Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୮୯୯ ଛୁଇଁଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଆରମ୍ଭ ହେଲା କୋଭିଡ୍ ଟିକାକରଣ, ୧୬୧ କେନ୍ଦ୍ରରେ ଚାଲିଛି ଟିକାଦାନ
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୭୮ କୋଭିଡ୍ ସଂକ୍ରମିତ, ୩୩୩୧୨୭ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଦେଶରେ ଖସୁଛି କରୋନା ଗ୍ରାଫ୍, ଗତ ୨୪ଘଣ୍ଟାରେ ୧୫୧୫୮ କୋଭିଡ଼ ସଂକ୍ରମିତ ଚିହ୍ନଟ
  • ||
  • ଘାଟିରେ ଦୁର୍ଘଟଣା : ଟ୍ରକକୁ ସାମ୍ନା ପଟୁ ପିଟିଲା ବାଇକ୍‌, ଚାଲିଗଲା ଶଳା-ଭିଣୋଇଙ୍କ ଜୀବନ
  • ||
  • ବୈଠକ ପରେ ବୈଠକ କିନ୍ତୁ ଫଳ ଶୂନ ! ୧୯’ରେ ପୁଣି ଚାଷୀ-ସରକାର ଆଲୋଚନା
  • ||
  • ବରଗଡ଼: ବ୍ୟବସାୟୀଙ୍କ ଘରୁ ଲକ୍ଷାଧିକ ଟଙ୍କାର ସୁନା-ଗହଣା ଲୁଟ, ୩ ଲୁଟେରା ଗିରଫ
  • ||

ଓଡ଼ିଶାରେ ସବୁଠାରୁ ବଡ଼ କିଲର ହେଉଛି ସଡ଼କ ଦୁର୍ଘଟଣା- ଜାଣନ୍ତୁ କେତେଜଣଙ୍କର ହେଉଛି ମୃତ୍ୟୁ

21/11/2019 at 5:39 PM

ଭୁବନେଶ୍ୱର ୨୧।୧୧ –  ରାଜ୍ୟରେ ଦୁର୍ଘଟଣା ବଢୁଛି । ରାଜ୍ୟରେ ୪ ବର୍ଷରେ ୧୮ ହଜାରରୁ ଅଧିକ ଲୋକଙ୍କ ଜୀବନ ଯାଇଛି । ଖାଲି ସେତିକି ଲକ୍ଷ ଲକ୍ଷ ଗାଡି ଗାଡ଼ି ଗଡୁଛି ଯେଉଁମାନଙ୍କର ଫିଟନେସ ନାହିଁ।  ଆଉ ଏସବୁ ପରିବେଷ ପ୍ରଦୂଷଣ କରୁଛନ୍ତି ଓ  ଦୁର୍ଘଟଣା ବଢାଉଛନ୍ତି। ସଡ଼କ ଦୁର୍ଘଟଣାକୁ ନେଇ ଆଜି ବିଧାନସଭାରେ ସରଗରମ ଆଲୋଚନା ହୋଇଛି। ।

ଓଡ଼ିଶାରେ ସବୁଠାରୁ ବଡ଼ କିଲର ହେଉଛି ସଡ଼କ ଦୁର୍ଘଟଣା।  ଗଲା ୪ ବର୍ଷରେ ରାଜ୍ୟରେ ୪୦ ହଜାର ୮୫୨ ଦୁର୍ଘଟଣା ଘଟିଛି । ଏସବୁ ଦୁର୍ଘଟଣାରେ ୧୮ ହଜାର ୬୮୩ ଜଣଙ୍କ ମୃତ୍ୟୁ ହୋଇଛି।  ଏହା ବିଧାନସସଭାରେ ସ୍ବୀକାର କରିଛନ୍ତି ଖୋଦ ବିଭାଗୀୟ ମନ୍ତ୍ରୀ। କେବଳ ଏତିକି ନୁହେଁ ରାଜ୍ୟର ଏବେ ୨୨ ଲକ୍ଷ ୯ ହଜାର ଏମିତି ଗାଡି ଅଛି ଯେଉଁଗୁଡ଼ିକର ଅବଧି ୧୫ ବର୍ଷରୁ ଅଧିକ । ଏଭଳି ଗାଡି ଆଉ ରାସ୍ତାରେ ଗଡିବା କଥା ନୁହେଁ । କିନ୍ତୁ ଏହି ଗାଡିରୁ ୧୧ ଲକ୍ଷ ୪୩ ହଜାର ପୁରୁଣା ଗାଡ଼ି ଏବେ ବି ରାସ୍ତାରେ ଗଡୁଛି । ସରକାରଙ୍କ ଏପରି ନୀତିକୁ ନେଇ ଏବେ ବି ଘେରିଛନ୍ତି ବିରୋଧୀ । ରାଜ୍ୟରେ ରାସ୍ତା ଅବସ୍ଥା ଠିକ ନାହିଁ ।ସେମିତି ଭିତ୍ତିଭୂମି ନଥିବାରୁ ଗାଡି ମଟର ସଠିକ ଯାଞ୍ଜ କି ଫିଟନେସ ହୋଇପାରୁନି ।ଯାହାକୁ ନେଇ ବିରୋଧୀ ସରକାରଙ୍କୁ ପ୍ରଶ୍ନ କରିଛନ୍ତି।

ସେପଟେ ପରିବହନ ମନ୍ତ୍ରୀ କହିଛନ୍ତି ଅଧିକାଂଶ ଦୁର୍ଘଟଣା ନିଶାଗ୍ରସ୍ତ କାରଣରୁ ଘଟୁଛି । ତେବେ ନୂଆ ମୋଟର ଯାନ ଆଇନ ଆସିବା ପରେ ରାଜ୍ୟରେ ଦୁର୍ଘଟଣା କମିଛି । ୧୫ ବର୍ଷରୁ ଉର୍ଦ୍ଧ୍ବ ଗାଡି ବ୍ୟବହାରକୁ ନିଷିଦ୍ଧ କରିବା କେନ୍ଦ୍ର ସରକାରଙ୍କ ନିଷ୍ପତ୍ତି ।  ତେବେ କେନ୍ଦ୍ର ନିଷ୍ପତ୍ତି ଅନୁସାରେ ରାଜ୍ୟ ସରକାର ନିଷ୍ପତ୍ତି ଗ୍ରହଣ କରୁଛନ୍ତି ବୋଲି କହିଛନ୍ତି ବିଭାଗୀୟମନ୍ତ୍ରୀ ।

ରାଜ୍ୟରେ ଦୁର୍ଘଟଣା ଜନିତ ମୃତ୍ୟୁକୁ କମାଇବା ଲାଗି ସଚେତନତା କାର୍ଯ୍ୟକ୍ରମ ହେଉଛି । ହେଲେ ଏଥିପାଇଁ ସରକାର ଯେତିକି ଟଙ୍କା ଖର୍ଚ୍ଚ କରୁଛନ୍ତି ସେଇ ଅନୁସାରେ କିନ୍ତୁ ଦୁର୍ଘଟଣା କମୁନି । ରାସ୍ତାଘାଟର ଉନ୍ନତି ସାଙ୍ଗକୁ ଭିତ୍ତିଭୂମିର ବିକାଶ ହେଲେ ସଡକ ଦୁର୍ଘଟଣା ବହୁ ପରିମାଣରେ କମିପାରିବ ।

   Related Posts