଇକ ଚାଳକ ଏବଂ ଅନ୍ୟ ଜଣେ ବାଇକ ଆରୋହୀ ମଧ୍ୟ ଦୁର୍ଘଟଣାରେ ଆହତ ହୋଇଥିବା ଜଣାପଡିଛି |

ଯୁବକ ୩ ଜଣ ହେଲେ ମହମ୍ମଦ କୋନିନ, ମହମ୍ମଦ ସାରିକ ଏବଂ ମହମ୍ମଦ ହସନ | ୩ ଜଣ ଯୁବକ ବାଇକରେ ଦୟାଲ ପରାଡ଼ାଈଜ ଆଡକୁ ଯାଉଥିବାବେଳେ ଦୁର୍ଘଟଣା ଘଟିଥିଲା | ସାରିକା ବାଇକ ଚଳାଉଥିଲେ | ଅଚାନକ ସେ ଷ୍ଟଣ୍ଟ ଦେଖାଇଥିଲେ | ଷ୍ଟଣ୍ଟ ବେଳେ ଦୁର୍ଘଟଣାର ସମ୍ମୁଖୀନ ହୋଇଥିଲେ | ପୋଲିସ ସୂଚନାନୁଯାୟୀ ତାଙ୍କ ବାଇକର ଗତି ସେତେବେଳେ ୯୦ କି:ମି: ଘଣ୍ଟା ପ୍ରତି ଥିଲା | ସାରିକା ଅଚାନକ ବ୍ରେକ ମାରିଥିଲେ | ଯେହେତୁ ବାଇକ ଅଧିକ ସ୍ପିଡ଼ରେ ଥିଲା, ବ୍ରେକ ମାରିବାରୁ ସବୁଠୁ ପଛରେ ବସିଥିବା ଯୁବକ ଛିଟିକି ପଡ଼ିଥିଲେ ବୋଲି ପ୍ରତ୍ୟକ୍ଷଦର୍ଶୀ କହିଛନ୍ତି |

ହସ୍ପିଟାଲରେ ଅପରେସନ କରିଥିବା ଡାକ୍ତର କହିଛନ୍ତି ଯେ, ଅପରେସନ କରି ଯୁବକଙ୍କ ଥୋଡିରୁ ଲୁହା କଣ୍ଟା ବାହାର କରିବା ଅତ୍ୟନ୍ତ କଷ୍ଟଦାୟକ ଥିଲା | ମୁହଁରେ କଣ୍ଟା ପସିଥିବାରୁ ତାଙ୍କୁ ବେହୋସ କରିବା ମଧ୍ୟ କଷ୍ଟସାଧ୍ୟ ଥିଲା | ଯାହାଫଳରେ ତାଙ୍କ ନାକରେ ଟ୍ୟୁବ ପୁରାଇ ତାଙ୍କୁ ବେହୋସ କରାଯାଇଥିଲା | ଅପରେସନ ପାଇଁ ପାଖାପାଖି ୨ ଘଣ୍ଟା ସମୟ ଲାଗିଥିଲା | ଏବଂ ଶେଷରେ ଅପରେସନ ସଫଳ ହୋଇଥିଲା |

   Related Posts