Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କାମେଶ୍ୱର ମନ୍ଦିରରୁ ଚୋରି, ଦାନବାକ୍ସ ଭାଙ୍ଗି ଟଙ୍କା ଲୁଟିନେଲେ ଦୁର୍ବୃତ୍ତ
  • ||
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୩ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୩୫୮ କୋଭିଡ୍ ପଜିଟିଭ୍
  • ||
  • ନବୀନ @ ୭୬, ଶୁଭେଚ୍ଛା ଜଣାଇଲେ ପ୍ରଧାନମନ୍ତ୍ରୀ ମୋଦୀ
  • ||
  • ୭୬ ବର୍ଷରେ ପାଦ ଦେଲେ ନବୀନ, କରୋନା ମହାମାରୀ ପାଇଁ ପାଳିବେନି ଜନ୍ମଦିନ
  • ||
  • ଶାରଦୀୟ ଦୁର୍ଗାପୂଜା ଶେଷ, ଶନିବାର ଧରାପୃଷ୍ଠରୁ ବିଦାୟ ନେବେ ମା
  • ||
  • ହାଟରୁ ଫେରୁଥିବା ବେଳେ ବୃଦ୍ଧାଙ୍କୁ ଗଣଦୁଷ୍କର୍ମ, ଘରେ ଛାଡିଦେବେ କହି ଇଜ୍ଜତ ଲୁଟିଲେ ୮ ସଇତାନ
  • ||
  • କଟକ : କଟକରେ ଏନ୍‌କାଉଣ୍ଟର, ଦୁର୍ଦ୍ଦାନ୍ତ ଅପରାଧୀ ରାକେଶ ଆହତ
  • ||

ରବିନ ଉଥାପ୍ପାଙ୍କ ବିବାଦୀୟ ଭିଡିଓ ଭାଇରାଲ, ବ୍ୟାନ୍ ପରେ ବି ବଲ୍‌ରେ ବୋଳୁଛନ୍ତି ଛେପ, କ’ଣ ହେବ ଆକ୍ସନ ?

1/10/2020 at 5:28 PM

ଦୁବାଇ, ୦୧ ।୧୦:  ଆଇପିଏଲ ୨୦୨୦ରେ ବୁଧବାର ରାଜସ୍ଥାନ ରୟାଲ୍ସ ଓ କୋଲକାତା ନାଇଟ ରାଇଡର୍ସ ମଧ୍ୟରେ ଖେଳାଯାଇଥିବା ମୁକାବିଲାରେ ରବିନ ଉଥାପ୍ପା ଆଇସିସିର ନିୟମ ଭାଙ୍ଗିଛନ୍ତି । ସେ ବଲରେ ଛେପ ଲଗାଇବା ଅଭିଯୋଗ ହୋଇଛି । ଆଇସିସି କରୋନା ବିପଦକୁ ନଜରରେ ରଖି ବଲରେ ଛେପ ଲଗାଇବା ଉପରେ କଟକଣା ଜାରି କରିଥିଲା । କିନ୍ତୁ ଉଥାପ୍ପା ମ୍ୟାଚ୍ ଚାଲିଥିବା ବେଳେ ବଲ୍‌ରେ ଛେପ ଲଗାଇଥିବା ନଜର ଆସିଥିଲେ ।

ମ୍ୟାଚର ତୃତୀୟ ଓଭରରେ ଜୟଦେବ ଉନାଦକତଙ୍କ ଏକ ବଲରେ ଉଥାପ୍ପା ସୁନୀଲ ନରିନଙ୍କ କ୍ୟାଚ୍ ହାତଛଡା କରିଥିଲେ। କ୍ୟାଚ୍ ଛାଡିବା ପରେ ଉଥାପ୍ପା ବଲରେ ଛେପ ଲଗାଇଥିଲେ । ଆଇସିସିର ନିୟମାନୁସାରେ, ଏପରି କରିବା ପରେ ଦଳକୁ ଦୁଇଟି ଚେତାବନୀ ଦିଆଯାଇଥାଏ । ଏହାପରେ ଯଦି ଛେପ ଲଗାଉଥିବା ଦେଖିବାକୁ ମିଳେ ତେବେ ବିପକ୍ଷ ଟିମ୍‌କୁ ଅତିରିକ୍ତ ୫ ରନ୍ ମିଳିଥାଏ ।  ଉଥାପ୍ପାଙ୍କ ଏହି ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।

ଏହି ମୁକାବିଲାରେ କୋଲକାତା ନାଇଟ ରାଇଡର୍ସ ରାଜସ୍ଥାନ ରୟାଲ୍ସକୁ ୩୭ ରନ୍‌ରେ ପରାସ୍ତ କରିଛି । ପ୍ରଥମେ ବ୍ୟାଟିଂ କରି କୋଲକାତା ୨  ଓଭରରେ ୧୭୪ ରନ୍ କରିଥିଲା । ଏହାର ଜବାବରେ ରାଜସ୍ଥାନ ୧୩୭ ରନ୍‌ରେ ଅଟକି ଯାଇଥିଲା ।

ଚଳିତ ସିଜିନରେ ରାଜସ୍ଥାନର ଏହା ପ୍ରଥମ ପରାଜୟ । ତେବେ କୋଲକାତା ନିତର ତିନୋଟି ମ୍ୟାଚରୁ ଦୁଇଟିରେ ବିଜୟ ଲାଭ କରିଛି । କୋଲକାତାର ସମସ୍ତ ବୋଲର ଭଲ ପ୍ରଦର୍ଶନ କରିଥିଲେ । କମଲେଶ ନାଗରକୋଟି ଓ ଶିବମ ମାବି ଦୁଇଟି ଲେଖାଏଁ ଓ୍ୱିକେଟ୍ ନେଇଥିଲେ । ସୁନିଲ ନରିନ, ପେଟ୍ କମିନ୍ସ ଓ କୁଳଦୀପ ଯାଦବ ଗୋଟିଏ ଲେଖାଏଁ ଓ୍ୱିକେଟ୍ ଅକ୍ତିଆର କରିଥିଲେ ।

   Related Posts