Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଢେଙ୍କାନାଳ : କପିଳାଶ ଜାଗର ଯାତ୍ରା ପାଇଁ କଟକଣା, ଜିଲ୍ଲା ବାହାର ଭକ୍ତଙ୍କୁ ମନା, ଜିଲ୍ଲାବାସୀଙ୍କ କୋଭିଡ୍ ନେଗେଟିଭ୍ ରିପୋର୍ଟ ବାଧ୍ୟତାମୂଳକ
  • ||
  • କଟକ : ରାଜ୍ୟରେ ପୁଣି ବଢିଲା ବସ୍ ଭଡା, ସାଧାରଣ ଓ ଏକ୍ସପ୍ରେସ କିଲୋମିଟର ପିଛା ୫ପଇସା, ଡିଲକ୍ସ ଓ ଏସି ଡିଲକ୍ସ ୧୦ପଇସା ବୃଦ୍ଧି
  • ||
  • ଧର୍ମଗଡ : ବାଇକ୍ ଉପରେ ମାଡିଗଲା ବସ୍, ଘଟଣାସ୍ଥଳରେ ୩ ମୃତ
  • ||
  • ସାନଖେମୁଣ୍ଡି : ବାରହା ଆକ୍ରମଣରେ ୭ ଆହତ, ଗ୍ରାମବାସୀ ଭୟଭୀତ
  • ||
  • ରାଉରକେଲା : ଶିଶୁପାଳ ହୋଇ ଫେରିଲା ବର, ଅଧାରୁ ବନ୍ଦ ହେଲା ବାଲ୍ୟ ବିବାହ
  • ||
  • ଆଠଗଡ : ସରିଯାଉଛି ଟୋକନ ଅବଧି, ମଣ୍ଡିରୁ ଉଠୁନି ଧାନ, ପ୍ରତିବାଦରେ ଚାଷୀଙ୍କ ରାସ୍ତା ଅବରୋଧ
  • ||
  • ଭଦ୍ରକ : ଅଷ୍ଟପ୍ରହରୀ ଚାନ୍ଦା ପାଇଁ ଗଛରେ ବାନ୍ଧି ନିସ୍ତୁକ ମାଡ ଅଭିଯୋଗ, ଥାନାରେ ଏତଲା
  • ||
  • ନୀଳଗିରି : ନୀଳଗିରି ସହରରେ ବୁଲୁଛି ଭାଲୁ, ଲୋକେ ଭୟଭୀତ
  • ||
  • ରାଉରକେଲା : ଛାତ୍ରଙ୍କ ନାଁରେ ଜିଏସଟି ଠକେଇ ଅଭିଯୋଗ, ୩୮କୋଟି ଟଙ୍କାର ଠକେଇ ନେଇ ନୋଟିସ୍
  • ||
  • ସାନଖେମୁଣ୍ଡି : ଥାନାଠାରୁ ୧ କି.ମି. ଦୂରରେ ଚାଲିଥିଲା ବେଆଇନ ବିଦେଶୀ ମଦ ବିକ୍ରି, ଚଢାଉ କରି ନଷ୍ଟ କଲା ପୋଲିସ
  • ||

ଏକାକୀତ୍ବ ଦୂର ପାଇଁ ବ୍ରିଟେନ୍ କେୟାର୍ ହାଉସରେ ନିଯୁକ୍ତ ହେବେ ରୋବଟ୍: ମନପସନ୍ଦ ଗୀତ ବଜାଇବ, ଔଷଧ ଖାଇବାକୁ ମନେ ପକାଇବ

