ଚଣ୍ଡିଖୋଲ ୧୨।୦୧: ସଡ଼କ ଦୁର୍ଘଟଣାରେ ଜଣେ ମହିଳାଙ୍କ ମୃତ୍ୟୁ ହୋଇଛି । ମୃତକ ଅହଲ୍ୟା ବେହେରା । ଯାଜପୁର ଜିଲ୍ଲା ଦେଇ ଯାଇଥିବା ଜାତୀୟ ରାଜପଥ ୧୬ ନିକଟରେ ଦୁର୍ଘଟଣା ଘଟିଛି । ଘଟଣାସ୍ଥଳରେ ପୋଲିସ ପହଞ୍ଚି ଛାନ୍‌ଭିନ୍‌ ଆରମ୍ଭ କରିଛି ।

ଖବର ଅନୁଯାୟୀ, ଜାତୀୟ ରାଜପଥ ୧୬ର ଜାରକା ଛକ ନିକଟରେ ଏକ ବାଇକରେ ସ୍ୱାମୀ-ସ୍ତ୍ରୀ ଭଦ୍ରକ ଅଭିମୁଖେ ଯାଉଥିଲେ । ଭଦ୍ରକରୁ ଭୁବନେଶ୍ୱର ଯାଉଥିଲେ ଦମ୍ପତ୍ତି ।  ଠିକ୍ ଏହି ସମୟରେ ପଛପଟୁ ଆସୁଥିବା ଏକ ଟ୍ରକ ବାଇକ୍‌କୁ ଓଭରଟେକ୍‌ କରିବା ବେଳେ ବାଇକ୍‌ର ହ୍ୟାଣ୍ଡେଲ୍‌ଟି ଟ୍ରକରେ ଲାଗିଯାଇଥିଲା । ଯାହାଫଳରେ କି ବାଇକ୍‌କୁ ଟାଣି ନେଇଯାଇଥିଲା ଟ୍ରକ । ଦୁର୍ଘଟଣାରେ ବାଇକ୍‌ ଆରୋହୀ ଆହତ ହୋଇଥିବା ବେଳେ ଗାଡିରେ ଥିବା ମହିଳାଜଣଙ୍କ  ଚାପି ହୋଇଯାଇଥିଲେ । ଶେଷରେ ମହିଳାଙ୍କ ମୃତ୍ୟୁ ହୋଇଯାଇଛି । ଦୁର୍ଘଟଣା ସଂପର୍କରେ ଖବର ପାଇଁ ଧର୍ମଶାଳା ଥାନା ପୋଲିସ ଘଟଣାସ୍ଥଳରେ ପହଞ୍ଚି ଟ୍ରକକୁ ଜବତ ହୋଇଛି ।