Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପେଟେଣ୍ଟ ମୁକ୍ତ ହେବ କରୋନା ଭ୍ୟାକସିନ୍‌ ! ଭାରତ ଏବଂ ଦକ୍ଷିଣ ଆଫ୍ରିକା ପ୍ରସ୍ତାବରେ ଆମେରିକାର ସମର୍ଥନ
  • ||
  • କୋଭିଡ୍‌ ସ୍ଥିତିକୁ ନେଇ ନବୀନ୍‌ଙ୍କ ସହ କଥା ହେଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି
  • ||
  • ରାଜ୍ୟରେ ସୁସ୍ଥ ହେଲେ ଆଉ ୬୮୫୪ କରୋନା ଆକ୍ରାନ୍ତ, ଖୋର୍ଦ୍ଧାରେ ହଜାରେ ଟପିଲା ଡିସ୍‌ଚାର୍ଜ
  • ||
  • ନୂଆଦିଲ୍ଲୀ : କରୋନାରେ ପୂର୍ବତନ ରଣଜୀ କ୍ରିକେଟରଙ୍କ ଦେହାନ୍ତ, ଆଇପିଏଲ୍ ଟିମ୍‌ରେ ହୋଇଥିଲେ ମନୋନୀତ
  • ||
  • ରାଇରଙ୍ଗପୁର : ନିଖୋଜ ନାବାଳିକାଙ୍କ ଝୁଲନ୍ତା ମୃତଦେହ ଉଦ୍ଧାର, ମୃତ୍ୟୁର କାରଣ ଅସ୍ପଷ୍ଟ
  • ||
  • ନବରଙ୍ଗପୁର : ଶାଗ ତୋଳିବା ହେଲା କାଳ, ବଜ୍ରପାତରେ ଚାଲିଗଲା ୨ ନାବାଳିକାଙ୍କ ଜୀବନ, ୨ ଆହତ
  • ||
  • ନୀଳଗିରି : ଗଛରେ ଝୁଲୁଛି ଅଜଣା ଯୁବକଙ୍କ ମୃତଦେହ, ହତ୍ୟା ନା’ ଆତ୍ମହତ୍ୟା ସନ୍ଦେହ
  • ||
  • ଯୁବକଙ୍କ ଝୁଲନ୍ତା ମୃତଦେହ ଉଦ୍ଧାର, ହତ୍ୟା ନା ଆତ୍ମହତ୍ୟା ?
  • ||
  • ରାଜ୍ୟରେ କରୋନା ନେଲା ଆଉ ୧୭ଜଣଙ୍କ ଜୀବନ, ୨୧୨୧ରେ ପହଞ୍ଚିଲା ମୃତ୍ୟୁ ସଂଖ୍ୟା
  • ||
  • ୧୦ ହଜାର ଉପରେ କରୋନା ସଂକ୍ରମଣ, ରାଜ୍ୟରେ ଗତ ୨୪ଘଣ୍ଟାରେ ବାହାରିଲେ ୧୦,୫୨୧ ପଜିଟିଭ୍
  • ||

ରବର୍ଟ ଭଦ୍ରାଙ୍କୁ ଇଡିର ଜେରା, ସେପଟେ ସିବିଆଇ ଜେରା କଲା କୋଲକାତା କମିଶନରଙ୍କୁ ଆଉ କଲିକତା ପୋଲିସ ଚଢଉ କଲା ସିବିଆଇ ଅଧିକାରୀ ନାଗେଶ୍ବର ରାଓଙ୍କ ପତ୍ନୀଙ୍କ କମ୍ପାନୀ ଉପରେ

9/02/2019 at 5:28 PM

ନୂଆଦିଲ୍ଲୀ ୯|୨:  ପୁଣି ଆଜି ଇଡିରେ ହାଜର ହେଲେ ରବର୍ଟ ଭଦ୍ରା । ବେଆଇନ ସମ୍ପତ୍ତି ଠୁଳ ମାମଲାରେ ଲଗାତର ତୃତୀୟ ଦିନ ପାଇଁ ସେ ଜେରାର ସମ୍ମୁଖୀନ ହୋଇଛନ୍ତି । ବ୍ରିଟେନ୍‌ରେ ସେ ସମ୍ପତ୍ତି କେମିତି ଠୁଳ କଲେ ସେନେଇ ଇଡି ଜେରା କରୁଛି । ସେପଟେ ଚିଟ୍‌ଫଣ୍ଡ ମାମଲାରେ କୋଲକାତା ପୋଲିସ କମିଶନର ରାଜୀବ କୁମାରଙ୍କୁ ଜେରା କରିଛି ସିବିଆଇ । ଶିଲଂ ସିବିଆଇ କାର୍ଯ୍ୟାଳୟରେ ରାଜୀବଙ୍କୁ ପଚରାଉଚରା ଚାଲିଛି ।

