Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବୌଦ୍ଧ : ଅଟୋକୁ ଧକ୍କା ଦେଲା ହାଇଓ୍ବା : ଚାଲିଗଲା ମା’, ପୁଅ ଓ ଝିଅଙ୍କ ଜୀବନ
  • ||
  • ବ୍ରହ୍ମପୁର : ପଛରୁ ଆସି ଝାମ୍ପି ନେଲେ ୨ଲକ୍ଷ ଟଙ୍କା, ଲୁଟେରାଙ୍କ ଆକ୍ରମଣରେ ବାଇକ ଆରୋହୀ ଗୁରୁତର
  • ||
  • ବ୍ରହ୍ମପୁର : ୪୫ଗ୍ରାମର ବ୍ରାଉନସୁଗାର ଜବତ, ଜଣେ ଗିରଫ
  • ||
  • ନବରଙ୍ଗପୁର : ଭିଜିଲାନ୍ସ ଜାଲରେ ଜିଆର୍‌ଏସ୍‌, ଘରୁ ଜବତ ହେଲା ନଗଦ ୧୭ଲକ୍ଷରୁ ଅଧିକ ଟଙ୍କା
  • ||
  • ବ୍ରହ୍ମପୁରରେ ନକଲି ଲଙ୍କାଗୁଣ୍ଡ କାରଖାନା ଠାବ, ବିପୁଳ ପରିମାଣର ସାମଗ୍ରୀ ଜବତ
  • ||
  • ମୋହନା : ଅପରେସନ୍ ଗ୍ରୀନ କ୍ଲିନ୍, ପୁଣି ୧୨ କୋଟି ଟଙ୍କାର ଗଞ୍ଜେଇ ଗଛ ନଷ୍ଟ
  • ||
  • ପୁରୀ : ପ୍ରତିକ୍ଷାର ଅନ୍ତ, ଆଜିଠୁ ବିନା କୋଭିଡ଼ ରିପୋର୍ଟରେ କାଳିଆ ଦର୍ଶନ
  • ||
  • ଆମେରିକାର ପ୍ରଥମ ମହିଳା ଉପରାଷ୍ଟ୍ରପତି ହେଲେ କମଳା ହ୍ୟାରିସ୍
  • ||
  • ଆମେରିକାର ୪୬ ତମ ରାଷ୍ଟ୍ରପତି ଭାବେ ଶପଥ ନେଲେ ଜୋ ବାଇଡେନ୍‌
  • ||
  • ଆମେରିକାର ଉପ ରାଷ୍ଟ୍ରପତି ଭାବେ ଶପଥ ନେଲେ କମଳା ହ୍ୟାରିସ୍‌
  • ||

କରୋନା ରୋଗୀଙ୍କୁ ଖାଦ୍ୟ ଓ ଔଷଧ ଦେବ ରୋବଟ : ସ୍ୱାସ୍ଥ୍ୟକର୍ମୀ ରହିବେ ବିପଦ ମୁକ୍ତ

20/04/2020 at 3:08 PM

ଚାଇବାସା ୨୦/୦୪ : କରୋନା ରୋଗୀଙ୍କ ସେବାରେ ରୋବଟ । ଝାଡଖଣ୍ଡର ଚାଇଁବସା ଜିଲ୍ଲା ଦେଶର ପ୍ରଥମ ଜିଲ୍ଲା ଯେଉଁଠାରେ କରୋନା ସଂକ୍ରମିତ ରୋଗୀଙ୍କୁ ଖାଦ୍ୟ ଓ ଔଷଧ ବର୍ତ୍ତମାନ ରୋବଟ ଦେବ | ପୂର୍ବରୁ ରୋଗୀଙ୍କୁ ଔଷଧ ଓ ଖାଦ୍ୟ ଦେବା କାର୍ଯ୍ୟ ସ୍ୱାସ୍ଥ୍ୟକର୍ମୀ କରୁଥିଲେ |ଏବେ ସେହି କାର୍ଯ୍ୟ ପାଇଁ ପ୍ରସ୍ତୁତ ହୋଇଛି ଏକ ସ୍ୱତନ୍ତ୍ର ରୋବାଟ । ଏହି ରୋବଟର ନାଁ କୋବୋଟ ରଖାଯାଇଛି | ଝାଡଖଣ୍ଡ ଚାଇଁବାସା ଜିଲ୍ଲାର ଡ଼ିଡ଼ିସି ଆଦିତ୍ୟ ରଞ୍ଜନ ୩ ଦିନ ମଧ୍ୟରେ ଏହିଭଳି ଏକ ରୋବଟ ତିଆରି କରିଛନ୍ତି । ମାତ୍ର ୨୫ ହଜାରରୁ କମ ଟଙ୍କାରେ ତିଆରି ରୋବଟ ଏବେ କରୋନା ରୋଗୀଙ୍କୁ ଖାଦ୍ୟ ଓ ଔଷଧ ଦେବା ପାଇଁ ସକ୍ଷମ | ଏହି ରୋବଟକୁ ରିମୋଟ ସାହାଯ୍ୟରେ ଅପରେଟ କରାଯାଉଛି| ଏହି ରୋବଟରେ କ୍ୟାମେରା ଲାଗିଛି | ଏହି କ୍ୟାମେରା ସାହାଯ୍ୟରେ ସାମ୍ନାର ଫଟୋ ଦୂରରେ ବସିଥିବା ଅପରେଟରଙ୍କୁ ଦେଖାଯିବ |

