ମୋହନା ୧୯।୧୧: କ୍ଷତିପୂରଣ ଦାବିରେ ରାସ୍ତାରୋକ । ଗଜପତି ଜିଲ୍ଲା ମୋହନା ଥାନା କପୁରିପଟା ଗାଁ ନିକଟ ଓ ମେଡିକାଲରେ ଆଗରେ ଧାରଣା । ରାସ୍ତାରେ ଧାରଣା ଲାଗି ଯାତାୟତରେ ସାମାନ୍ୟ ବାଧାପ୍ରାପ୍ତ ହୋଇଛି ।
ଖବର ଅନୁଯାୟୀ , ଗତକାଲି ସନ୍ଧ୍ୟାରେ କପୁରିପଟା ଗାଁ ନିକଟରେ ଇନୋଭା ଗାଡି ସହ ବାଇକ ମୁହାଁମୁହିଁ ଧକ୍କା ହୋଇଥିଲା । ଯାହାଫଳରେ ଘଟଣା ସ୍ଥଳରେ ଜଣେ ବାଇକ ଆରୋହୀ ଶକ୍ତି ଜେନାଙ୍କର ମୃତ୍ୟୁ ହୋଇଥିବା ବେଳେ ଆଉ ଜଣେ ଇସାକ ବିଶୋଇ ନାମକ ଜଣେ ବ୍ୟକ୍ତି ଗୁରୁତର ଭାବେ ଆହତ ହୋଇଥିଲେ । ତେବେ ଇସାକକୁ ବ୍ରହ୍ମପୁର ମେଡିକାଲ ନେବା ବେଳେ ରାସ୍ତାରେ ତାଙ୍କର ମୃତ୍ୟୁ ଘଟିଥିଲା। ଦୁର୍ଘଟଣାରେ ଦୁଇ ବାଇକ ଆରୋହୀଙ୍କ ମୃତ୍ୟୁ ଘଟିଥିବା ରୁ କ୍ଷତିପୂରଣ ଦାବିରେ କପୁରିପଟା ଓ ମୋହନରେ ରାସ୍ତା ଅବରୋଧ କରିଛନ୍ତି ସ୍ଥାନୀୟ ଲୋକେ ।