ରବର୍ଟ ଭଦ୍ରାଙ୍କୁ ଘନଘନ ଜେରା । ଦିଲ୍ଲୀ ଇଡି କାର୍ଯ୍ୟାଳୟରେ ଆଜି ପୁଣି ହାଜର ହୋଇଛନ୍ତି ସୋନିଆ ଗାନ୍ଧିଙ୍କ ଜ୍ବାଇଁ ତଥା ପ୍ରିୟଙ୍କାଙ୍କ ପତି  । ବେଆଇନ ସଂପତ୍ତି ଠୁଳ ଓ ମନି ଲଣ୍ଡ୍ରିଂ ମାମଲାରେ ଇଡି ଜେରାର ସାମ୍ନା କରିଛନ୍ତି ଭଦ୍ରା । ଆଜି ଥିଲା ତୃତୀୟ ଜେରା। ଏହା ପୂର୍ବରୁ ବୁଧବାର ଏବଂ ଗୁରୁତବାର ଇଡି ସାମ୍ନାରେ ସେ ହାଜର ହୋଇଥିଲେ। ବ୍ରିଟେନରେ ପାଖାପାଖି ୧୨ ମିଲିୟନ ପାଉଣ୍ଡର ଅଚଳାଚଳ ସଂପତ୍ତି ରବର୍ଟ ଭଦ୍ରା କେମିତି ଠୁଳ କଲେ?   ଏନେଇ ଇଡି ଜେରା କରିଛି । ହେଲେ ରବର୍ଟ ଇଂଲଣ୍ଡରେ ତାଙ୍କର ସମ୍ପତ୍ତି ନଥିବା କହି ଆସୁଛନ୍ତି । ରାଜନୈତିକ ଉଦ୍ଦେଶ୍ୟ ରଖି ତାଙ୍କୁ ଟାର୍ଗେଟ୍ କରାଯାଉଛି ବୋଲି ସେ କହିଛନ୍ତି।  ବୁଧବାର ଠାରୁ ଆଜି ପର୍ଯ୍ୟନ୍ତ ଭଦ୍ରାଙ୍କୁ ୧୧ ଘଣ୍ଟା ଜେରା କରିସାରିଲାଣି ଇଡି । ବେଆଇନ ସଂପତ୍ତି ଠୁଳ ମନି ଲଣ୍ଡ୍ରିଂ ମାମଲାରେ ରବର୍ଟଙ୍କ ସହ ସୁମିତ ଚଢା, ସଂଜୟ ଭଣ୍ଡାରି ଏବଂ ମନୋଜଙ୍କ ନାଁ ସାମ୍ନାକୁ ଆସିଛି  । ରବର୍ଟଙ୍କୁ ନେଇ ରାଜନୀତି ବି କିଛି କମ୍‌ ନୁହେଁ ।  

ସେପଟେ ଚିଟପଣ୍ଡ ମାମଲାରେ କୋଲକାତା ପୋଲିସ କମିଶନର ରାଜୀବ କୁମାରଙ୍କୁ ଜେରା କରିଛି ସିବିଆଇ।  ଶିଲଂ ସିବିଆଇ କାର୍ଯ୍ୟାଳୟରେ ରାଜୀବଙ୍କୁ ପଚରାଉଚରା ହୋଇଛି । ସୁପ୍ରିମକୋର୍ଟଙ୍କ ନିର୍ଦ୍ଦେଶ ମୁତାବକ ଶିଂଲ ସିବିଆଇ କାର୍ଯ୍ୟାଳୟରେ ପହଞ୍ଚିଥିଲେ ରାଜୀବ କୁମାର । ତାଙ୍କ ସହ କୋଲକାତା ପୋଲିସର ୨ ଅଧିକାରୀ ଓ ଜଣେ ଓକିଲ ମଧ୍ୟ ପହଞ୍ଚିଥିଲେ । ତେବେ ରାଜୀବ କୁମାର କାର୍ଯ୍ୟାଳୟରେ ପହଞ୍ଚିବା ପରେ ତାଙ୍କ ସହ ଆସିଥିବା ଅଧିକାରୀଙ୍କୁ ବାହାରିଯିବାକୁ କୁହାଯାଇଥିଲା । ଏହାପରେ ସାରଦା ଚିଟ୍ ଫଣ୍ଡ ମାମଲାରେ ତାଙ୍କୁ ସିବିଆଇ ଜେରା କରିବା ଆରମ୍ଭ କରିଛି ।

ଏପଟେ ସିବିଆଇର ପୂର୍ବତନ ନିର୍ଦ୍ଦେଶକ ନାଗେଶ୍ବର ରାଓଙ୍କ ପତ୍ନୀଙ୍କ କୋଲକାତା ସଲ୍ଟଲେକ୍‌ରେ ଥିବା ଆଞ୍ଜେଲିନା ପ୍ରାଇଭେଟ୍ ଲିମିଟେଡ୍‌ ଉପରେ କୋଲକାତା ପୋଲିସ ଚଢାଉ କରିଛି । ଏହି କଂପାନୀ ସହିତ ନାଗେଶ୍ବର ରାଓଙ୍କ ପତ୍ନୀଙ୍କ କୌଣସି ବେନିୟମ ଅର୍ଥ ଦେଣନେଣ ଥିବା ନେଇ ଏହି ଚଢାଉ ହୋଇଥିବା କୁହାଯାଉଛି । ସିବିଆଇ, କୋଲକାତା ପୋଲିସ ମୁଖ୍ୟଙ୍କ ବାସଭବନରେ ପଶିବା ପରଠାରୁ କୋଲକାତା ପୋଲିସ ଓ ସିବିଆଇ ମଧ୍ୟରେ ଛକାପଞ୍ଝା ଲାଗି ରହିଛି ।

   Related Posts