ଗୋଲାମୁଣ୍ଡା ୨୮।୦୧: ରାଜରାସ୍ତାରେ ଚାଷୀ l ମଣ୍ଡିରୁ ଧାନ ନଉଠିବା ପ୍ରତିବାଦରେ ଚାଷୀଙ୍କ ପକ୍ଷରୁ ରାସ୍ତା ରୋକ କରାଯାଇଛି । କଳାହାଣ୍ଡି ଜିଲ୍ଲା ଗୋଲାମୁଣ୍ଡା ବ୍ଲକ୍ ତୁମୁରା ମଣ୍ଡିର ଚାଷୀଙ୍କ ପକ୍ଷରୁ ଧର୍ମଗଡ଼-ଗୋଲାମୁଣ୍ଡା-ସିନାପାଲି ମୁଖ୍ୟ ରାସ୍ତା ଅବରୋଧ କରାଯାଇଛି । ରାସ୍ତାରେ ଧାନବସ୍ତା ରଖି ଅବରୋଧ କରିଛନ୍ତି ଚାଷୀ ।
ତୁମୁରା ମଣ୍ଡିରେ ଆଠ ଗୋଟି ପଞ୍ଚାୟତର ଚାଷୀ ନିର୍ଭର କରନ୍ତି l ଚଳିତ ଖରିଫ ଋତୁରେ ସରକାର ଗତ ନଭେମ୍ବର ମାସରୁ ଧାନ କ୍ରୟ ଆରମ୍ଭ କରି ଥିବା ବେଳେ ବର୍ତମାନ ସୁଦ୍ଧା ଲକ୍ଷ ଧାର୍ଯ୍ୟ ଠାରୁ ୨୦ ପ୍ରତିଶତ ଅଧିକ ଧାନ କ୍ରୟ କରିଥିଛନ୍ତି । କିନ୍ତୁ ଆଜି ବି ଅନେକ ମଣ୍ଡିରେ ଚାଷୀଙ୍କ ପରିଶ୍ରମ ଉପାର୍ଜିତ ଅମଳ ଧାନ ବିକ୍ରି ହୋଇ ନପାରି ମଣ୍ଡିରେ ପଡି ରହିଛି । ଯାହାଫଳରେ ଶୀତ କାକରରେ ପଡିରହିଛନ୍ତି ଚାଷୀ ।
ସମବାୟ ସମିତି କର୍ମଚାରିଙ୍କ ଦ୍ୱାରା ହଇରାଣର ଶିକାର ହୋଇ ବାଧ୍ୟ ହୋଇ ଆଜି ରାଜରାସ୍ତାକୁ ଓହ୍ଲାଇ ଆନ୍ଦୋଳନ କରିଛନ୍ତି ଚାଷୀ l ଆନ୍ଦୋଳନ ଲାଗି ରାସ୍ତାରେ ଯାତାୟାତ ଠପ୍ ହୋଇ ପଡ଼ିଛି l ଘଟଣା ସ୍ଥଳରେ ଗୋଲାମୁଣ୍ଡା ତହସିଲଦାର ସର୍ବେଶ୍ୱର ଜାଲ, ରାଜସ୍ବ ନୀରକ୍ଷକଙ୍କ ସୁଧାଂଶୁ ପଣ୍ଡା ,ଗୋଳାମୁଣ୍ଡା ଥାନାଧିକାରୀ ଯୁଗଳ ଶବର ଓ ପୋଲିସ କର୍ମଚାରୀ ପହଞ୍ଚି ଚାଷୀଙ୍କୁ ବୁଝାସୁଝା ଆରମ୍ଭ କରିଛନ୍ତି ।