ରୋବଟରେ ଏକ ସ୍ପିକର ମଧ୍ୟ ଲାଗିଛି ଯାହା ରୋଗୀଙ୍କୁ ସୂଚନା ଦେବା ପାଇଁ ଲଗାଯାଇଛି | ପାଖାପାଖି ୩୦ କିଲୋଓ୍ୱାଟ କ୍ଷମତା ବିଶିଷ୍ଟ ଏହି କୋବୋଟକୁ ୨୦୦ ମିଟର ଦୂରରେ ବସି ମଧ୍ୟ ଅପରେଟ କରାଯାଇପାରେ | କେବଳ ଏତିକି ନୁହେଁ କାମ ସାରି ଫେରିବା ପରେ ୱାଟରପ୍ରୁଫ ହୋଇଥିବା ଏହି ରୋବୋଟକୁ ସାନିଟାଇଜ ମଧ୍ୟ କରାଯାଇପାରେ |

ଡ଼ିଡ଼ିସି ଆଦିତ୍ୟ ରଞ୍ଜନ କହିଛନ୍ତି ଯେ, ଯେଉଁ କର୍ମୀମାନେ ଖାଦ୍ୟ ଓ ଔଷଧ ଦେଇଛନ୍ତି ସେମାନେ କରୋନା ରୋଗୀଙ୍କ ସମ୍ପର୍କରେ ବେଶୀ ନ ଆସିବା ପାଇଁ ଏହି କୋବୋଟ ପ୍ରସ୍ତୁତ କରାଯାଇଛି | କାରଣ ସ୍ୱାସ୍ଥ୍ୟକର୍ମୀ ଅଧିକ ସମୟ କରୋନା ରୋଗୀଙ୍କ ସମ୍ପର୍କରେ ଆସିଲେ ତାଙ୍କ ଜୀବନ ପ୍ରତି ମଧ୍ୟ ଵିଵାଦ ସୃଷ୍ଟି ହେଉଛି | ଅନେକ ଜାଗାରେ ଡାକ୍ତର, ନର୍ସ ଓ ଅନ୍ୟ ସ୍ୱାସ୍ଥ୍ୟକର୍ମୀ ସଂକ୍ରମିତ ହୋଇଛନ୍ତି | ସବୁ ପ୍ରକାର ସୁରକ୍ଷା ପଦକ୍ଷେପ ଗ୍ରହଣ କରାଯିବା ପରେ ମଧ୍ୟ ସ୍ୱାସ୍ଥ୍ୟକର୍ମୀ କରୋନା ସଂକ୍ରମିତଙ୍କ ସଂସ୍ପର୍ଶରେ ଆସି ସଂକ୍ରମିତ ହେଉଛନ୍ତି | ଏହି ବିପଦରୁ ରକ୍ଷା ପାଇଁ ଏହିଭଳି ଏକ ରୋବଟ ତିଆରି କରାଯାଇଛି | ତେବେ କୋଭିଡି-୧୯ ୱାର୍ଡ ବାହାରୁ ହିଁ କୋବୋଟରେ ରୋଗୀଙ୍କ ପାଇଁ ଖାଦ୍ୟ, ଔଷଧ, ସାନିଟାଇଜର ଆଦି ରଖି ୱାର୍ଡ ଭିତରକୁ ପଠାଇବା ପାଇଁ ଚେଷ୍ଟା କରାଯାଉଛି |

ରୋବଟରେ ଥିବା କ୍ୟାମେରା ଯୋଗେ ଅପରେଟର ନିଜ ମୋବାଇଲରେ ସମସ୍ତ ଘଟଣା ଦେଖି ପାରିବେ ରୋବଟ କୁଆଡେ କୁଆଡେ ଯାଉଛି, କେତେ ନମ୍ବର ବେଡ଼କୁ ଯାଉଛି | ବେଡ଼ ନମ୍ବର ହିସାବରେ, ରୋଗୀଙ୍କ ଆବଶ୍ୟକତା ଅନୁଯାୟୀ ସ୍ୱାସ୍ଥ୍ୟକର୍ମୀ ରୋବଟକୁ କହିପାରିବେ ଯେ ଏହି ବେଡ଼କୁ ଜୋ, ଏହି ନମ୍ବର ବେଡ଼ ରୋଗୀଙ୍କୁ ଏହି ଔଷଧ ଦିଅ | ରୋଗୀଙ୍କୁ ବି ଯଦି କିଛି ସମସ୍ୟା ହେଉଛି ତାହେଲେ ସେ ମଧ୍ୟ କହିପାରିବେ | କାରଣ ରୋଗୀଙ୍କ ପାଇଁ ମଧ୍ୟ ଏକ ସ୍ପିକର ଲାଗିଛି | ରୋଗୀ ୱାର୍ଡରେ ଯାହା କହିବେ ସ୍ୱାସ୍ଥ୍ୟକର୍ମୀ ବାହାରେ ଥାଇ ତାହା ଶୁଣିପାରିବେ |

ଯଦି ଏହି ରୋବଟର ପ୍ରୟୋଗ ସଫଳ ହୁଏ ତାହେଲେ ସ୍ୱାସ୍ଥ୍ୟକର୍ମୀଙ୍କୁ କୋଭିଡି-୧୯ ରୋଗୀଙ୍କ ପାଖକୁ ବାରମ୍ବାର ଯିବାକୁ ପଡିବ ନାହିଁ ଏବଂ ସେମାନେ ମଧ୍ୟ ସୁରକ୍ଷିତ ରହିବେ | ଡାକ୍ତରଙ୍କ କହିବାନୁଯାୟୀ, ଯଦି ଏହି ଉପାୟ ସଫଳ ହୁଏ ତାହେଲେ ଏହା ସ୍ୱାସ୍ଥ୍ୟକର୍ମୀଙ୍କ କାମ ବହୁତ ସରଳ କରିଦେବ |

   Related Posts