8/09/2020 at 10:45 AM

ବ୍ରିଟେନ୍ ୦୮/୦୯: ମଣିଷର କାମ ଦିନକୁ ଦିନ ରୋବଟ୍ ସହଜ କରୁଛି। ଏବେ ଲୋକଙ୍କ ଏକାକୀତ୍ବକୁ ମଧ୍ୟ ରୋବଟ୍ ଦୂର କରିବ। ଏକୁଟିଆ ରହୁଥିବା ଲୋକଙ୍କ ଚିନ୍ତା ଓ ଅବସାଦ ବଢ଼ୁଛି। ଯାହାର ପ୍ରଭାବ ସେମାନଙ୍କ ମାନସିକ ସ୍ବାସ୍ଥ୍ୟରେ ପଡୁଛି। ଅନ୍ତର୍ରାଷ୍ଟ୍ରୀୟ ପରୀକ୍ଷଣରେ ଲୋକଙ୍କ ମାନସିକ ଅବସ୍ଥାରେ ସୁଧାର ଆଣିବାର ରୋବଟ୍ ସଫଳ ହୋଇଛି। ସଫଳ ପରୀକ୍ଷଣ ପରେ ଏବେ ବ୍ରିଟେନର କିଛି କେୟାର ହାଉସରେ ଏମାନଙ୍କୁ ନିଯୁକ୍ତ କରାଯିବ।

ଏହି ରୋବଟର ନାଁ ‘ପେପର୍’। ରୋବଟ୍‌ରେ ଚକ ଲାଗିଛି। ଏହା ଲୋକଙ୍କ ସହ କଥାବାର୍ତା କରିବ ଓ ଲୋକଙ୍କ ରୁଚିକୁ ବୁଝିବାକୁ ସକ୍ଷମ ହେବ। ଏହା ବାଦ୍ ଲୋକଙ୍କ ସହ କଥାବାର୍ତା ଆରମ୍ଭ କରି ସେମାନଙ୍କ ମନପସନ୍ଦ ଗୀତକୁ ବଜାଇବ। କେୟାର ହୋମରେ ବୟସ୍କମାନଙ୍କୁ ବିଭିନ୍ନ କାମରେ ସହଯୋଗ କରିବ ତଥା ସେମାନଙ୍କୁ ଔଷଧ ଖାଇବାକୁ ମନେ ପକାଇବ।

ଗବେଷକମାନେ କହିଛନ୍ତି କେୟାର ସେଣ୍ଟରେ ଏମାନେ ସବୁବେଳେ ନିଯୁକ୍ତ ରହିବେ ତା’ ନୁହେଁ। ସେମାନଙ୍କ ଦେଖାଶୁଣା କରିବା ପାଇଁ ଲୋକ ରହିବେ। କିନ୍ତୁ ଲୋକଙ୍କ ପାଖରେ ସମୟ ନ ଥିଲେ କିମ୍ବା ସେମାନଙ୍କ ସହ କଥା ନ ହେଲେ ସେହି ସମୟରେ ରୋବଟ୍ ମୁତୟନ କରାଯିବ। ବ୍ରିଟେନ୍ଓ ଜାପାନରେ ଏହାର ପରୀକ୍ଷା ଶେଷ ହୋଇଛି। ଟ୍ରାଏଲରେ ଦେଖିବାକୁ ମିଳିଛି ରୋବଟ୍ ଲୋକଙ୍କ ସହ ୧୮ ଘଣ୍ଟା କଥା ହେବା ଦ୍ବାରା ସେମାନଙ୍କ ମାନସିକ ସ୍ବାସ୍ଥ୍ୟରେ ସୁଧାର ଆସୁଛି। ଯଦିଓ ଏ ପରିବର୍ତନ କିଞ୍ଚିତ ମାତ୍ରାର କିନ୍ତୁ ସକାରାତ୍ମକ ପ୍ରଭାବ ରହିଛି।

କରୋନା ଭାଇରସ ମହାମାରୀ ଯୋଗୁ ବ୍ରିଟେନ୍ କେୟାର ହୋମ ଗୁଡ଼ିକରେ ସଦସ୍ୟଙ୍କ ଉପସ୍ଥିତି କମିବାରୁ ରୋବଟ୍ ବିକଳ୍ପ ଚିନ୍ତା କରାଯାଇଛି। ବ୍ରିଟେନରେ ୧୦୦ ବର୍ଷ ବୟସରୁ ଅଧିକ ବୟସର ପ୍ରାୟ ୧୫ ହଜାର ଲୋକ ଏକୁଟିଆ ଅଛନ୍ତି।

   Related Posts