ଢେଙ୍କାନାଳ ୩୧।୦୧: ଢେଙ୍କାନାଳରେ ଥମୁନି ହାତୀ ଉପଦ୍ରଵ । ଏପରିକି ହାତୀ ଆକ୍ରମଣରେ ଜଣଙ୍କ ପରେ ଜଣେ ଚାଷୀଙ୍କୁ ଜୀବନ ଯାଉଛି । ରବିବାର ଦିନ ଭୋର ସମୟରେ ଢେଙ୍କାନାଳ ସଦର ଥାନା ଗୋବିନ୍ଦପୁର ଗାଁରେ ଜଣେ ଚାଷୀଙ୍କୁ ହାତୀ ଆକ୍ରମଣ କରିଛି । ଯାହାଫଳରେ ସେ ଗୁରୁତର ଅବସ୍ଥାରେ ମେଡିକାଲରେ ଭର୍ତ୍ତି ହୋଇଛନ୍ତି । ସେଠାରେ ତାଙ୍କ ଚିକିତ୍ସା ଜାରି ରହିଛି । ଗୁରୁତର ଯୁବକଙ୍କ ନାମ ପ୍ରଶାନ୍ତ ରାଉତ ବୋଲି ଜଣାପଡିଛି ।
{"id":401401,"sizeSlug":"large","linkDestination":"none"}
ଖବର ଅନୁଯାୟୀ, ଆଜି କୌଣସି କାମରେ ସ୍କୁଲ ପଛ ପଟକୁ ଯାଇଥିଲେ ପ୍ରଶାନ୍ତ । ହଠାତ୍ ଏହି ସମୟରେ ଦନ୍ତା ଆକ୍ରମଣ କରିଥିଲା ଏବଂ ପ୍ରଶାନ୍ତଙ୍କୁ ମଧ୍ୟ କଚାଡି ଦେଇଥିଲା । ଯାହାଫଳରେ କି ପ୍ରଶାନ୍ତ ଗୁରୁତର ହୋଇପଡିଥିଲେ । ଗୁରୁତର ଅବସ୍ଥାରେ ପ୍ରଶାନ୍ତଙ୍କୁ ପ୍ରଥମେ ଢେଙ୍କାନାଳ ଜିଲ୍ଲା ମୁଖ୍ୟ ଡାକ୍ତରଖାନାରେ ଭର୍ତ୍ତି କରାଯାଇଥିଲା । ସେଠାରେ ତାଙ୍କ ଅବସ୍ଥା ସଙ୍କଟାପନ୍ନ ହେବାରୁ କଟକ ବଡ଼ ମେଡିକାଲକୁ ସ୍ଥାନାନ୍ତରିତ କରାଯାଇଛି ।
{"id":401402,"sizeSlug":"large","linkDestination":"none"}
ସେହିପରି ସ୍ଥାନୀୟ ଅଞ୍ଚଳରେ ହାତୀ ଉପଦ୍ରବକୁ ନେଇ ତାତିଛନ୍ତି ସ୍ଥାନୀୟବାସିନ୍ଦା । ବନବିଭାଗ ପକ୍ଷରୁ ଦନ୍ତାକୁ ଜବତ କରିବା ଓ ଗୁରୁତର ଚାଷୀଙ୍କ ଚିକିତ୍ସା ପାଇଁ ଆର୍ଥିକ ସହାୟତା ପାଇଁ ଦାବି କରିଛନ୍ତି । ଏପରିକି ଚାଷୀଙ୍କ ଗ୍ରାମବାସୀମାନେ ଗୋବିନ୍ଦପୁର ଛକରେ ଏନ ଏଚ-୫୫କୁ ଅବରୋଧ କରିଛନ୍ତି ।
{"id":401403,"sizeSlug":"large","linkDestination":"none"}
ଯାହାଫଳରେ ୫୫ନମ୍ବର ଜାତୀୟ ରାଜପଥରେ ସାଧାରଣ ଯାତାୟାତ ସମ୍ପର୍ଣ୍ଣ ଠପ୍ ହୋଇଯାଇଛି । ରାସ୍ତାର ଉଭୟ ପଟେ ଗାଡି ଯାମ୍ ହୋଇଛି । ଏପରିକି କଟକ ଓ ଅନୁଗୁଳ ମଧ୍ୟରେ ଯୋଗାଯୋଗ ବିଛିନ୍ନ ହୋଇଯାଇଛି । ସ୍ଥାନୀୟ ଗୋବିନ୍ଦପୁର ଫାଣ୍ଡି ପୁଲିସ ପହଞ୍ଚି ଉତ୍ୟକ୍ତ ଲୋକଙ୍କୁ ବୁଝା ସୁଝା ଜାରିରଖିଛି ।
